Úlpa!

Ég gleymdi að fá afnot af vatnssalerni hjá "Litla" bró áður en ég tók strætó heim aftur eftir mótmælin á Austurvelli þar sem ég hitti hann og fleiri ;)

Við Rauðavatn var ég í spreng og í Hveragerði íhugaði ég að kannski væri ekki svo slæmt að búa þar..... en náði áttum aftur

Fundurinn á Austurvelli var góður. Það gefur manni eitthvað að mæta þangað og bara standa með öðrum sem eru í sömu eða svipuðum sporum og maður sjálfur. Ekki spillti heldur fyrir að fá knús frá Einari ;)

Mikið lifandi skelfingar ósköp er mér nákvæmlega sama hvort mótmælendur eru með grímu, trefla eða bert feisið. Ég vil bara að fólk taki þátt! Það skiptir máli að koma þessu liði frá völdum. Það skiptir alveg gríðarlega miklu máli og sem betur fer eru fleiri og fleiri að átta sig á því.

Það var mótmælt á Selfossi líka í dag en mér leið bara svo vel eftir fundinn á Austurvelli á laugardaginn var að ég ákvað að skunda þangað í dag líka.

Enda er ég engin úlpa - ég er yfirhöfn

Athugasemdir

[Sigrún Jónsdóttir, 17.1.2009 kl. 19:39]

Það endar sjálfsagt með því að þegar ég kemst loksins út úr húsi, þá dríf ég mig austur fyrir fjall til að standa vaktina fyrir þig meðan þú stendur vaktina fyrir mig á Austurvelli.....kannski Bjarni Harðar bjóði mér í kakó  Ég er hrikalega stolt af þér

[Hrönn Sigurðardóttir, 17.1.2009 kl. 19:42]

Takk ;) Ef þú hittir Bjarna þá verðurðu að muna eftir að fá koss á kinn frá honum.

[Vilma Kristín , 17.1.2009 kl. 20:26]

Enn og aftur mætti ég... og enn og aftur hitti ég engann sem ég þekki. Mjög skrítið því ég veit yfirleitt af fullt af fólki sem ætlar en svo virðist það bara týnast í mannhafinu... En nú ætla ég og kennarinn að hafa föndurkvöld og mæta með skilti næst.. þá kannski sér einhver okkur þó við sjáum engann...

[Hrönn Sigurðardóttir, 17.1.2009 kl. 20:36]

Hvað á að standa á ykkar skiltum?

Mig vantar nefnilega skilti - enda tómt vesen að burðast með skilti í strætó. Ég gæti þó hugsanlega beðið dyravörðinn í Alþingishúsinu að geyma það fyrir mig á milli mótmæla?

[Jenný Anna Baldursdóttir, 17.1.2009 kl. 20:41]

Krúttið þitt, fórstu í strætó alla þessa leið?

Arg, ég fyrirgef þér úlpuna, ég meina yfirhöfnina.

[Vilma Kristín , 17.1.2009 kl. 20:47]

Ég var að spá í að láta standa á mínu: "Sjaldan launar kálfurinn ofeldið" ... annars leggjumst við í rannsóknarvinnu í vikunni til að finna akkúrat það rétta! Við stefnum líka á að mæta með pottana okkar á þriðjudaginn og syngja skemmtileg lög!

[Hrönn Sigurðardóttir, 17.1.2009 kl. 21:03]

Vilma! Þegar ég læt verða af því að búa til spjald þá mun standa þar: Mundu mig - Ég man þig!

Krútt sjálf Jenný! 

[Ragnheiður , 17.1.2009 kl. 21:09]

Var hvergi neitt ílát í sjónmáli ? engin fata eða neitt ?

Hvurslags...

Ég bjó einusinni í Hveragerði, ég var þá bara þriggja ára. Það var ágætt.

Það fer að koma hjólfar í heiðina ef þú ætlar að þvælast svona ört yfir..

En veistu hvern ég hitti í morgunkaffinu ?

Brúna mús sem þrammaði áleiðis inn í eldhúsið, reif upp nýsofnaðan kall og eldhúsið var víggirt ...nú er að sjá hvort veiðar bera árangur..

Tek enga ábyrgð á prentvillum, er sjónlaus í augnabliki vegna ofnæmis í augunum..

[Hrönn Sigurðardóttir, 17.1.2009 kl. 21:12]

Brrrrrr Ragga! Eins gott að hún lét ekki sjá sig í gær! - Þá hefði sko önnur hvor okkar orðið að vikja :)

[Marinó Már Marinósson, 17.1.2009 kl. 21:15]

Já ég mætti því miður ekki en ég hugsaði með mér að Hrönn myndi bara mæta fyrir mig líka, enda fyrirmyndar borgari.  

En þetta með Hveragerði og í spreng.     Hversu mega Hvergerðingar gjalda?   Ekki einu sinni kona í spreng vogar sér út úr bíl þarna. 

[Hrönn Sigurðardóttir, 17.1.2009 kl. 21:45]

Já Marinó! Ég var fulltrúi þinn þarna ;) Hveragerði? Vera Hvergi........

[Katrín Snæhólm Baldursdóttir, 17.1.2009 kl. 22:37]

VIÐ BÍÐUM SPENNTAR EFTIR hVERAGERÐISSTRÆTÓ Á ÞRIÐJUDAGINN OG ÖLLUM YFIRHÖFNUNUM SEM ÆTLA AÐ TAKA ÞÁTT Í PARTÝINU....æ afsakaðu stóru stafina. Nenni ekki að pikka aftur með litlum. Mundu að láta vita af þér!!

[Hrönn Sigurðardóttir, 17.1.2009 kl. 22:47]

JÁ!! .....en hveragerðisstrætó.....?

[Einar Indriðason, 17.1.2009 kl. 22:48]

Framtíðar fyrirsögn í DV:  "Rúta stöðvuð á leið milli Húrígúri og Selfoss, eftir að rúðan hafði verið skrúfuð niður, og allt látið gossa".

Talað við ungan námsmann, nýkominn með bílprófið.... "Ég var að taka fram úr rútunni, búinn að koma LÖDU druslunni minni upp í 97.... þegar rúðan á rútunni er skrúfuð niður, út kemur þessi líka svaðalega gusa..... rúðuþurrkurnar höfðu ekki undan.... Það var ekki falleg sjón, skal ég segja þér.  Nýbónaða LADA-n mín... orðin skítug aftur."

[Hrönn Sigurðardóttir, 17.1.2009 kl. 22:55]

Einar! Þú gengur frá mér!! Heldurðu virkilega að við kunnum okkur ekki hérna í sveitinni?!?

[Einar Indriðason, 18.1.2009 kl. 00:13]

Óh!  Til að fyrirbyggja allan misskilning... Þá var Lödu druslan á leið NIÐUR kambana... enda er það eina leiðin til að ná Lödu druslum upp í 97.

[Steingrímur Helgason, 18.1.2009 kl. 00:41]

Ég mæli með anórakk að ofan & stuttpilzi að neðan við þezzar aðztæður.

[Hrönn Sigurðardóttir, 18.1.2009 kl. 13:23]

...það er hvort eð er aldrei að marka DV.......

[Steingerður Steinarsdóttir, 18.1.2009 kl. 13:25]

Sammála, oft var þörf en nú er nauðsyn. Við verðum öll að láta í okkur heyra og taka þátt í mótmælum af fullum krafti.

[Hrönn Sigurðardóttir, 18.1.2009 kl. 13:25]

Nákvæmlega Steingerður! Það skiptir máli!!

[Unnur Sólrún (IP-tala skráð) 18.1.2009 kl. 13:39]

Nú bara mæti ég næsta laugardag.  Þetta gengur ekki lengur.  Ætla í það minnsta á fundinn í Háskólabíói núna á eftir.  Þú ert örugglega heilgalli, loðfóðraður og vatnsheldur.  Rauður og fallegur líka.

Njóttu dagsins.

Kærustu kveðjur 

[Guðrún (IP-tala skráð) 18.1.2009 kl. 17:25]

Sæl Hrönn.

Ég er ekki bloggari en les stundum blogg, þitt eiginlega alltaf mér til skemmtunar og fróðleiks. Ég er þér þakklát fyrir að hafa farið í ,,lágverðsverslunina" því ekki hafði mér hugkvæmst að kaupa silikon fyrr en eftir lestur bloggsins og er skemmst frá því að segja að nú á ég bakmatte. Takk fyrir.

Ég er konan sem er í baksýn á myndinni sem prýðir bloggið þitt.

Góðar kveðjur

Guðrún

[Hrönn Sigurðardóttir, 18.1.2009 kl. 17:41]

Sæl Guðrún og takk fyrir að lesa bloggið mitt. Ef þú ert á myndinn minni þá ertu líklega líka ein af mínum sundsystrum...... :) Gott þú græddir á því að lesa. Bakmatte er einskær snilld!

Sólrún! Við hittumst þá kannski næst? 

[Helga Magnúsdóttir, 18.1.2009 kl. 18:00]

Vér mótmælum allir - líka fyrir austan fjall. Mikil hetja ertu að leggja þetta ferðalag á þig til að mótmæla. Húrra fyrir þér.

[Kristín Katla Árnadóttir, 18.1.2009 kl. 18:16]

Skolli ert dugleg að fara þetta mér er líka sama hvort fólk er með grímur eða ekki. ALLIR HAFA RÉTT TIL AÐ MÓTMÆLA.

[Solla Guðjóns, 19.1.2009 kl. 00:10]

FRUSS

[Jóna Á. Gísladóttir, 19.1.2009 kl. 11:43]

**fliss**

var fyrst núna að skoða höfundarmyndina þína **meira fliss**

[Ásthildur Cesil Þórðardóttir, 19.1.2009 kl. 13:55]

Heyr heyr!!!

[www.zordis.com, 19.1.2009 kl. 21:21]

Ég er lifandi samt ekki eins og þú !!! Ég myndi mæta í bikiní með einni doppu, anorak (líst vel á það) og rakvél .... (ef ég þarf að kantskera .. djók) ...

Ég er búin að vera lasin, tók grimmt á því um helgina með stúlkunum í hverfinu .....

[Hrönn Sigurðardóttir, 19.1.2009 kl. 22:03]

brrrr...... hér er of kalt.....

Gott þú ert komin í leitirnar stúlka!! 

[Einar Indriðason, 19.1.2009 kl. 23:42]

Ekkert sem gott lopagarn, helst prjónað í gaddavír, getur ekki lagað!

[Lilja Guðrún Þorvaldsdóttir, 20.1.2009 kl. 01:47]

Húrra fyrir þér! Það mega margir taka þig til fyrirmyndar! Þetta kalla ég rétta andann, baráttuandann.