Góð aðferð til að léttast mar.......

Ég sé að einn þeirra bláu hefur stolið mínu slogani í kosningabaráttunni! Hann skrifar undir auglýsingar með: Mundu mig - Ég man þig

Í dag er  prófkjör sjálfstæðismanna - allavega á Suðurlandi.

Ég sá mér leik á borði og skundaði upp til þeirra. Eyþór Arnalds kom upprifinn á móti mér og vildi sýna mér hvernig ég ætti að kjósa! Það sljákkaði aðeins í honum þegar ég tilkynnti að ég væri eingöngu komin til að segja mig úr þessum flokki!!

Ég er ekki frá því að ég hafi lést um ca. þrjú kíló..... mæli með þessu

Lifðu í lukku

Athugasemdir

[Steingrímur Helgason, 14.3.2009 kl. 14:40]

Ozz erum kátr með izz...

[Anna Einarsdóttir, 14.3.2009 kl. 15:02]

Izz er að gleðja ozz verulega. 

[Marinó Már Marinósson, 14.3.2009 kl. 16:19]

Leið þér ekki miklu betur?         Hann hefur örugglega sungið Kónguló kónguló eins og forðum þegar þú gekkst út.  

[Jenný Anna Baldursdóttir, 14.3.2009 kl. 16:51]

Til hamingju með það.

[Einar Indriðason, 14.3.2009 kl. 17:24]

Og... þarna hefðirðu átt að taka myndavélina með þér, og taka myndir af þessum flokkstuðrum, þegar þú þrumaðir út úr þér:  "Ég er hætt, farinn, skrifið mig út, vil ekki leika við ykkur lengur, þið argans aumingjar og látbragðsleikarar!"

Jafnvel hringja í DV og fá fyrirsögnina:  "Segir sig úr Flokknum, korteri fyrir kosningar"

[Hrönn Sigurðardóttir, 14.3.2009 kl. 18:04]

hahaha já eins og fleiri frægir sem eru alltaf að skipta um flokka..........

[Ragnheiður , 14.3.2009 kl. 20:13]

Hehe æj...ég elska Todmobile

En ég er með hugmynd að labbi...milli skrifstofanna að segja sig í og úr flokkunum

[Hrönn Sigurðardóttir, 14.3.2009 kl. 20:18]

Úff... einu sinni þótti mér líka voða vænt um Todmobile..... Svona eru nú hlutirnir eyðilagðir fyrir manni!

[Hrönn Sigurðardóttir, 14.3.2009 kl. 20:18]

*flisssss* Kónguló kónguló.....

[Brattur, 14.3.2009 kl. 20:31]

Ertu að meina að ganga úr og í flokka sé grennandi... en spennandi...

[Hrönn Sigurðardóttir, 14.3.2009 kl. 20:38]

Já! Og svo er mér svo létt

[Solla Guðjóns, 14.3.2009 kl. 22:06]

Já það er gott að fauk af þér....býst við að þú hafir sagt þetta skilmerkilega Hrannarlega

[Hrönn Sigurðardóttir, 14.3.2009 kl. 22:58]

býst við því já.........

[Vilma Kristín , 14.3.2009 kl. 23:15]

:)

[, 15.3.2009 kl. 00:07]

Skrambi var þetta skondið

[Unnur Sólrún (IP-tala skráð) 15.3.2009 kl. 08:30]

Elsku Hrönn.  ,,Ég elska þig systir eins og lamb, sem er til slátrunar leitt".  Þannig hugsaði Jóhannes úr Kötlum sér pólitíska innlimun og það er nú ekki lítið afrek að flýja slátrun.  Til hamingju með þetta þú fiðrildi sem nú flýgur létt um engi :) . Hvernig væri að nota hálfu dagana í bókarskrif?

Sólarheitar sunnudagskveðjur úr hjarta borgar.

[www.zordis.com, 15.3.2009 kl. 20:58]

Til hamingju mín kærasta! Þetta hefur verið alldeilis frábær kúr sem ég mun prófa! Ég mun reyna að segja mig úr einhverju mjög fljótlega og hlakka til að losna við 30 kíló ....

[Sigrún Jónsdóttir, 15.3.2009 kl. 22:03]

Ég get alveg ímyndað mér að þarna hafi þungu fargi verið af þér létt

[Hrönn Sigurðardóttir, 15.3.2009 kl. 22:10]

skaðaði ekkert að ganga aðeins fram af Todmobílnum í leiðinni........

[Jenný Anna Baldursdóttir, 15.3.2009 kl. 23:19]

Smá glaðningur.

[Halldór Egill Guðnason, 16.3.2009 kl. 03:15]

 Góð, eins og ávallt. Ég mætti hins vegar og kaus í mínu kjördæmi, hinum megin Hengilsins, en...... Á morgun segi ég mig úr Flokknum. Verst að þá verður sennilega enginn"Kleppsvegsstauraklessukappi" til að taka við úrsögninni og því mun úrsögn mín fölna við hlið þinnar. Þú ert fósturlandsins Freyja, það fer ekkert á milli mála. Hvað sagði Brattur annars?

[Ásthildur Cesil Þórðardóttir, 16.3.2009 kl. 20:56]

Iss ég skráði mig aldrei inn í flokkinn, en ég er ennþá að fá bréf frá þeim til dæmis beiðni um að mála Valhöll í sjálfboðavinnu, og svo alla bæklingana þeirra inn um bréfalúguna, kæri Sjálfstæðismaður.................................  Ég komst að því að amma mín hafði einhverntímann fyrir fimmtíu árum skráð mig í kvenfélag sjálfstæðiskvenna og þar sit ég og kemst ekki hænufet.  Hef samt aldrei verið rukkuð um ársgjald!!! skrýtið!!!

[Einar Indriðason, 17.3.2009 kl. 08:39]

Bjóddu þig endilega fram til að mála Valhöll.  Segðu þeim að þú munir mæta með þinn eiginn lit, blóðrauðan, og þú munir (til að spara tímann) sprauta með háþrýstidælum.

[Hrönn Sigurðardóttir, 17.3.2009 kl. 08:40]

hahah já! Best ég skrái mig aftur í bévítans flokkinn! Það er líka svo gaman að ganga úr honum

[Einar Indriðason, 18.3.2009 kl. 08:23]

Ný fyrirsögn í DV:  "Getur ekki ákveðið sig, vera með, eða vera úti"

(Köttur að kíkja í dyragættina hvort það sé gott eða vont veður úti, og hugsar... vera inni?  nei, vera úti?  nei?  en inni?  nei... kannski... En úti?  veit ekki... þarf aðeins að spá í það... En, kannski inni?  Úti?  Oh!  Hvílíkt val!  Best að liggja bara á þröskuldinum.)

Eða... Er þetta kannski Hrönn að ganga í og úr hinum ýmsu flokkum?