....og lífið gengur sinn gang

Við lötruðum í gegnum skóginn á mörkum dags og nætur. Kyrrðin var ólýsanleg - eins og hún getur bara verið svona snemma á morgnana. Meira að segja áin rann hljóðar og ekki bærðist blað á grein. Einn og einn fugl tísti þegar við gengum hjá. Ég settist á bekkinn við ferjuna, lokaði augunum og leyfði kyrrðinni að fljóta. Bý að því enn..... en ekki kom ferjan, ég er að spá í hvort hún sé kannski hætt að ganga.....

"Strákarnir" í löggunni eru úti að leika með dótið sitt í dag.....Strákarnir í slökkviliðinu eru að sýna leikskólabörnum sinn búnað. Hér streymdu brunabílar og slökkvibílar sitt á hvað inn á leikskólalóðina og þeir eru búnir að sprauta vatni í allar áttir og blikka ljósunum. Nú voru þeir að kveðja og settu flauturnar í gang Eins gott að ég er seinæst..........

 

 

 

 

Fór á skemmtilegt slútt með sundsystrum í gærkvöldi. Það var farið í Þrastaskóg og farið í ratleik áður en við borðuðum í Þrastalundi. Þar var flegið og hlissað fram eftir kvöldi en allar komust þó heim í björtu

Læt fylgja eina mynd af laumuvatnsfimiprinsessunni. Hún tók þátt í leikfiminni í allan vetur enda var haft á orði að hún hefði sjaldan sofið værar. Hún náttúrulega fyllist öryggi við gasprið í kjéddlingunum sem hún er búin að hlusta á í níu mánuði

 

 

 

Athugasemdir

[Marta B Helgadóttir, 29.5.2008 kl. 11:58]

Jiii þvílíkt krútt þessi prinsessa :)

[Hrönn Sigurðardóttir, 29.5.2008 kl. 12:23]

Já hún líkist okkur öllum

[Jenný Anna Baldursdóttir, 29.5.2008 kl. 13:41]

Jesúsamía hvað manni hefur liðið vel í vatninu.

Nú hef ég ákveðið að hætta mér í Legginn og fá mér kaffi í Þrastarlundi.  Úje