Ég vaknaði seint.

Held að veðrið hafi þessi áhrif! Þoka, logn og súld. Sjólítið - gráð - hiti sjö stig

Hrærði í kærleiksbollur sem standa nú og hefast. Er á leiðinni út að skokka með Stúf Stubbalings. Búin að finna assgoti flotta leið fyrir okkur í gegnum draugabyggð sem "efnahagsástandið" gaf af sér..... Ekki bara slæmar afleiðingar af því, sjáðu til - þarna er vegur úti í buskanum engin umferð, nema einn og einn hundaeigandi eða skokkari sem er líka búin að uppgötva möguleikana í efnahagsástandinu

Fór í gær og ætlaði að láta skrá mig á atvinnuleysisbætur en fékk fremur undarleg svör. Þarf að kanna þetta nánar eftir helgi. Hér brast nefnilega á með 100% uppsagnarbréfum fyrir áramót, þ.e. allir íbúar með lögheimili hér skv. þjóðskrá en þó reiknast mér til að atvinnuleysið sé ekki nema 75% 

Flókið? Þetta er gáta - reikniði bara........

Farin út að skokka - og láta mig hlakka til að fá heitar morgunbollur þegar ég kem til baka.

Lifið í krukku

Athugasemdir

[Gulli litli, 3.1.2009 kl. 12:31]

Ætlaði að fara út og skokka en sá þá bloggið þitt og hætti við.....

[Fanney Björg Karlsdóttir, 3.1.2009 kl. 12:50]

eins og ég hef sagt svo oft áður..."Ég er nú bara úr Hafnarfirði...".. ég skil ekki svona Selfiska útreikninga......en mikið lifandi skelfingar ósköp væri ég til í að skeggræða þessi mál og renna þeim niður með volgum morgunbollum..mmmm... er til nokkuð yndislegra.....

Kkv Fanney Pollyana Karlsdóttir...

[Hrönn Sigurðardóttir, 3.1.2009 kl. 13:47]

mmmmmm með bláberjasultu og osti og góðum kaffibolla með!!

Komdu bara - nóg til frammi

[www.zordis.com, 3.1.2009 kl. 14:01]

Ég lá í þéttri stjörnuþoku, uppgefin eftir talninguna og fékk mér rjúkandi kaffi, hljóp í huganum og myndaði kisukurlið mitt ....

Ég vona að þú fyrirgefir mér að hafa sporðrennt nokkrum kærleiksbollum á meðan ég sveif yfir hausamótunum á þér. Reyndi að hrekkja þig en þú bara brostir kæruleysislega ... kanski að hugsa um 090909 .....

[Jenný Anna Baldursdóttir, 3.1.2009 kl. 14:24]

Ég skil ekki undarlega útreikninga hjá VÍ.

En knús á þig krúttið þitt.

[Kristín Katla Árnadóttir, 3.1.2009 kl. 14:32]

Dugleg ertu hér er rigning og myrkur knús á þig.

[Gudrún Hauksdótttir, 4.1.2009 kl. 07:43]

Í svon útreikninga eftir jólin legg ég ekki....

Dugnadurinn í ter  ad vera byrjud ad skokka....Ég er enntá ad hugsa um hvenær á a dtaka á tví??

Velkmin í hóp minna bloggvina ,hlakka til ad fylgjast med tér og tínum í framtídinni.Kvedja frá Jyderup

[Hrönn Sigurðardóttir, 4.1.2009 kl. 08:14]

Takk sömuleiðis Guðrún ;)

Zordis! Það er mjög líklegt - ég brosi oft kæruleysislega þegar ég hugsa um sæta stráka.........  

[Ásthildur Cesil Þórðardóttir, 4.1.2009 kl. 14:21]

Leti háir ekki bara löppum mínum og höndum heldur líka heila  En kærleiksbollurnar hljóma vel.

[Solla Guðjóns, 4.1.2009 kl. 17:16]

Þú hlýtur að vera reikna útfrá skrýtnum forsendum.......ég meina ef þú færð þetta út.....HAH:::Þú ert að reikna út atvinnuleysið á heimilinu er það ekki??

Ef ekki þá hefur þú fengið rangar forsendur.....

[Hrönn Sigurðardóttir, 4.1.2009 kl. 17:41]

Jú Solla - ég er svo sjálfmiðuð.......... ;)

[Steinunn Helga Sigurðardóttir, 4.1.2009 kl. 17:53]

vonandi gengur þetta allt hrönn mín kæra !

AlheimsLjós til þín og þinna

Steina

[Solla Guðjóns, 4.1.2009 kl. 18:02]

 prakkari ætlaðir að láta okkur fara að reikna flókið dæmi......

[Helga Magnúsdóttir, 4.1.2009 kl. 18:53]

Djö... er þetta ömurlegt. Það virðast allir vera að missa vinnuna. Hefði nú haldið að þeir sem skrá fólk atvinnulaust ættu að vera í æfingu.

[Erla atvinnulausa (IP-tala skráð) 4.1.2009 kl. 20:59]

Hæ mín kæra ... og gleðilegt nýtt ár!

 Hlakka til að koma heim í atvinnuleysið og atvinnuleysast með þér. Þú verður nú að bregða þér í stórborgina af og til og heimsækja uppáhaldsfrænkuna ... og systir hennar!

 iss... við eigum eftir að hafa nóg að gera og stofna þvílíkt frumkvöðlafyrirtæki sem byggir á hugviti, kærleika og kvenlegri útsjónarsemi.

 Hlakka til!

[Hrönn Sigurðardóttir, 4.1.2009 kl. 21:42]

Gerum það EB

Hvenær ætlum við að missa þung húsgögn ofan á mig aftur.......?

Dúa! Nákvæmlega eins og talað út úr mínum munni HFF!