Samsæriskenningar!

Ég var í fríi í dag. Það þýðir að ég hef haft nægan tíma til upphugsa allskyns plott og samsæriskenningarnar dúkkuðu upp í færibandastíl.

Ein af þeim, og persónulega sú sem mér þótti einna bezt, allavega þegar ég klofaði skaflana og lyfti hnjánum svo hátt upp úr snjónum að Beta vatnsfimifrömuður hefði hoppað hæð sína af gleði.... var sú að óvinveittar þjóðir hefðu séð sér leik á borði í hinu svokallaða "efnahagsundri"  Íslendinga sem var jú undanfari þess efnahagsundurs sem við upplifum nú, að sölsa undir sig þau auðævi sem, eins og einhver sagði, lágu dauð! Þá er ég vitaskuld að tala um fiskinn í sjónum, drykkjarvatnið og orkuna í formi heita vatnsins.....

Þessar þjóðir - mér detta í hug.... bretland, Holland og Þýzkaland, sameinuðust um að fella gengi krónunnar og fella gengi íslenskra fyrirtækja allt með það fyrir augum að knýja okkur inn í ESB og svo ætla þau að hirða þetta allt saman og hía á okkur um leið.........

Ég sver það - ég var svo paranojuð þarna langt úti á golfvelli að ég heyrði töluð ókennileg mál á bak við hvern hól og oní hverri holu.... mér datt helst í hug Hollenska sem er, eins og alþjóð veit, gjörsamlega óskiljanleg.....

Sjáiði bara plottið með REI hér um árið. Ég er sannfærð um að það var bara fyrsti áfanginn af mörgum......... Ég gæti haldið svona áfram lengi - en.... ég var að fá emeil þar sem ég er beðin að taka þátt í vísindarannsókn á áhrifum jarðskjálftans sl. vor. Og ef það er eitthvað sem mér þykir skemmtilegra en ljúga að börnum og búa til samsæriskenningar þá er það að svara þessari könnun. Síðast var til dæmis spurt hvort ég hefði orðið fyrir kynferðislegri áreitni síðan í jarðskjálftanum. Því miður var ekki boðið upp á svarmöguleikann: Nei - sorrí tú sei.....

Ég held þetta séu perrar sem búa til þessar spurningar - en það breytir ekki því að ég flissa stanslaust á meðan ég svara!

Túdílú

 

Athugasemdir

[Anna Einarsdóttir, 30.1.2009 kl. 19:45]

Þú setur vísindarannsóknina upp á svo spennandi hátt að mér liggur við að öfunda þig af jarðskjálftanum.  Aldrei fæ ég neitt svona. 

[Vilma Kristín , 30.1.2009 kl. 21:03]

Ha, ha, ha... eru það einhver þekkt eftirköst jarðskjálfta að beita aðra kynferðislegu ofbeldi? Við fyrstu sýn virðist virðist þetta útí hött!

[Hrönn Sigurðardóttir, 30.1.2009 kl. 21:24]

Nákvæmlega Vilma..... ég sé ekki alveg samhengið. Það er það sem gerir rannsóknina svo..... spennandi ;)

Anna! Ég vildi ég gæti framsent hana á þig. Hún er, án gríns, eitthvað það skemmtilegasta ;)

[Einar Indriðason, 30.1.2009 kl. 21:29]

Hmmm... Skildi vera tölfræðileg fylgni milli "fórnarlamba jarðskjálfta" og "fórnarlamba kynferðisofbeldis" ... eða... ætli sé verið að leggja út af spurningunni:  "Fannstu jörðina hreyfast" .....

Hmm... mar spyr sig!

[Hrönn Sigurðardóttir, 30.1.2009 kl. 21:43]

Já Einar og ef svo er þá gerir það þátttöku mína í rannsókninni svo mikla meira virði

[Hrönn Sigurðardóttir, 30.1.2009 kl. 21:44]

Ég finn nebblega svo oft jörðina hreyfast

[Einar Indriðason, 30.1.2009 kl. 21:45]

Svarið er að sjálfsögðu:  "Já, ég fann jörðina hreyfast.  Hvað með þig... hreyfðist jörðin fyrir þig?"

[Hrönn Sigurðardóttir, 30.1.2009 kl. 21:49]

En... það fyndna er að það er ekki svarmöguleiki

[Hrönn Sigurðardóttir, 30.1.2009 kl. 21:49]

Sendandi svona spurningar til fólks á jarðskjálftasvæði.....

....fólk kann ekki að skammast sín!

[Unnur Sólrún (IP-tala skráð) 30.1.2009 kl. 23:22]

Jörðin beitir náttúrlega ofbeldi með þessum skjálftum sínum.  En hvort hún valdi einhverjum ofbeldis skjálftum eftir að hún róast finnst mér framandi hugsun.  Sjálf er hún þroskuð kona og dettur örugglega ekkert slíkt í hug.

Ó Hrönn.  Þú leiðir mann um ótroðna stíga og endalausar víðáttur.  Njóttu jarðarinnar skjálftalausrar (ekkert ofbeldi í því).

Gleðihux

[Jenný Anna Baldursdóttir, 30.1.2009 kl. 23:27]

Eitt má um þig segja og það án nokkurs hiks; þér leiðist ekki.

Og ekki mér heldur á meðan ég les.

[Halldór Egill Guðnason, 31.1.2009 kl. 02:47]

Elsku Hrönn.: Það er stafsetningarvilla í textanum. Í sjöundu línu, þriðja orði stendur "efnahagsundur", en á að vera "efnahagsglundur".

"Frendlí advæs, frí of tjards from the Tudor"

[Bergljót Hreinsdóttir, 31.1.2009 kl. 10:32]

Ha ha ha!...hver semur þessar kannanir eiginlega???....væri til í að sjá þetta fyrirbæri til að geta hlegið líka....

Hvert er samasemmerki þess að lenda í jarðskjálfta og kynferðislegu áreiti????

Þú ert alveg óforbetranleg...ekkert glundur þar á ferð.....ha ha ha!!!

[Birna Dis Vilbertsdóttir (IP-tala skráð) 31.1.2009 kl. 10:47]

Býrðu ekki við hliðina á vinnustað sýslumanns?Það gæti útskýrt kynferðislegaáreitisleysið.Ég laug stanslaust að börnunum hennar Krummu systir þegar þau voru yngri.Það er svoooooooo gaman að ljúga að börnum

[Fanney Björg Karlsdóttir, 31.1.2009 kl. 11:14]

Ó Hrönn... það þarf svo lítið til að gleðja þig..... ein vesældarleg könnun og þú ert í sjöunda himni...... Það ættu margir og enn fleirri en það að taka þig til fyrirmyndar.... þú ert algjört æði.......

...og takk fyrir spjallið og snúðana í gær....mmmm... ég gæti alveg vanist þessu...

[Dísa Dóra, 31.1.2009 kl. 11:27]

hahaha þú ert yndi - hef sagt það áður held ég

Annars spái ég nú í hvaða vísindalega rannsókn gefi ekki einu sinni upp alla svarmöguleika - ekki beint vísindalegt

[Gudrún Hauksdótttir, 31.1.2009 kl. 22:46]

Tad er ýmislegt sem skedur í tér og hjá tér.......Höfdinu sko:)

Tú ert algjör snilli heim ad sækja.

[www.zordis.com, 1.2.2009 kl. 11:35]

Ég sé að þú hefur þurrkað út öll kommentin mín (djók) .... Sunnudagsknús til þín, þú rúllar upp þessu krossaprófi eða vísindalegu könnuninni :-)

[Huld S. Ringsted, 1.2.2009 kl. 12:15]

[Ásthildur Cesil Þórðardóttir, 3.2.2009 kl. 09:27]