Stígvél og sjálfhverfa........

"Hann er eitthvað skemmdur hundurinn þinn!" sagði minn nýji atvinnurekandi þegar hann rak hér inn nefið í morgun og horfði hugsandi á labbakút leika sér að því, fullkomlega hamingjusaman, að sveifla gæruskinnsvestinu sínu hring eftir hring í kringum sig. Ég sagði honum mjög pen, vegna þess að ég kann mig svo vel, að ef hann ætlaði að tala svona um hundinn minn þá kæmi ekki til greina að ég mundi vinna fyrir  hann!!  Sagði honum líka að ég mundi krefjast þess að fá uppsagnarbréf frá honum, þar sem ég hefði verið svikin um það á fyrri vinnustað, þrátt fyrir að hafa verið búin að kaupa ramman!!! 

Það er svo mikið að gera hjá mér þessa dagana að ég þakka Gvöööði fyrir það á hverjum degi að hafa verið rekin  Annars kæmist ég engan veginn yfir allt það sem ég þarf að gera og allt er það fyrir sjálfa mig

Fór út að borða um daginn með Mömmu, Eygló og Lindu, uppáhaldsfrænku minni, að öðrum ólöstuðum - koss til ykkra allra  - fórum á Tapas, borðuðum smárétti og kjöftuðum um allt og ekki neitt, mest þó ekki neitt. Fórum svo í bíó og sáum Veðramót. Frábær mynd - algjörlega!! Hvet alla til að fara á hana. Kíkti líka á friðarljósið sem gamla konan í Viðey kveikti........... Flott ljós, ekki síst úr eldhúsglugganum hjá Eygló og Stebba. Hlýtur að vera eilífur friður þar á bæ

Var svo á skómarkaði í dag með Möggu, ekki verri ferð þar í gangi. Keypti mér tvenn stígvél, ein svört, önnur brún, ógesslega flott, kræst ég er svo mikil pæja í þeim............ Keypti mér líka hlaupaskó. Allt þetta fyrir nokkra þúsundkalla. Sem fær mann til að velta því fyrir sér hvort álagning í búðum sé kannski ööööööörlítið of há............. Magga keypti sér líka skó, og svo aðra........

Sátum á kaffihúsi og kjöftuðum saman. Ég er svo ánægð með systur mínar, - ókei - ókei - og bróður minn líka  Elska ykkur öll, enda nýkomin frá friðarljósinu..........

Nú sit ég og ákveð matseðilinn fyrir annað kvöld. Við ætlum að hittast, ríflega þrjátíu manns, borða saman, drekka vín og skemmta okkur.

Að sjálfsögðu verð ég í nýju stígvélunum, öðru hvoru parinu..........

Athugasemdir

[Hugarfluga, 19.10.2007 kl. 21:05]

Æðislegt að sjá hvernig þú ert að lifa lífinu lifandi!! Algjörlega brilliant! Til hamingju með sjálfa þig. 

[Kristín Katla Árnadóttir, 19.10.2007 kl. 22:17]

ÆI en yndislegt hjá ykkur þú ert alveg frábær Hrönn mín.

[Hrönn Sigurðardóttir, 19.10.2007 kl. 23:39]

Takk stelpur mínar.........

....fékk mér siesta í hádeginu og er algjörlega glaðvakandi!!

[Fanney Björg Karlsdóttir, 19.10.2007 kl. 23:45]

Ohhhh hvað ég vildi að ég hefði farið í svona skóleiðangur..... ég er komin með fráhvörf.......

Vona að þú hafir það frábært annað kvöld....... þegar þú borðar góða matinn og drekkur vínið.... mmmm 

[Jenný Anna Baldursdóttir, 19.10.2007 kl. 23:57]

Hei vertu í báðum pörunum í veislunni, sitt hvor skórinn skiluru.  Hehe.

Ekki leiðinlegt að vera rekinn úr vinnunni greinilega og ekki láta nýja vinnuveitandann komast upp með neitt múður.  Þú og voffi óaðskiljanleg eining.  Hí og pí og góða nótt ´sskan.

[Hrönn Sigurðardóttir, 20.10.2007 kl. 00:15]

Jenný Anna - eða er það Anna Jenný  það hafði hvarflað að mér að vera í sitt hvoru parinu............

Fanney - ég tek þig með næst!!

[Huld S. Ringsted, 20.10.2007 kl. 10:34]

Skókaup....................... Hvað er þetta með konur og skó??

Greinilega gaman að láta reka sig, hef einu sinni prófað það og hafði bara fullt að gera! 

[Marta B Helgadóttir, 20.10.2007 kl. 11:18]

Góða skemmtun í veislunni. 

...og til hamingju með að hafa verið rekin og ég meina það alveg! Vondir vinnustaðir eru mannskemmandi. Njóttu lífsins snúllan

[Ásthildur Cesil Þórðardóttir, 20.10.2007 kl. 15:01]

Fékkstu uppsagnarbréf ?  Til að setja í rammann meina ég.  Góða skemmtun elskuleg. 

[Ásdís Sigurðardóttir, 20.10.2007 kl. 21:32]

Nú er veislan væntanlega í fullum gangi, vona að allt lukkist og þú sért að skemmta þér vel.  Við hljótum að fara að rekast á hvor aðra, í næstu viku ætla ég að byrja að labba út svona til að vinna upp þrek. KNús

[Halldór Egill Guðnason, 21.10.2007 kl. 00:19]

Var svona bara að pæla pínupons.: Hvað átt þú eiginlega marga hlaupaskó Hrönn.?

[Rebbý, 21.10.2007 kl. 12:17]

flott að það er nóg að gera við að vera rekin svo passaðu bara að byrja ekki of snemma að vinna á fullu aftur þrátt fyrir einhver smá verkefni sem koma uppá

matarboðið hefur vonandi verið brilliant og hlakka til að heyra hvernig gekk á tónlistarmarkaðinum, eða er hann ekki næst á dagskrá

hvað var Dúa að gera vakandi á þessum ókristilega tíma í morgun ..... hmmmm