Myrkraröfl!

Ég vaknaði snemma! Hlustaði á myrkrið og þögnina og ákvað að drífa mig út! Snjórinn lá yfir öllu eins og hvítt teppi ofið úr stjörnum. Ég fór uppáhaldsleiðina mína - í gegnum skóginn, upp með á, út að ferju - hundarnir kunnu sér ekki læti að fá að hlaupa í skóginum, krummi krúnkaði í fjarzka og álftahjón kvökuðu á ánni. Hlín hrekkjusvín ;) gerði sitt bezta til að virka ógnandi á bakkanum en gafst upp og hélt áfram að leika snjóplóg í hálkunni. Þetta er með hamingjusamari hvolpum sem ég hef hitt..... hún elskar mig, snjó og mömmusinnardúlludúsk - ekki endilega í þessari röð. Stúfur Stubbalings er öllu ráðsettari þó hann leiki úlf á milli trjánna með henni öðru hvoru!

Það rann upp fyrir mér á meðan ég tiplaði í hálkunni og tók óvænt twistspor á milli hvað ég hafði saknað þess að ganga í myrkrinu og þögninni. Hlusta á ána og ekki neitt.

Bakaði kleinur með mömmu í gær og borðaði þær næstum allar líka. Beztu kleinur í heimi kleinurnar hennar mömmu.

Skjár einn segir að það bezta í lífinu sé ókeypis - ég er ekki frá því að það sé rétt. Allavega er ég uppfull af orku - alveg upp á nýtt

Nú ætla ég að hella mér uppá gott kaffi, fá mér rúnstykki og kleinur hvað annað og halda áfram.

Bígúd

Athugasemdir

[Einar Indriðason, 23.11.2008 kl. 11:17]

Þetta setti skemmtilegar myndir í gang hjá mér :-)

Snjóplógur?  Ertu þá með keðjur, eða bara á nöglum?  Elta hundarnir snjóbolta?  Ertu ekki fegin að hundarnir kunna ekki snjóboltakast?

Já, náttúran.  Snilldar uppfinning!  Mæli með henni.

[Hrönn Sigurðardóttir, 23.11.2008 kl. 11:20]

heheh Einar ég þarf bara að bjóða þér með einn morguninn í snjókomu! Það er eiginlega ekki hægt að lýsa því hvernig hún hleypur með trýnið opið við jörðina til að ná sem mestum snjó

[Vilma Kristín , 23.11.2008 kl. 12:22]

Hljómar eins og fyrirtaks morgun. Ég er sannfærð um að samvera með dýrum geri sálinni á manni bara gott... kannski verð ég bara að segja þetta þar sem ég er svona "safnari"... en það er eitthvað svo notalegt við ást þeirra og þau geta skemmt manni endalaust með uppákomum sínum. Þú heppin að eiga svona hamingjusama hunda :)

[Solla Guðjóns, 23.11.2008 kl. 12:29]

Mikið hefur verið gaman hjá ykkur.Hefði alveg verið til í að vera með og velta mér upp úr snjónum.

[Þröstur Unnar, 23.11.2008 kl. 12:34]

Voru þær stökkar, altso kleinurnar?

Ég vil snjó.

[Marinó Már Marinósson, 23.11.2008 kl. 13:07]

Hamingjan felst í því að vera sáttur við það sem maður hefur.      Þú ert greinilega ein af þeim.   

Skemmtileg lýsing hjá þér.  Ég sá hundinn og álftirnar alveg fyrir mér.   Álftin með snobbað lúkkið, hugsað hundfjandanum þegjandi þörfina fyrir að rífa kjaft þarna á bakkanum;  "já komdu bara út í ef þú þorir?" 

Eigðu góðan dag.   

[Dísa Dóra, 23.11.2008 kl. 14:34]

haha sé þetta alveg fyrir mér.  Hefur greinilega verið mjög góður morgunn hjá ykkur þremur og gærdagurinn ekkert verri.  mmmmmmmmmm langt síðan ég hef smakkað nýbakaðar kleinur - kannski ég ætti að fara að rifja upp kunnáttu mína við að baka kleinur og fleira

[Jenný Anna Baldursdóttir, 23.11.2008 kl. 14:39]

[Fanney Björg Karlsdóttir, 23.11.2008 kl. 16:04]

Er hægt að biðja um yndislegri byrjun á góðum degi...Þú kannt tökin á tækninni Hrönnslan mín....eigðu góðan dag.... og viku... ef því er að skipta....

[Gunnar Páll Gunnarsson, 23.11.2008 kl. 16:24]

Dosss maður. Ég hefði viljað labba þessa ferð með þér. Við strákarnir hjóluðum alltaf þessa leið uppeftir ánni og helst í ánni þar sem sandurinn er. Komum líla alltaf hundblautir heim.  Geri svo kleinur bráðum fyrir jólin mmmmmm long time....!      Svo er ég eins og þú að því leiti að það er svo gaman að vera einn í myrkrinu og hlusta á allt og ekki neitt. Eins og Gullauga í söngnum: ..að skynja hvað er bak við heimsins gluggatjöld.                                                                                        Og mundu svo það að: you are never alone in the dark.

Gunni Palli kokkur.

[Heiða Þórðar, 23.11.2008 kl. 17:09]

[Helga Magnúsdóttir, 23.11.2008 kl. 19:12]

Mig langar í kleinur. Hef ekki smakkað nýbakaðar kleinur síðan ég var krakki.

[Hrönn Sigurðardóttir, 23.11.2008 kl. 22:15]

Vilma! Þau eru svo skilyrðislaus

Solla! Þú ert alltaf velkomin

Þröstur! Þær eru góðar - það dugar mér! Snjórinn er hér - komdu bara, ef þú þorir

Marinó! Nákvæmlega

Dísa Dóra! Heimabakaðar kleinur eru bestar!

Jenný!

Fanney! Takk sömuleiðis

Gunni Palli kokkur! Það hefði verið gaman að hafa þig með.... á hjólinu  

Heiða!

Helga! Þær eru eitt það bezta. 

[Heiða B. Heiðars, 23.11.2008 kl. 22:35]

Heyrðu góða..... varst það ekki þú sem gerðir grín að mér fyrir þessa skjáseins-samlíkingu?

Og þessi mynd af þér er........algjört bíó :)

[Hrönn Sigurðardóttir, 23.11.2008 kl. 22:37]

Jú Heiða! Mér varð einmitt hugsað til þin þegar ég skrifaði þessa setningu

[Sigrún Jónsdóttir, 23.11.2008 kl. 22:45]

[Heiða B. Heiðars, 23.11.2008 kl. 22:54]

híhí... gott að vita að það er hugsað um mann sko :)

[Guðný Anna Arnþórsdóttir, 23.11.2008 kl. 22:54]

Nýbakaðar kleinur og kaffi og spjall við mömmu sína. Getur nokkuð verið betra?

Þú ert lukkunnar pamfíll, kona. 

[Lilja Guðrún Þorvaldsdóttir, 23.11.2008 kl. 23:02]

Dásamlegt alveg.

[Gunnar Páll Gunnarsson, 24.11.2008 kl. 07:40]

Sorrý get ekki komid á hjólinu. Thad er ónýtt fyrir ca 30 árum sídan. 

[Tína, 24.11.2008 kl. 09:15]

Alltaf er jafn gaman að þér tjelling. En ég sé hana Hlín hrekkjusvín ljóslifandi fyrir mér hlaupandi þarna um. En hrikalega var nú gaman að fá þarna knús frá þér á fimmtudagskvöldinu en leiðinlegra að hafa ekki getað talað við þig. Annars er ég alveg staðráðin í að kíkja til þín áður en jólatraffíkin (sem verður vonandi góð) byrjar.

Kleinuknús á þig

[Steingerður Steinarsdóttir, 24.11.2008 kl. 12:29]

Fæ vatn í munninn við að lesa þessa færslu.

[Birna Dis Vilbertsdóttir (IP-tala skráð) 24.11.2008 kl. 14:31]

Nú-heimabakaðar kleinur og feitmjólk ummmmmmmmmmmm

[Marta B Helgadóttir, 24.11.2008 kl. 21:43]

mmmmmmmm

[Unnur Sólrún (IP-tala skráð) 24.11.2008 kl. 23:55]

Þetta var yndisleg kvöldlesning fyrir mig.  Já. Kleinur og mæður.  Mamma gerði svona tunglkarla úr kleinudeigi í hvert sinn sem var bakað.  Það er reyndar ekki langt síðan ég bakaði kleinur sjálf.  Langaði svo óheyrilega í mömmukleinur.  En mínar verða bara ,,mínarkleinur" og þær eru ekki eins góðar.

Já. Þögn og árniður. MMMMMMMMMMMMMMMMMMMMMMMMMMMMMm.

Sofðu rótt og ég sendi einhverja skemmtilega drauma inn í nóttina til þín.

[Huld S. Ringsted, 25.11.2008 kl. 07:40]