Nostalgía

Ég var að lesa gamalt blað með morgunkaffinu..... Matur og Vín heitir það. Þar eru oft góðar uppskriftir og viðtöl við hina og þessa. Ég staldraði við viðtal við (takið eftir öllum viðunum.... mætti halda að ég væri úr iðnaðarmannahéraði ) Tomma í Tommaborgurum og þá fór ég að hugsa.......

Ég renndi mér allt til árs fyrsta alvöruhamborgarans sem ég smakkaði. Hann var vitaskuld keyptur í útlöndum því hér fengust engir almennilega sveittir borgarar í þá gömlu góðu........ á Strikinu nánar tiltekið - ég hef snemma byrjað að njóta lífsins lystisemda í Danmörku en þetta er ekki saga um það..... Mig minnir samt endilega að minn fyrsti borgari hafi heitað Whopper Burger frekar en Burger King. Ég man ég fylltist valkvíða miklum yfir öllu því úrvali af hamborgurum og meðlæti sem þar gat að líta..... Ég man líka að mér fannst hann ekkert spes...

Fyrir nokkrum árum vaknaði ég óvenjuþunn og skundaði um miðjan dag í næstu sjoppu og verslaði einn sveittan borgara alltaf gott að borða bras í því ástandi. Síðan hef ég ekki borðað hamborgara! - Nú hélduð þið að ég ætlaði að segja: Síðan hef ég ekki vaknað þunn

Lifið í lukku

 

Athugasemdir

[Auður Proppé, 8.2.2009 kl. 14:10]

Ég man ennþá fyrsta Tommaborgarann minn þegar Tommi opnaði á Laugaveginum rétt við Hlemm. VÁ, algert æði og ég var ekki þunn

[Anna Einarsdóttir, 8.2.2009 kl. 14:33]

Abbababb. 

Matur og vín ?  Ég sé í gegnum þetta.  Þú varst að lesa um vínin. 

[Ragnheiður , 8.2.2009 kl. 15:31]

Já og sleiktir út um ! Hamborgari hvað !

Hey, ég verð heima á morgun...flensan leyfir enn ekki vinnudaga

[Hrönn Sigurðardóttir, 8.2.2009 kl. 15:33]

ok Ragga! Ég rata þangað núna..... ;)

[Ásthildur Cesil Þórðardóttir, 8.2.2009 kl. 16:06]

Mér finnst mynd af sveittum borgara fylla mig af hálfgerðu ógeði   örugglega hægt að fá fullt af svoleiðis á borgarafundum eller hur!!!

[Vilma Kristín , 8.2.2009 kl. 16:57]

mmmm, hamborgari er nú eiginlega svona matur sem klikkar ekki og nauðsynlegur á þynnkudögum! Algjörlega!

[Sigrún Jónsdóttir, 8.2.2009 kl. 19:31]

Ég get rétt ímyndað mér hvar þessi "þynnkuborgari" endaði....nánast ómeltur

[Dísa Dóra, 8.2.2009 kl. 21:09]

Um tvítugsaldurinn var ég að vinna á kvöldin í Barón á Laugaveginum og þar kynntist ég almennilegum hamborgurum og slefa við minninguna

[Jóna Á. Gísladóttir, 9.2.2009 kl. 11:19]

Ég man eftir Barón sem Dísa Dóra talar um.

Ég man líka hvað mér þóttu Tommaborgarar góðir. Ég hef ekki smakkað þá nýju. Þ.e. af hamborgarabúllunni.

Ég trúi því ekki að þú hafir ekki étið hamborgara i nokkur ár!! En franskar?

[Hrönn Sigurðardóttir, 9.2.2009 kl. 11:53]

Jú ég hef úðað í mig frönskum!

[Einar Indriðason, 9.2.2009 kl. 12:44]

Þá er nú kominn tími á að fá sér "búllu-borgara" hjá Tomma!  NAMMI GOTT!

[Birna Dis Vilbertsdóttir (IP-tala skráð) 9.2.2009 kl. 13:37]

Þynnkuborgariég á sögu um þynnku svið.Hafið þið verið ógeslega þunn og borðað heit svið?Það er eitthvað sem maður gerir bara einu sinni

[Einar Indriðason, 9.2.2009 kl. 13:59]

Hmm... Á ég að bæta í?  Sviðasulta, út í búð... hlaupkennd.  Sett á disk.  Diskurinn settur í örbylgjuofninn... svona til að taka mesta frostið úr sviðasultunni.  Hlaupið breyttist í vatnskennda efnablöndu....

Og sviðabitarnir út um allt.  Smakkaðist ágætlega, en það kom grænn svipur á borðfélagana.

(Og þetta hef ég gert amk 3svar... alltaf grænn svipur á borðfélagana....)

[Guðný Anna Arnþórsdóttir, 9.2.2009 kl. 18:12]

Ó, þúúúúú, enginn minnist eins og þúúúú, enginn minnst hamborgara í þynnnnnnnku, nneeeeeeeemmmma þúúúú.

Þetta var lélegur texti við frábært lag, en saminn um frábæra konu. (Sko, þarna reddaði ég mér fallega....)

[www.zordis.com, 9.2.2009 kl. 19:48]

Eg mun dæna með þér sveittan borgara hvar sem er í heiminum .... Eða bara eitthvað annað ....

[Hrönn Sigurðardóttir, 9.2.2009 kl. 20:05]

Oj Einar.....

Guðný Anna! Þarna reddaðirðu þér fyrir horn.

Zordis! <3 

[Bergljót Hreinsdóttir, 9.2.2009 kl. 23:32]

 Ha ha ha...