Ég breytti statusinum á feisbúkk!

Ég byrjaði daginn á grænum sjeik frá Himneskri Hollustu - nema í mínum meðförum varð hann aðeins út í súkkulaðilit - ég setti peru í hann og hann breyttist úr grænum sjeik í brúnan sjeik - sem er, ef ég á að vera alveg hreinskilin, öllu girnilegri en grænn.........

Hann var svo góður að ég drakk tvö glös! Setti í hann; vatn, spínat, lime, peru, epli, engifer og bláber.  Vann svo af alefli fyrir mína frábæru vinnuveitendur fram að hádegi.... eftir það slæptist ég í pollum eins og hver annar eymingi á bótum frá ríkinu - eða eins og ég kýs að kalla það - átti gæðastund með sjálfri mér úti í ekki svo guðsgrænni náttúru en sæmilega blautri allavega....

Ég endaði daginn hins vegar á súkkulaði sjeik frá Kjörís! Kona getur ekki lifað á hollustunni einni saman

Ég er á leiðinni undir rúm - það er vatnsfimi hjá Betu í fyrramálið og ef ég þekki hana rétt þá vill hún koma okkur í kjólinn fyrir páska....... Eins gott að mæta úthvíld í tíma hjá henni

Fyrirsögnin? Ég er, af mínu alkunna innræti, að gera grín að fólki sem tilkynnir á feisbúkk að það hafi verið að blogga

Athugasemdir

[Anna Einarsdóttir, 1.4.2009 kl. 22:10]

Ertu með konu sem klæðir þig í kjólinn ? 

Ertu algjör prinsessa kerling !?

[Helga Magnúsdóttir, 1.4.2009 kl. 22:21]

Vonandi kemstu nógu snemma undan rúminu til að fara í vatnsfimina.

[Ragnheiður , 1.4.2009 kl. 22:33]

SKÖMMIN ÞÍN !!

ég er bara búin að tilkynna 2var í kvöld á feisbúkk að ég sé búin að blogga..

djö var þetta gott á mig..farin undir borð

[Brúðarmeyjan eina og hreina ... Z (IP-tala skráð) 1.4.2009 kl. 23:00]

Af alkunnri snilld þá ertu uppáhalds grínarinn minn! Þvílík hollusta kona, ertu með sheikvél?

Hér var grænmetis trubbl, grænt á grænt með lax og tómat tutum með mozzarella osti. Finn að ég grennist og mun komast í brúðarmeyjarkjólinn ... jeddúddamía hvað það er komin mikil tilhlökkun í kroppinn ...

[Jenný Anna Baldursdóttir, 1.4.2009 kl. 23:14]

Ég skil ekki hvað þú ert að fara.  Hló bara eins og bjáni.  Múha.

[Vilma Kristín , 1.4.2009 kl. 23:36]

Þetta lýst mér vel á... byrja á hollustu og skipta svo yfir í hitt...

[Einar Indriðason, 2.4.2009 kl. 07:58]

Kjóllinn?  Ég er með lausn.  Body paint!  Mætti þess vegna vera Hempels skipamálning, ef þetta þarf að vera vatnshelt dæmi.

[Auður Proppé, 2.4.2009 kl. 08:02]

Kvöldsjeikinn hljómar mikið betur, á ekki ísinn frá Kjörís annars ekki að vera svo hollur?

[Kristín Katla Árnadóttir, 2.4.2009 kl. 08:31]

Nú ætla ég að prófa svona sjeik eða hvað.

[Hrönn Sigurðardóttir, 2.4.2009 kl. 08:34]

haha jú hann er alveg meinhollur! Spurning hvort ég snúi mér frekar að molotovkokteilum seinni partinn?

Einar!!

Vilma! Þetta virkar vel...

Jenný

Zordis! Ég á orginal sjeikvél. Gæti hugsanlega galdrað fram sjeikinn sem keypti dularfulla hlutinn í Kaupþingi og rukkað hann.... Ertu búin að finna brúðarmeyjakjólana? Þú manst allt fjólublátt með púffi virkar vel

Anna! Já ég er prinsessa. Ég hef haldið því fram í mörg ár að ég eigi tilkall til krúnunnar í Danaveldi ;)

Helga! Það slapp...

Ragga! tíhíhíhíhíhí

[Einar Indriðason, 2.4.2009 kl. 08:37]

Cathy!!!

[Hrönn Sigurðardóttir, 2.4.2009 kl. 08:43]

[Birna Dis Vilbertsdóttir (IP-tala skráð) 2.4.2009 kl. 09:22]

Ummmmmmmmm hollustan kvölds og morgna.Sundkona sem klæðir mann í kjólinn?Getur þú sent mér eina?Minn kjóll þrengdist þegar ég hætti að reykja.Held að það sé bilun í skápunum mínum.Flest föt minnkuðu við að ég hætti að reykja.

[Hrönn Sigurðardóttir, 2.4.2009 kl. 18:49]

Katla! Prófaðu! Ferlega góður og ábyggilega meinhollur.... svo máttu ábyggilega prófa kvöldsjeikinn líka :)

[Ásthildur Cesil Þórðardóttir, 2.4.2009 kl. 21:54]

Hahaha vona að leikfimin hafi farið vel fram og kjóllinn hafi ekki minnkað. 

[www.zordis.com, 3.4.2009 kl. 13:40]

En hvað með sporðinn .... Fjólublár er haustliturinn í ár og EINAR hempels á viðkvæma húð er KILLER. Núna þarf ég að sauma stúdenta gardínudressið og svo helli ég mér í brúðarmeyjarkjólana ..... Vill svo til að ég á fjólubláar Gardínu .....

[Solla Guðjóns, 3.4.2009 kl. 23:51]

 yndislega apparatið mitt

[Einar Indriðason, 4.4.2009 kl. 10:45]

ok, ok... ef Hempels á húðina er killer, þá þarf að nota VitaWrap plastfilmu undir!  Það er meira segja hægt að for-mála plastfilmuna áður en henni er vafið utan um sporðinn og aðra ugga....