Einn af þeim....

Ég vaknaði snemma, fékk mér banana og morgunsnafsinn, nýkreista sítrónu! Alltaf gott að byrja daginn súr í bragði.....

Fór svo í langan göngutúr með Ljónshjartað. Úti er glampandi sól, snjórinn glitrar og sindrar og hálkan er minni en ég hélt. Ég uppskar svo svakalegan hausverk af allri þessari árans ekkisens útiveru og hreysti að mér finnst eins og hausinn á mér sé að klofna...... Þetta ætti að kenna manni að sofa bara lengur og borða frekar kók og cocopuffs í morgunmat

Í hverfisversluninni var kortinu mínu hafnað með þeim skilaboðum að innistæða væri ekki næg en ég var svo stálheppin að næsti maður í röðinni var leynilögreglumaðurinn á frívakt og hann lánaði mér aur. Kemur sér stundum vel að þekkja ríkisstarfsmenn

Og úr því að ég er á annað borð örg þá tilkynnist hér með að ég á erfitt með umbera það þegar fólk bloggar og sendir svo bloggið sitt í skilaboðakerfinu til bloggvina sinna. Héðan í frá fá þessir aðilar sömu meðferð og rasistarnir fengu hjá mér hér um árið. Þeir verða lækkaðir í bloggvinaröðinnni og á endanum lenda þeir út af honum!

Ætla að fleygja mér undir rúm og athuga hvort ég lagast ekki - allavega af hausverknum. Á meðan - taktu tvær magnyl

Athugasemdir

[Brattur, 28.2.2009 kl. 14:05]

... ég sem te maður get nú bara upplýst að fátt er óhollara en heilsute... þvílíkur viðbjóður... maður á að vara sig á of mikilli hollustu... en það er nú allt í lagi að vera ergilegur stundum til þess að geta verið skemmtilegur eftirá... eins og rigningin og sólin... skilurðu...

[Anna Einarsdóttir, 28.2.2009 kl. 14:27]

Ég verð líka örg þegar fólk sendir "auglýsingu" í skilaboðakerfinu.  Henti einum duglegum auglýsanda út í fyrradag.

Vonandi lagast þú Hrönn. 

[Jenný Anna Baldursdóttir, 28.2.2009 kl. 14:53]

Takk fyrir að taka upp þetta með bloggskilaboðin.

Þetta er að gera mig brjálaða.

[Vilma Kristín , 28.2.2009 kl. 16:41]

Hollusta er bara góð í hófi... er það ekki?

[Dísa Dóra, 28.2.2009 kl. 17:17]

sammála þér með bloggskilaboðin.  Það er eins og fólk treysti manni ekki til að lesa þá sem eru á vinalistanum manns.

Vonandi heldur sig hausverkurinn fjarri þér það sem eftir lifir helgar allavega

[Ragnheiður , 28.2.2009 kl. 17:23]

Það er nú kannski von að fólk treysti manni ekki til að lesa hehe, ég les bara örfáa orðið. Ég er hinsvegar sammála þér að þetta er hvimleitt og fyllir stjórnborðið ..

Knús á þig súra kona.

[Ólöf Anna , 28.2.2009 kl. 18:44]

Sko Laugardagur er alþjóðlegur nammi dagur sá sem borðar hollt á laugardögum er dæmdur til að fá hausverk og linar hægðir!!

Ég hélt að þú vissir þetta Hrönn!!

[SigrúnSveitó, 28.2.2009 kl. 19:30]

Ég er svo stálheppin að eiga bara frábæra bloggvini sem senda mér ekki svona skilaboð :) Myndi ekki fíla það neitt sko.

Vonandi er hausverkurinn þinn farinn, mín kæra.

[Hrönn Sigurðardóttir, 28.2.2009 kl. 22:27]

Heppin Sigrún!

Mín viðbrögð við svona skilaboðum eru að eyða þeim undireins og lesa ALLS EKKi viðkomandi blogg! En ég er líka þverhaus.......

Jú - ég er á því að hollusta sé bara góð i bland við hitt :)

[Huld S. Ringsted, 28.2.2009 kl. 23:13]

Mikið er ég sammála þér með bloggskilaboðin frá nánast því alltaf sömu manneskjunum, liggur við í hvert skipti sem þau setja inn færslur, þetta er að gera mig gráhærða (var það reyndar fyrir). Ætti kannski að taka upp sama system og þú, lækka þá í "tign"

[Solla Guðjóns, 28.2.2009 kl. 23:59]

Alveg rétt þess háttar skilaboð eru nú bara asnaleg. Ég fæ ávallt frá tveim í hvert sinn er þeir blogga....fyrst hljóp ég eftir því og hélt að þarna væri eitthvað meiriháttar á ferð...NOT... svo fékk ég núna í gær eða nótt heilt blogg....í skilaboðin!!!!  ER FÓLK EKKI AÐ FATTA AÐ VIÐ BLOGGVINIR SJÁUM ALLTAF HVER ER MEÐ NÝTT BLOGG Ég vona að maður verði aldrei svo leiðinlegur bloggari að maður þurfi að fara að senda út tilkynningu í hvert skipti.....

Hahaha mig sár vantaði leynilöggumann á frívakt í dag

[Birna Dis Vilbertsdóttir (IP-tala skráð) 1.3.2009 kl. 14:05]

Ég þoli ekki svona skilaboð.En mikið ertu heppinn að þekkja ríkisstarfsmann sem á peninga í lok mánaðarins.Ég þekki eina leynilöggu á Selfossi,það skyldi þó ekki hafa verið hann?????Jú sennilega.

[www.zordis.com, 1.3.2009 kl. 19:47]

Ég elska svona áreiti og hef því miður ekki tekið uppá því! Var að hugsa um Suður Jótland og skútur i dag í bland við það að dreypa á kampavíni með tengdó!

Þú hefðir átt að vera þar :-)

Knús og puðr og allt það sætasta sem mér dettur til hugar!

[Hrönn Sigurðardóttir, 1.3.2009 kl. 19:51]

Skemmtilegt Zordis í ljósi þess að ég fékk póst frá Suður Jótlandi í dag ;) Ertu haldin dulrænum hæfileikum? knus og kram yfir hafið.....

Veit ekki Birna Dís! Þurfum við hittast og skiptast á leynilegum upplýsingum - eða eins og það heitir á frummálinu: classified information....... :Þ

Segðu Solla! Ríkisstarfsmenn eru góðir vinir :)

Huld! Þetta svínvirkar!

[Bergljót Hreinsdóttir, 1.3.2009 kl. 22:14]

Obbobobb...mín bara pínu úfin í dag??? Kannski sítrónan???

Sendi þér bara fallegar hugsanir og vona að morgundagurinn verði miklu betri...

Knús á þig Hrönnslan mín og lítill engill í kaupbæti....

PS: Lofa að senda ALDREI skilaboð þótt ég bloggi...

[Katrín Snæhólm Baldursdóttir, 2.3.2009 kl. 00:57]

Ég yrði líka fúl og brjál ef ég þyrfti að fara út á nóttunni með hund í hálku og þurfa svo að standa í röð peningalaus og láta lögguna eysa mig út...og fá svo ekkert út úr allri þessari fyrir höfn nema hausverk og endalaus skilaboð um að lesa böggandi blogg.

Hrönn mín..þú þarft að komast á skútu við suður jótland..það segja mér kænar konur!!! Ekki seinna en strax

[Sigrún Jónsdóttir, 2.3.2009 kl. 01:26]

Þoli það ekki þegar tölvan í bankanum gerir svona "mistök" varðandi inneignina mína...þoli ekki heldur færsluskilaboðin

Ég dýrka bloggin þín

[Steinunn Helga Sigurðardóttir, 2.3.2009 kl. 07:52]

sennilega er þetta ekki hollustunni að kenna ef svo er hætti ég við að hætta að drekka kaffi. það er gott að hitta hjálpsama.

KærleiksLjós til þín

Steina

[Hrönn Sigurðardóttir, 2.3.2009 kl. 09:30]

Sennilegar var þetta eitthvað tilfallandi. Ég hef allavega haldið áfram að borða banana og sítrónusnafsinn og hausverkurinn fylgir ekki....

Katrín! Þetta er góð hugmynd - láta sig líða bara í seglskútu við suðurströnd Jótlands.

Sigrún

Takk Bergljót - ég skil ekki þessa áráttu......

[Tína, 2.3.2009 kl. 11:04]

Halló tjelling.

Tek undir með þér hvað varðar skilaboðin. En ég er reyndar svo lánsöm að það er bara ein sem gerir þetta. 

Fer svo fljótlega að kíkja í kaffi og muffins a la Hrönn. Knús á þig á meðan

[Fanney Björg Karlsdóttir, 2.3.2009 kl. 11:54]

HA !!!! áttu muffins..???

[Birna Dis Vilbertsdóttir (IP-tala skráð) 2.3.2009 kl. 15:21]

Já endilega hittumst.Ég get þá sungið gospell á þig.Ég syng (ásamt KICK kórnum )í Keflavíkurkirkju í kvöld.Ég er ekki aðalatriðið aldrei þessu vant.Ég mæma

[Ásthildur Cesil Þórðardóttir, 2.3.2009 kl. 22:05]

Slæmt með hausverkinn Hrönn mín, ég er alltaf með hausverk á þessum tíma, það gerir birtan, síðan ég fattaði að ganga með sólgleraugu, jafnvel þó ekki sé sól líður mér strax betur.  Þú ættir að prófa.  Annars knús á þig elskuleg mín. 

[Gunnlaugur B Ólafsson, 3.3.2009 kl. 17:07]

Ég iðrast Hrönn og mun aldrei gera þetta aftur   . Var ekki búin að sjá að þú værir svona örg eða reikna það út að þú værir í viðnámi gegn boðskap rómantískra jafnaðarmanna.

[Hrönn Sigurðardóttir, 3.3.2009 kl. 18:18]

Æj Gulli minn! Þér er fyrirgefið - það var nú að vísu ekki þú sem ég er að vísa til í þessari færslu en gott hún kom að notum

Láttu þetta bara ekki koma fyrir aftur ;)

[www.zordis.com, 3.3.2009 kl. 19:13]

Fáðu þér annan snafs og Jótland er inn!