Góður dagur

Ég vaknaði í gærmorgun með svo herfilegar harðsperrur eftir skokkið að ég stóð á emjunni.... Ég var með harðsperrur í höndunum Veit ekki alveg hversvegna....... Hefði betur borðað banana áður en ég fór að sofa! Það er eitthvað í bönönum sem veldur því að ég fæ minni harðsperrur! Þess vegna reyni ég að borða einn á dag - hann kemur allavega skapinu í lag!

Í gær fékk ég góða heimsókn. Ég sat hér og var að vinna - datt ykkur eitthvað annað í hug? þegar það var bankað. Ég dokaði smá, því hér er ólæst á daginn og fólk veður yfirleitt bara inn eftir málamyndabank, en ekkert gerðist. Ég stóð því upp og fór til dyra. Úti stóð Linda Dröfn með fallega barnið sitt! Komnar í heimsókn, til uppáhaldsfrænku sinnar, alla leið frá Danmörku.

Ég knúsaði hana í bak og fyrir og gaf þeim svo nýbakaðar kærleiksbollur Hvað annað?

En núna sit ég og bíð eftir að klukkan verði leikfimi! Ég nennti nefnilega ekki í gærmorgun með allar þessar harðsperrur, þær þyngja mann svo niður þess vegna ætla ég að bæta mér það upp í dag.

Ég velti því fyrir mér í ca. 30 sekúndur í dag eða jafnvel ekki nema 25 að taka niður jólaljósin - en nennti því svo ekki. Það rigndi svo svakalega, ískaldri, íslenzkri rigningu eins og hún gerist bezt! 

Bezt ég hendi inn einu lagi fyrir ykkur líka. Þið getið hlustað á það á meðan ég busla í leikfimi

Athugasemdir

[Markús frá Djúpalæk, 20.2.2008 kl. 18:25]

Buslaðu - ég hlusta

[Ásthildur Cesil Þórðardóttir, 20.2.2008 kl. 18:26]

Yndislegt að fá svona heimsókn, flottar elskur  Kærleiksbollur hvað annað fyrir þær.  Ég var með harðsperrur eftir dansinn á laugardagskvöldið allan sunnudaginn og hálfan mánudaginn

Ella og sommertime er æði, hún er ein af mínum uppáhalds.

[Markús frá Djúpalæk, 20.2.2008 kl. 18:35]

...en hvernig eru kærleiksbollur?

[Kristín Katla Árnadóttir, 20.2.2008 kl. 19:11]

Mikið eru þær sætar frænkur þínar gaman að fá svona heimsókn En Hrönn hvernig eru þessar kærleiksbollur ?? Takk fyrir þetta fallega lag

[Steinunn Helga Sigurðardóttir, 20.2.2008 kl. 19:16]

frábært að fá heimsókn svona óvænt, ef maður er fyrir það.

Bless í bili

steina

[www.zordis.com, 20.2.2008 kl. 20:21]

Ella er ótrúlega góð

Ég vona að þú sprikklir fyrir mig!!!  Finst ég meir að segja vera grennri   TAKK!

[Huld S. Ringsted, 20.2.2008 kl. 20:58]

Ég er búin að leita og leita á klukkunni minni að leikfimi en finn það ekki! ert þú á öðru tímatali en ég?

Sætar frænkurnar þínar

[Hrönn Sigurðardóttir, 20.2.2008 kl. 21:03]

Kærleiksbollur......? Þið verðið bara að koma og smakka.....

Já, já mér finnst bara gaman að óvæntum heimsóknum! Ég er líklega svo óskipulögð - það óvænta truflar mig ekkert!

Ella er ótrúlega góð og að sjálfsögðu fór ég aukaferðirnar fyrir þig Þórdís

Ég veit! Ég á undarlega klukku. Á henni er fjölskyldutími..... hundatími..... leikfimitími.... minn tími.....

[Hrönn Sigurðardóttir, 20.2.2008 kl. 21:30]

Eins þykir mér alveg hrikalega gaman að segja litlum börnum lygasögur og þarna gafst mér aldeilis óvænt tækifæri, sem ég lét að sjálfsögðu ekki ónotað....

Ég sagði henni t.d. að hundurinn væri köttur og að hann segði "mjáááá"  Stúlkubarnið var svolítið hissa fyrst - en flissaði svo. Lofar góðu, ekki satt?

[Marta B Helgadóttir, 20.2.2008 kl. 21:33]

Ella er BAAARA æðisleg! 

Leikfimin hefur alltaf verið á klukkunni minni þangað til í vetur...., þarf að fara að leita  betur.  

[Hrönn Sigurðardóttir, 20.2.2008 kl. 21:45]

jamm hún er það.....

[Ásdís Sigurðardóttir, 20.2.2008 kl. 22:46]

Stóð á emjunni, frekar fyndið.  Hvenær má ég koma í kærleiksbollur?? er að deyja úr hungri nýbyrjuð í grenningu.  Alltaf gaman að fá óvænta heimsókn.  Hafðu það gott Hrönnslan mín en ég verð að segja að mitt dagatal er jafn gallað og hjá Huld, enginn leikfimi tími.

[Steingerður Steinarsdóttir, 21.2.2008 kl. 09:15]

Stórkostleg tónlist. Hún var snillingur þessi kona.

[Hrönn Sigurðardóttir, 21.2.2008 kl. 10:10]

Endilega Dúa! Alltaf að taka alla sjénsa

Góðan daginn til þín líka Hallgerður

Hafðu það gott sömuleiðis Ásdís! Það er nú ekki langt fyrir þig að koma í kærleiks

Takk Blámínblá 

Steingerður! Ella er snillingur - algjör snillingur 

[Birna Dis Vilbertsdóttir (IP-tala skráð) 22.2.2008 kl. 13:24]