Hamar :)

Það er föstudagskvöld og ég er búin að elda dýrindis mat og borða hann líka Hef komist að því að mér hugnast að elda mat ef ég verð annars hugar. Líka þó ég sé alveg með sjálfri mér....... Kannski ekki seinna vænna að læra að þekkja sjálfa sig - komin á þennan aldur......

Dagurinn í dag er búinn að vera góður. Ég kom ýmsu í verk og kláraði margt. Toppiði það

Hamstola?

Af hverju þýðir þetta orð að verða viti sínu fjær? Hver ákvað það - og hvenær?

Ég get verið í ýmsum hömum! Ég get líka farið hamförum! Ef ég væri prinsessa og dvergarnir sjö rændu mér og gæfu mér gullskreytta demantsskó svo ég breyttist í stuepige......

....væri ég þá ekki hamstola? Eða færi ég hamförum?

Finnst þér eins og ég rugli saman ævintýrum?

Lokharður Ljónshjarta er búinn að eignast nýja beztu vini. Þeir ganga hér hjá á kvöldin - tveir saman og tala framandi tungu........

....en þeir brosa alltaf blíðlega til hans og spjalla við hann - á sínu máli. Honum er alveg sama þótt hann skilji þá ekki. Það er tónninn sem skilst...........

Svo brosa þeir líka alltaf svo blíðlega til mín

Það stefnir í góðan morgundag líka! Hugsið ykkur tveir dagar í röð - góðir!! Legg nú bara ekki meira á ykkur í bili! Ég get varla hamið mig

Athugasemdir

[Hrönn Sigurðardóttir, 25.4.2008 kl. 22:08]

Hallgerður! Rjúpan rembist við staurinn....

Held þetta dregið af því að rjúpan verpti fleiri eggju ef hún var bundin við staur. 

[Marta B Helgadóttir, 25.4.2008 kl. 22:10]

ó já það er svo gaman að elda góðan mat, það er meinholl iðja held ég

...hamstola - að stela ham= ástandi.... hef aldrei skilið þetta orð

helgarknús til þín Hrönnslan

[Anna Einarsdóttir, 25.4.2008 kl. 22:29]

Voru þá dvergarnir sjö danskir ??

Hilsen til dig lille stuepige. 

[Fanney Björg Karlsdóttir, 25.4.2008 kl. 22:33]

Þú hamslausa lillle stuepige....... jag tycker om dig......

[Solla Guðjóns, 25.4.2008 kl. 22:57]

ÚJABABE veit að ég er með svefngalsa en ég er sko að skelli hlæja.....þú ert óborganleg.....og hver ákvað það

Mér finnst samt humar betri en hamar.

[Ásdís Sigurðardóttir, 25.4.2008 kl. 23:23]

Æ skottið mitt, eru þessir menn í hvítum skyrtum og voða penir með bakpoka?? passaðu að þeir steli ekki Ljónshjartanu þínu.  Helgarknús

[Linda litla, 26.4.2008 kl. 00:10]

Jæja Hrönn..... kannsi er ég bara orðin of þreytt, en ég botnaði ekki neitt í þessari færslu.  EN ég bið samt að heilsa Þyrnirós.

Góða helgi og gleðilegt sumar

[Halldór Egill Guðnason, 26.4.2008 kl. 01:42]

Sko...að vera hamstola, á náttúrulega við um þá sem stela hömum. Þykjast vera einhverjir aðrir en þeir eru. Þá eru menn/konur náttúrulega orðnir/nar  viti sínu fjær, því þeir/þær eru ekki lengur þau sjálf! Flókið? Don´t think so. Ef þú værir hins vegar orðin "farhamra" reikna ég með að ég myndi bjóðast til að taka Stúf Stubbaling að mér á meðan þú værir að jafna þig. (Gæti sennilega sýnt honum loksins hvorum megin dýnu fólk sefur alla jafna) Annars getur Brattur, besti vinur, ávallt útskýrt undarleg orðatiltæki og hugtök sem vefjast fyrir fólki. Að koma ýmsu í verk og klára margt, er ekkert annað en"miracle"uppá gamla mátann Hrönn. Treysti mér engan veginn til að toppa það og óska þér til hamingju með daginn. Tveir góðir dagar í röð geta ekki verið tilviljun. "Life is beautifull"!

[Steinunn Helga Sigurðardóttir, 26.4.2008 kl. 06:18]

Takk fyrir yndislega bloggvináttu í vetur

knús í krús

frá mér steinu