Kraftaverk og hryðjuverk!

Ég hrökk í kút í gærkvöldi þegar flugeldur sprakk fyrir utan gluggann hjá mér! Ég er hinsvegar ekkert að hlaupa með það í fjölmiðla........

Margir hafa komið að máli við mig og beðið um mynd af kraftaverkapeysunni. Ég sé ekkert því til fyrirstöðu og birti hana hér með Ég hefði tekið mynd af flugeldinum en hafði engan kubb.........

Mér var bent á það af einum, sem ég kallaði einu sinni vin minn, að gera ekki prjónaskap að ævistarfi mínu þar sem það kæmi ekki til með að gefa mikið í aðra hönd.... verandi rúmt ár að prjóna eina peysu! Ég sagði honum að það mætti lengi teygja lopann og benti honum á, máli mínu til stuðnings ISG og ekki meir Geir...............

Ég var að horfa á Eivör í sjónvarpinu í gærkvöldi - skömmu fyrir flugeld - og ákvað í framhaldinu að kaupa one way ticket með næstu ferð Akraborgarinnar til Færeyja

Ég veit þó ekki hvort ég kæmi til með að funkera vel í hringdansinum - verandi svona hægri/vinstri fötluð - þar sem allt virðist byggjast upp á því að vera meðvitaður um þær áttir í Færeyjum......... En þeir reka mig þá bara - ég er vön

Sýnist ykkur ekki þessi peysa gæti verið að gera sig í Færeyjum?

Athugasemdir

[Jenný Anna Baldursdóttir, 16.11.2008 kl. 16:12]

Peysan er yndisleg í þessum hlýja rauða lit.

Þú verður jólakrútt í´enni.

Knús.

[Brattur, 16.11.2008 kl. 16:14]

... flott peysa... minnir mig á Ólaf Liljurós...

[Helga Magnúsdóttir, 16.11.2008 kl. 16:18]

Þessi peysa myndi slá í gegn í Færeyjum sem og annars staðar. Mikið er ég glöð að heyra að það eru fleiri hægri/vinstri fatlaðir en ég.

[Anna Einarsdóttir, 16.11.2008 kl. 16:34]

Glæsileg peysa með hálsmáli og allt !  þú leynir á þér kona. 

[Sigrún Jónsdóttir, 16.11.2008 kl. 16:52]

Peysan er flott og mig langar líka til Færeyja

[M, 16.11.2008 kl. 16:55]

Langaði að biðja þig að prjóna eina á mig, en nenni ekki að bíða   Peysan er rosa flott.

[Birna Dis Vilbertsdóttir (IP-tala skráð) 16.11.2008 kl. 17:01]

Peysan er æðisleg,og verður fín í Færeyjum

[Fanney Björg Karlsdóttir, 16.11.2008 kl. 17:08]

Þessi peysa er náttúrulega hrein snilld..... þú færð allveg 12 stig af 10 mögulegum....

[www.zordis.com, 16.11.2008 kl. 17:26]

Gott ad vita af zér í peysunni í Faereyjum. Ég get zá spottad zig strax!

Eigum vid ad hittast í Faeryjum naesta sunnudag??? Dásamleg peysa og zú verdur flott í henni, spurning um ad gera eina á Ljónshjartad í stíl.

[Ragnheiður , 16.11.2008 kl. 18:16]

Ég kem með til Færeyja -peysulaus. En en en ég er líka svona hægri vinstri fötluð...sem kemur sér oft illa þegar fólk segir í bílnum..TIL HÆGRI HÉR  og ég beyri umsvifalaust til vinstri

Hm hm ..ég læri þá bara að vera rekin !

Flugeldaknús .....ehh já en ég var EKKI á ferð á Selfossi

[Vilma Kristín , 16.11.2008 kl. 20:59]

Flott peysa.

Og sko... varðandi hægri/vinstri fötlun sem ég er mjög illa haldin af þá er eitt sem virkar ágætlega og var notað á mig með góðum árangri. En það er sko þannig að maður er í einum grænum skó á hægri fæti og í rauðum skó á vinstri fæti. Svo fer maður til græns eða til rauðs í stað hægri og vinstri. Eina vandamálið er að maður þarf að horfa niður á tærnar til að villast ekki.

[Einar Indriðason, 16.11.2008 kl. 21:50]

... Eða vera með mislita hanska.... kannski skrifa með tússi á þá líka?

En, sko... þú gætir náttúrlega prófað að dansa afturábak?  Og athugað hvort hægri/vinstri blindan þín... snúist við?

Eða... dansa á móti spegli?  Sjá hvort það dugi?

[Hrönn Sigurðardóttir, 16.11.2008 kl. 21:52]

Vilma! Vekur þetta ekki óþarfa athygli?

Ragga! Við gætum kannski bara sungið og spilað og sleppt dansinum...?

Zordis! ....og svo eina á mömmusinnardúlludúsk! Verðum ótrúlega flott saman úti Sunnudagur í Færeyjum hljómar vel

Fanney! Þeinkjú Viltu koma með til Færeyja á Sunnudaginn?

Birna Dís!

M!

Sigrún! Komdu þá bara - mér er sagt að þetta sé bara spurning um að pakka...

Anna! Ég er líka svona leynikona

Helga! Takk

Brattur! Villir hann... stillir hann....

Jenný! Ég er líka þessi hlýja rauða týpa

[Hrönn Sigurðardóttir, 16.11.2008 kl. 21:53]

Einar! Ég vissi að það væri hægt að stóla á gott ráð frá þér! Ætlar þú að halda á speglinum?

[Einar Indriðason, 16.11.2008 kl. 22:01]

Já, já, skal halda á speglinum.  En.. spurt er... Hvernig á ég að snúa speglinum?  á ég að snúa honum til hægri eða vinstri? 

[Ásdís Sigurðardóttir, 16.11.2008 kl. 22:03]

Peysan er algjört æði, hlakka til að sjá þig í henni eftir viku. Færeyjar eru örugglega ljúft land, hlakka til þegar ég kemst loksins þangað.  Kær kveðja og eigðu ljúfa viku.

[Vilma Kristín , 16.11.2008 kl. 22:20]

Óþarfa athygli? Veit ekki, er ekki öll athygli góð og skemmtileg? :) En sko ef þú prófar þetta með grænt = hægri, rautt = vinstri þá þarftu reyndar aðv era tilbúin að taka athugasemdum frá allskonar fólki og þjálfa með þér hæfileika til að hunsa hlátur annara.

En þetta er í alvörunni gott ráð! Mamma mín var með nógu gott hugmyndaflug að detta þetta í hug. En svo er líka annað. Stundum þegar ég þarf virkilega að stóla á að geta greint á milli hægri og vinstri hratt og hef ekki mislita skó við höndina þá bind ég band um vinstri úlnliðinn... virkar líka.

[Hrönn Sigurðardóttir, 16.11.2008 kl. 22:45]

Einar! Ekki rugla mig svona í ríminu

Vilma! Ef það er eitthvað sem ég er góð í þá er það að taka athugasemdum frá fólki og hunsa það svo

[Hugarfluga, 16.11.2008 kl. 23:04]

Ji, þessi peysa er svo ÞÚ, Hrönn!! Æðislega falleg!!  Og varðandi Eivöru ... ég sagði við manninn minn að ég óskaði mér tónlist með henni í jólagjöf. Þvílíkur sjarmur þessi stelpa að það hálfa væri yfirdrifið!! 

[Unnur Sólrún (IP-tala skráð) 16.11.2008 kl. 23:13]

Ég bara veit að í þessari peysu geturðu flogið hvert sem er.  Hún er svona gjörsamlega full af töfrum og æsilega sexý.  Ég hugsa að þú mundir lenda í miðjum hringnum med det samme í svona Grettir onkja gour var dansi og þyrftir aldrei að hugsa um hvorki hægri né vinstri.  Þetta er náttúrlega peysan sem ætti að fara um allt Ísland núna.  Þjóðarpeysan.  Allir í rauðu. - Kínverjar hvað?  Þeir voru í bláu.  Rautt er eitthvað svo gott fyrir sálina, svona eins og sól sem aldrei sest.  Já. Ég hugsa að þú mundir bjargar sálarheill þjóðarinnar með fjölföldun peysunnar.  Nú er bara að taka upp snælduna.

Sofðu rautt! 

[Steingrímur Helgason, 16.11.2008 kl. 23:30]

Falleg peyza, dáldið jólasveinkuleg, smá Maóizmi, en ekkert verra.

[Ásthildur Cesil Þórðardóttir, 17.11.2008 kl. 10:06]

Hér er spurningin ekki um magn heldur gæði Hrönn mín.  Þetta er flott peysa, og raritet mikið, ef ekki er framleitt meira en ein á ári.  Þá þarf að selja dýrt, Dorrit hefur allavega pening til að kaupa nokkrar næstu árin.   Lýst vel á Færeyjar, og þeir reka örugglega engan, því þetta er svo yndælis manneskjur allt saman. 

[Guðný Anna Arnþórsdóttir, 17.11.2008 kl. 22:48]

Slík og hvílík sem þú hlýtur að vera í þessari peysu. Hef bara aldrei séð Hrannarlegri peysu. Rautt er þinn litur. Tek undir hvert orð vinkonu minnar hér að ofan (USB) !