Nýir málshættir

Ég held það hafi verið Anna  sem bað um málshætti í tilefni af afmælinu sínu - nú er ég ekkert rosalega lengi að hugsa en þessi small í hausinn á mér í morgun..........

Betra er að vera fáklæddur en fáfróður - sérstaklega á vorin

Endilega ef ykkur detta í hug einhverjir skemmtilegir - og ekki er verra ef þeir eru heimatilbúnir -  látiðiði þá fylgja með....

Athugasemdir

[Jenný Anna Baldursdóttir, 17.4.2008 kl. 14:02]

Þegar ég var 6 ára, safnaði ég helling af málsháttum í barnablað Moggans, í einhverskonar keppni.  Ég fékk að launum nafnið mitt í blaðinu.  Greta systir 4 ára gömul vildi ekki vera eftirbátur stóru systur og bjó til einn sem hefur fengið vængi í minni fjölskyldu; "Brotið er egg á heiðinni"

[Solla Guðjóns, 17.4.2008 kl. 14:39]

þessi er hæpinn en:

Útaf dottlu er bara útaf dottlu aðallega útaf dottlu.......

[Ásdís Sigurðardóttir, 17.4.2008 kl. 14:54]

"Sjaldan er ég þreytt, nema á morgnana"  heimasoðinn og passar sérlega vel við mig.  Knús í austrið

[Anna Einarsdóttir, 17.4.2008 kl. 20:48]

Hrönn, komdu strax........ það kom strákur með nýja gátu.  Svarfrestur til kl. 9 

[Ásthildur Cesil Þórðardóttir, 17.4.2008 kl. 20:52]

ég kann marga málshætti, en örugglega eru þeir flestir í manna minnum. 

Oft er í holdi heyrandi nær

heimskt er heimaalið barn. 

Oft veltir lítil þúfa þungu hlassi.

Margur heldur mig sig.

Hvað höfðingjarnir hafast að, hinir halda þeim leyfist það.

Betra er að vera stór laukur í lítilli ætt, en lítill laukur í stórri.

Neyðin kennir naktri konu að spinna og lötum manni að vinna.

Sjaldan er ein báran stök.

ALdrei er eins sök þá tveir deila.

Þeir sletta skyrinu sem eiga það.

Heimskur jafnan höfuð stór og hefur litil eyru.

Lítið vit í litlum haus.

Þeir missa sem eiga.

Bla bla bla

[Anna Einarsdóttir, 17.4.2008 kl. 20:56]

Oft er Hrönn góð í gátum.

Sjaldan fellur svarið langt frá Hrönnslunni.

Betra er að giska en að fiska.

[Brattur, 17.4.2008 kl. 21:21]

... oft er Brú í Hrútafirði...

... eigi skal haltur ganga þó af sé höfuðið...

[Solla Guðjóns, 17.4.2008 kl. 22:56]

Sjaldan er allt gott í matinn...

[Linda litla, 18.4.2008 kl. 00:30]

Hámark svartsýnarinnar er svertingi með sólgleraugu að moka kol í myrkri.

[www.zordis.com, 18.4.2008 kl. 06:16]

Betra er að borða en svelta.

Ég hef kanski tekið þennan of bókstaflega og hef ákveðið að;

gott er að svelta við niðurskurð holdsins ....

[Hugarfluga, 18.4.2008 kl. 18:31]

Ekkert verður óbarið snitzel.

[Ólöf Anna , 18.4.2008 kl. 19:22]

Betra er að ganga fram af fólki en björgum.
Betra er að ráða menn með réttu ráði en ráðamenn.
Léttara er að sóla sig en skó.
Betri er einn fugl í sósu en tveir í frysti.
Ekki er aðfangadagur án jóla
Blankur er snauður maður.
Lengi lifa gamlar hræður.
Betra er langlífi en harðlífi.
Sá hlær oft sem víða hlær.
Margur sefur yfir sig sem vaknar ekki á réttum tíma.
Rangt er alltaf rangt, það er rétt.
Margur hefur farið flatt á hálum ís
Sjaldan er góður matur of oft tugginn.
Heima er best í hófi.
Betri eru læti en ranglæti
Betri er uppgangur en niðurgangur.
Oft er virtur maður ekki virtur viðlits.
Enginn veit sína kæfuna fyrr en öll er
Betra er að standa á eigin fótum en annarra.
Þegar neyðin er stærst er hjálpin fjærst.
Oft er grafinn maður dáinn.
Oft veldur lítill stóll þungum rassi.
Oft er bankalán ólán í láni.
Oft eru læknar með lífið í lúkunum.
Frestaðu því ekki til morguns sem þú getur frestað lengur.
Enginn verður óbarinn boxari.
Oft er dvergurinn í lægð.
Einsdæmi er að dæmigerðar dæmisögur séu dæmdar dæmalausar.
Sjaldan fellur gengið langt frá krónunni.
Illu er best ólokið.
Fátt smátt gerir lítið eitt eða ekki neitt.
Ekki dugar að drepast.
Eitt sinn skal hver fæðast.
Sjaldan fellur róninn langt frá flöskunni.
Blindur er sjónlaus maður.
Bændur eru bændum verstir og neytendum líka.
Eftir höfðinu dansar limurinn.
Flasa er skalla næst.
Margur slökkviliðsmaðurinn er eldklár.
Margur geispar golunni í blankalogni.
Sjaldan fara sköllóttir í hár saman.
Oft eru bílstjórar útkeyrðir.
Betra er að vera sí-virðulegur en svívirðilegur.
Margur fer yfir Strikið - í Kaupmannahöfn
Oft fýkur í menn sem gera veður útaf öllu.
Flestar gleðikonur hafa í sig og á.
Fiskisagan flýgur en fiskimaðurinn lýgur.
Oft láta bensínafgreiðslumenn dæluna ganga.
Betra er að hlaupa í spik en kekki.
Nakinn er klæðalaus maður.
Margur miljónamæringurinn á ekki baun í bala - bara peninga.
Sjaldan eiga fiskar fótum fjör að launa.
Minkar eru bestu skinn.
Margur nautabaninn sleppur fyrir horn.
Betra er að drepa tímann en sjálfan sig.
Betra er að ná áfanga en að ná fanga.
Margur leggur "mat" á disk.
Hungraður maður gerir sér mat úr öllu.
Betra er að vera eltur en úreltur.
Oft kemst magur maður í feitt.
Oft eru lík fremur líkleg.
Betra er áfengi en áfangi.
Ei var hátíð fátíð í þátíð.
Margur boxarinn á undir högg að sækja.
Betri eru kynórar en tenórar.
Betra er að sofa hjá en sitja hjá.
Oft verða slökkviliðsmenn logandi hræddir.
Til þess eru vítin að skora úr þeim.
Oft fer bakarinn í köku, ef honum er gefið á snúðinn.
Auðveldara er að fá leigt í miðbænum en guðanna bænum.
Oft fara hommar á bak við menn.
Oft eru dáin hjón lík.
Hagstæðara er að borga með glöðu geði en peningum.
Betra er að fara á kostum en taugum.
Greidd skuld, glatað fé.
Margri nunnu er "ábótavant".
Margur bílstjórinn ofkeyrir sig.
Oft hrekkur bruggarinn í kút.
Margur bridsspilarinn lætur slag standa.
Oft er lag engu lagi líkt.
Oft svarar bakarinn snúðugt.
Betri er utanför en útför.
Margur fær sig fullsaddan af hungri.
Það er gömul lumma að heitar lummur seljist eins og heitar lummur.
Oft eru bílstjórar vel á veg komnir.
Oft fara bændur út um þúfur.
Víða er þvottur brotinn.
Oft fer presturinn út í aðra sálma.
Betra er að teyga sopann en teygja lopann
Margur bóndinn dregur dilk á eftir sér.

[Ólöf Anna , 18.4.2008 kl. 19:23]

úpps fékk etta sent um daginn en fattaði ekki hvað þetta er langt þú bara eyðir þessu verð ekkert sár.

En veit ekki með húsið ættla að spyrja mömmu.

Knús

[Rebbý, 18.4.2008 kl. 19:58]

maður þarf ekki að vera heimskur til að verða gáfaðri

Það kemur dagur eftir þessi óskup

þetta er heimtilbúið frá vinnufélaga og mér finnst hann alltaf brilliant

[Hrönn Sigurðardóttir, 18.4.2008 kl. 20:00]

hahahah þú ert klikk Jamm spurðu ég eyði engu - enda rík

[Marta B Helgadóttir, 19.4.2008 kl. 00:15]

...uppáhalds:  þá koma tímar og þá koma ráð

[Brynja skordal, 19.4.2008 kl. 12:35]

hafðu ljúfa helgi mín kæra

[Kristín Katla Árnadóttir, 19.4.2008 kl. 15:32]

Margur gjörir verr en hann veit.

[Hrönn Sigurðardóttir, 19.4.2008 kl. 16:27]

Takk fyrir góða speki - ég lifi lengi á þessu

[Halldór Egill Guðnason, 22.4.2008 kl. 11:33]

Enginn veit fyrr en allt í einu.