Loforð....

Jenný Anna er nokkuð viss um að hún sé með svínaflensu og komi ekki til með að lifa hana af.... Ég var að vorkenna henni og fékk frekar kaldranalegt svar til baka um að hún mundi minnast mín í erfðaskránni! Sem ég er vitaskuld hæstánægð með - ég er alveg viss um að hún á rósótta súkkulaðikönnu sem hún ánafnar mér....

...það hins vegar minnti mig á, þegar ég var lítil, endur fyrir löngu, og var einu sinni sem oftar í heimsókn hjá frænku minni sem bjó í Reykjavík. Hún átti forláta útvarpstæki - þið vitið... svona eldgamalt, stórt með risavöxnum tökkum sem maður snéri fram og til baka til að skipta um stöð. Ég sat í stofunni og dáðist að útvarpstækinu þegar þessi frænka mín kom inn og ég gerði mér lítið fyrir og spurði: "Má ég eiga þetta útvarp þegar þú deyrð?"

Hún kippti sér ekkert upp við þetta - enda eðalfrænka, hló og sagði mér að vitaskuld gæti ég fengið að eiga tækið.

Mér til varnar get ég upplýst það að ég skammast mín ööörlítið núna um leið og ég velti fyrir mér hvar útvarpið sé nú

Athugasemdir

[Jenný Anna Baldursdóttir, 15.8.2009 kl. 13:42]

Ég á svona gamalt útvarp með silfurskífu með nafni afa míns á, það virkar ekki en er augnakonfekt.  Ég skal spyrja dætur mínar hvort þú getir fengið það frekjan þín þegar ég er dauð.

Hehe, farin í rúm.  UPP í rúm, en hér á Stór-Reykjavíkursvæðinu sofum við Í rúmum en ekki undir þeim eins og sveitavargurinn.

[Steinunn Helga Sigurðardóttir, 15.8.2009 kl. 13:53]

hehehe, alltaf gaman að koma hér, léttist á mér brúninn :o)

laugardagsknús til þín frá mér

[Sigrún Jónsdóttir, 15.8.2009 kl. 14:30]

hahaha  Elsta barnabarnið mitt, bráðum 9 ára stúlkutetur, er búin að vera í einhverjum "má ég eigedda" ham í nokkur misseri.  Samtöl okkar enda æði oft á spurningu hennar "má ég þá eigedda þegar þú ert dáin"?

[Hrönn Sigurðardóttir, 15.8.2009 kl. 15:30]

Sigrún bentu henni á að fá þetta skriflegt! Það er greinilega það eina sem virkar.....

[Ía Jóhannsdóttir, 15.8.2009 kl. 21:03]

Heheheh þið eruð óborganlegar!  Og ekki að ræða það að rósótta súkkulaðikannan lendi hjá þér Hrönn eftir daga Jennslunnar þinnar eins og þú kallar hana þegar þú ert í stuði.

 Málið er að hún á enga slíka í fórum sínum þess vegna breytir hún um umræðuefni og  vill  ánafna þér gamla radioið og telur það vera merkilegt stofustáss.  Kerlingin er fárveik, fer ekkert á milli mála.

[Hrönn Sigurðardóttir, 15.8.2009 kl. 22:04]

hehehe nei hún er örugglega með svínaflensu.

[Sigrún frænka (IP-tala skráð) 16.8.2009 kl. 14:17]

Hjá mér?

[Hrönn Sigurðardóttir, 16.8.2009 kl. 15:01]

Hugsanlega Sigrún :)

[Birna Dis Vilbertsdóttir (IP-tala skráð) 17.8.2009 kl. 17:31]

 ég spurði mömmu mína árið '75 hvort ég mætti eiga nýju saumavélina hennar þegar hún væri dáinn.Henni var ekki skemmt enda bara 40 ára og fékk vélina í afmælisgjöf á því afmæli .Mér fannst konan óþarflega viðkvæm

[Dúa, 17.8.2009 kl. 19:11]

Ég var 3 ára þegar ég hafði augastað á perlufesti sem mamma átti og auðvitað heimtaði ég festina. Fékk það svar að ég fengi hana þegar hún væri dáin. Þegar mann langar mikið  í eitthvað setur maður ekki eitt örlítið andlát eða glæpsamlega hegðun fyrir sig þannig að ég sagði : "Ég skjóta mömmu!" Vopnaeign mín var í lágmarki á þessum aldri þannig að hún lifir enn og seldi festina meðan ég var enn óviti (undir 40 ára aldri).

[Hrönn Sigurðardóttir, 17.8.2009 kl. 21:58]

hahahha gott að ég er ekki ein um að vera óforskömmuð.....

[www.zordis.com, 19.8.2009 kl. 16:09]

Allt skriflegt það er málið!

Krútt sem þú ert elsku Hrönnslan min.