Haustið nálgast.....

... með allri sinni litadýrð. Ég fór út með á með Ljónshjartað og litirnir úti í eyju lofa góðu fyrir komandi morgna.

Vatnsfimin hefst eftir nokkra daga og rútínan tekur við. Það er alltaf gott - jafn gott og á vorin þegar henni sleppir og maður getur varla beðið með að sukka með tímann þessa sumarmánuði sem í boði eru.

Ég fór um daginn með Einari í fossaferð upp í Þjórsárdal. Það var skemmtilegt ferð. Við fundum Grennd - sem var mikill kostur fyrir Einar. Skoðuðum Hjálparfoss - virkjanir.... hvað voru þær margar Einar? Einar þrjár? - Tókuð þið eftir því hvað ég gat laumað Einari oft inn þarna?

Fundum líka Háafoss og Granna - þangað hef ég ekki komið áður - allavega ekki svo ég muni.... 

Komumst síðan, talsvert síðar en við ætluðum okkur, upp að Sigöldufossi. Hann var flottur og það var Einar líka

Jafnvel þótt ég hafi áttað mig á því komin langleiðina að Sigöldu að ég væri á ferð langt uppi á fjöllum með manni sem ég þekki aðeins í gegnum netið Er ekki alltaf verið að vara konur við þannig mönnum? Hann hefði getað varpað mér í lónið og hvenær hefðuð þið farið að hafa áhyggjur? Hvað hefðu liðið margar vikur? Kannski hefði ég ekki fundist fyrr en ég stíflaði rafmagnið!!

Einar fær samt mín meðmæli sem fossafélagi - nokkuð þægilegur, fremur skemmtilegur, hreinlegur og auðveldur í umgengni

Athugasemdir

[Ásthildur Cesil Þórðardóttir, 27.8.2009 kl. 09:11]

Ef hann Einar er jafn flottur og fossarnir Hrönn mín, þá ættirðu ef til vill að koma honum til en ekki bara sem fossavini

[Vilma Kristín , 27.8.2009 kl. 11:18]

Þetta hefur verið gaman hjá ykkur.  Hef sjálf kíkt á nokkra af þessum fossum. Háifoss og Hjálparfoss eru báðir nokkuð cool...

[Anna Einarsdóttir, 27.8.2009 kl. 12:26]

Tæp vika..... þá hefði ég tekið eftir því að þig vantaði.  En hvar hefði maður átt að leita ?  Undir rúmi ?  

[Hrönn Sigurðardóttir, 27.8.2009 kl. 12:27]

...eða í rafmagnsleiðslunum ;)

[Birna Dis Vilbertsdóttir (IP-tala skráð) 27.8.2009 kl. 18:08]

Flottar myndir ég bið að heilsa Einari Ég hefði nú talað við leynilögguna vin minn á Selfossi og beðið hann um að leita að þér ef þú hefðir horfið í marga daga

[Steingrímur Helgason, 27.8.2009 kl. 23:46]

Var úrkoma í 'Grennd' ?

[www.zordis.com, 28.8.2009 kl. 08:45]

Þú ert rafmögnuð og Einar greinilega stuðstrákur.

Kveðja úr Citýinu :-)

[Ía Jóhannsdóttir, 28.8.2009 kl. 11:02]

Já það er sko margt hægt að gera með Einari.

[Einar Indriðason, 28.8.2009 kl. 15:11]

.... og kassavanur.  Ekki gleyma því.

[Einar Indriðason, 28.8.2009 kl. 15:12]

Heyrðu... þú þekkir mig raunar líka frá Jóni Sig. Manstu?  Nefið, sko?

[Fanney Björg Karlsdóttir, 28.8.2009 kl. 15:16]

Ég hefði sko fattað það um leið......því Grámann kaktus hefði hringt med det samma......:))

Fallegar myndir.... vantaði bara mynd af Einari.....

[Hrönn Sigurðardóttir, 28.8.2009 kl. 18:26]

Það var úrkoma í Grennd.....

...og kassavanur ;)

Grámann heitir í dag Klói Kattmann ;)

[Fanney Björg Karlsdóttir, 29.8.2009 kl. 10:42]

Nú ???... hann skiptir bara um nafn eins og nærbuxur.... gerðist hann sekur um eitthvað... af hverju þurfti hann nýtt ædentití ?

[Ragnheiður , 29.8.2009 kl. 11:32]

Kötturinn er í vitnavernd, hann ******** hundinum í næsta húsi.

Gott að Einar er kassavanur en voruð þið að druslast með kassann með ykkur upp um fjöll og firnindi?

Ég hefði fattað  hvarf þitt langt á eftir Önnu

[Hrönn Sigurðardóttir, 29.8.2009 kl. 21:37]

Og það sem meira er.... hann skiptir um nafn án þess að skipta um nærbuxur!

Nei Ragga... við gleymdum kassanum ;)

[zappa (IP-tala skráð) 30.8.2009 kl. 15:10]

alltaf skemmtilegt þegar haustið skellur á með skítakulda,fossarnir fjúka uppímóti og alles....

[Linda litla, 2.9.2009 kl. 11:41]

Flottar fossamyndir hjá þér.

Bestu kveðjur til þín :o)