Outfit

Mig langar að syngja í kór!

Ég hef velt þessu vandlega fyrir mér vegna þess að hér í sveitinni er ekki flanað að hlutunum með flumbrugangi.........

Í "gamla daga" söng ég í barnaskólakórnum og síðar í Stúlknakór Gagnfræðaskólans sem breyttist svo í Unglingakór Gagnfræðaskólans þegar Gunni Palli kokkur bættist í hópinn, ásamt öðrum sem mig minnir að heiti Helgi og hafi sungið sópran ;) 

Það er bara eitt sem heldur aftur af mér varðandi kórsöng og það eru kjólarnir sem konurnar eru alltaf í.... rauðir, bláir - eða það sem er allra verst -  fjólubláir forljótir flónnelkjólar, algjörlega sniðlausir!! Hvað er eiginlega málið með outfittið á konum í kórum? Hvar eru stuttu pilsin og blúndurnar?

Ætli ég verði að fara í karlakórinn?

Athugasemdir

[Vilma Kristín , 27.12.2008 kl. 15:27]

Stofnaðu bara þinn eiginn kór með stuttum pilsum, háum hælum og blúndum. Ég er viss um að þið mynduð slá í gegn!

[Hrönn Sigurðardóttir, 27.12.2008 kl. 15:33]

Hey! Góð hugmynd!!

[Fanney Björg Karlsdóttir, 27.12.2008 kl. 15:57]

Eins og talað úr mínum munni.... ég veit ekkert ljótara en að horfa á konur í öllum stærðum og gerðum klæddar í serki......af hverju í ósköpunum þarf þetta að vera svona......ég bara spyr....

Annars deili ég einnig með þér þessum draum um að syngja í kór..... hef verið í kórum og það er svooo gaman.... Hrönnslan mín ... við stofnum bara kór....og veljum sjálfar fötin......

[Fanney Björg Karlsdóttir, 27.12.2008 kl. 15:59]

og talandi um kóra..... tékkaðu á þessu...

http://www.youtube.com/watch?v=1h5UBeQcgjs

[Sigrún Jónsdóttir, 27.12.2008 kl. 16:07]

Láttu drauma þína rætast.....stofnaðu Hrannarkórinn, Tína sér um fatnað og...

[Svala Erlendsdóttir, 27.12.2008 kl. 16:18]

Skella sér í kór og fara í búninganefndina sko, þá ræður þú öllu... það er alveg svakalega gaman að vera að syngja a.m.k. svona 2x í viku. Ég er í Kvennakór Reykjavíkur og ljótari kórkjólar fyrirfinnast varla

[Einar Indriðason, 27.12.2008 kl. 16:22]

Ég myndi koma og horfa á kór ... (kvennakór!) ... ef kórinn væri í stuttum pilsum, háum hælum, blúndur, og hvað þetta allt heitir.

(Það er hins vegar allt önnur spurning hvort ég myndi koma og HLUSTA á slíkan kór..... en það er önnur saga......)

[www.zordis.com, 27.12.2008 kl. 17:24]

Stelpurnar í kórunum hennar Svölu bæta alveg upp fornaldargallana sem þær klæðast því skemmtilegri stúlkur fyrirfinnast varla "hef ég heyrt" ...

Ég skrái mig hér með í kórinn! (þinn Hrönn)

[Kristín Katla Árnadóttir, 27.12.2008 kl. 19:20]

Ég er hræðilega laglaus ég kæmist ekki í kór þótt ég ætti lífið að leysa.

[Jenný Anna Baldursdóttir, 27.12.2008 kl. 19:57]

Þetta eru svokölluð allrakjólar.

Mjó, feit, löng stutt og allt þetta í senn - passar.

[Steingrímur Helgason, 27.12.2008 kl. 20:10]

Er liðið aldarbannið sem sett var um allratoga & alltuzkulegann sunnlenzkann söng í 200 mílna radíuz frá Þykkvabæjar ?

[Hrönn Sigurðardóttir, 27.12.2008 kl. 20:28]

ein stutt - ein löng......

Nei aldarbannið er ekki liðið - ég ætla bara að rjúfa það, alveg eins og ég rauf vínbannið á miðvikudögum

Zordís! ég skrái þig - nú, þegar, strax!

Einar! Það verða vitaskuld karlar líka í kórnum - annars er ekkert gaman... þeir verða líka í blúnum og stuttum pilsum

Svala! Búninganefnd segirðu........? Ekki slæm hugmynd ;)

Sigrún! Ég hef Tínu nottla bara með í kórnum :Þ

Fanney! Kórinn gæti kallast: Blúndurnar og bændurnir ;) ...en það virkar ekki þessi linkur hjá þér.....?

Katla! Það var nú verra! Þú gætir kannski bara verið í skemmtinefndinni?

[Steinunn Helga Sigurðardóttir, 27.12.2008 kl. 22:31]

hihih....

gangi þér vel að velja

JólaLjós í hjartað þitt !

s

[Dísa Dóra, 27.12.2008 kl. 23:23]

haha já endilega að stofna kór.  Ég skal vera umboðsmaður svo ég geti nú verið með - ekki ætla ég að fæla fólk frá með mínum yndislega söng

[Guðný Anna Arnþórsdóttir, 28.12.2008 kl. 01:56]

Segi nú bara það sama: stofnaðu þinn eiginn Kabarett-flokk, stutt tjullpils og netsokkabuxur, göngustafir, hárkollur og rauðar varir, hopp og hí og taumlaus hamingja. Flokkurinn gæti t.d. heitið "Dans - og söngvahópur Hrannar Sigurðardóttur frá Selfossi." Myndi það ekki trekkja?

[Ásthildur Cesil Þórðardóttir, 28.12.2008 kl. 12:42]

Hahahaha... karlakór, þá verðuru að vera í svörtum buxum og hvítri skyrtu, jafnvel mörgæsabúningi, þar eru ekki blúndur og pluss, nema þú fáir að vera lukkudýr

[Einar Indriðason, 28.12.2008 kl. 14:57]

Mörgæsir?  Já, en ég er vita laglaus!

[Huld S. Ringsted, 28.12.2008 kl. 22:09]

Hef oft spáð í þetta líka, þetta með kjólana sko!

[Bullukolla, 28.12.2008 kl. 22:35]

Sammála einhverri hér á undan . . . stofnaðu þinn kór og búninga í stíl. 

[Þröstur Unnar, 28.12.2008 kl. 22:49]

Ef á að fara að Hranna upp stúlknakórum í blúndum og nylonsokkabuxum, þyrfti það þá ekki að fara fyrir umhverfis og náttúrverdarráð?

Hafa bara einn ríkiskórbúning sem allir passa í.

góða nótt......

[Hrönn Sigurðardóttir, 28.12.2008 kl. 22:57]

Tjah.... spurning hvaða mat það þyrfti að fara í....? Ég er samt nokkuð viss um - þrátt fyrir okkar stuttu kynni í kjötheimum ;) að þér mundi ekki líka það átfitt svo illa.....

Jamm Arna! Það stefnir í Hrönn og hinar blúndurnar

Huld! Þetta eru ótrúlega óaðlaðandi kjólar! Og það sem meira er!! Ég hef hvergi séð þá til sölu ;)

Auður! Þú verður með? Tíkurnar geta spangólað í bakgrunninum!!

Einar! Þú mátt vera með - þú verður bara einn af þeim sem mæmar

Cesil! Já en það er oft svo miklu betra að hlusta á karlakóra - á meðan það væri nottla miklu skemmtilegra að horfa á minn kór ;)

Guðný Anna! Ekki spurning.

Dísa Dóra! Þú ert ráðin ;)

Dúa! Netsokkabuxur eru náttúrulega málið! Það sést ekki svo gjörla hvort þar eru göt ;)

Tak og i ligemog Steina mín

[Ásthildur Cesil Þórðardóttir, 29.12.2008 kl. 11:41]

Jamm örgglega væri það miklu flottara hehehehe...  Hafðu Einar með þó hann sé laglaus  Hann er flottur svona í mörgæsabúningnum.

[www.zordis.com, 30.12.2008 kl. 00:57]

Ég mæti með súkkukaramellur á fyrstu söngæfingu, þ.e. til að úthluta eftir gorglið! Er að fara að prófa þín uppskrift! Baka og Vaka!

[Solla Guðjóns, 30.12.2008 kl. 12:01]

 þið eruð öll æði