Menning

Fór í menningarferð með mömmu og Möggu í Borg Óttans.

Keypti mér gullskó úr bronzi í Kolaportinu..........Borðaði hrikalega góðan og þá er ég að tala um HRIKALEGA góðan mat á næstu grösum og drakk lífrænt ræktaðan bjór með  Vafraði upp og niður Laugaveginn, drakk kaffi á 10 dropum, rosalega kósí kaffihús, ertu búin að fara þangað? Verður að prófa. Þetta er alveg ekta kaffihús.........

Fletti bókum, mátaði föt, eða ætti ég frekar að segja mátaði föt og fletti bókum? Hugleiddi að kaupa hlutabréf í Reykjavík Green Investment, eða er það skrifað Grín Investment? hitti Björn Inga og fékk eiginhandaráritun - djók..............  Ætlaði svo að skoða friðarljósið sem einhver taldi mér trú um að gömul, útlenzk kona hefði tendrað í Viðey. Sá ekkert ljós, en það logaði allt í illdeilum!! Hugsanlega var þó of bjart - enda er ég úr sveitinni og vön því að fara heim í björtu!!!

Yndislegur dagur í boði nýs borgarstjóra sem vill ekki gefa upp hvaða hárvörur hann notar. Hugsaðu þér ef ég hefði haft myndavélina með mér þegar hann stóð á rauðu ljósi á menningarnótt og var að senda sms, þá ætti ég mynd Af Hinum Fullkomna Borgarstjóra.......og hugsanlega líka hverjum hann var að senda sms, hvað var verið að plotta þá?? Þarna runnu mörg tækifæri úr greipum mér. Án gríns  þá er hann hrikalega fallegur borgarstjóri!!

Takk enn og aftur fyrir daginn Mamma og Magga. Frábært! Við þurfum að gera þetta oftar - enda eins og ég segi, búðirnar loka bara þegar maður er rétt að komast í gírinn............

Takk fyrir frábæran Dag

pís

 

Athugasemdir

[Jenný Anna Baldursdóttir, 13.10.2007 kl. 22:29]

Þú ert krútt og kemur mér til að hlægja.  Njóttu dags

[Hugarfluga, 13.10.2007 kl. 22:44]

Flottur dagur!! Já og Dagur líka, þannig séð, þó það komi dagur eftir þennan.

[Heiða Þórðar, 14.10.2007 kl. 12:28]

Tek undir með Jenný, þú ert algjört krútt og færð mig til að hlæja....

[Kristín Katla Árnadóttir, 14.10.2007 kl. 12:37]

Flottur dagur hjá þér elskan ég hef farið á  á þennan stað sem kallast 10 dropar eins og þú segir er mjög kósí staður. Eigðu góðan sunnudag.

[Ásthildur Cesil Þórðardóttir, 14.10.2007 kl. 13:28]

Já hann er flottur hann Dagur.  Maður vonar bara að þetta verði farsælt samband fjórmenningarnir.  Synd að þú misstir af því að taka góða mynd af honum Degi

[Marta B Helgadóttir, 14.10.2007 kl. 16:36]

...frábær að vanda Hrönn  

[Huld S. Ringsted, 14.10.2007 kl. 22:25]

Þú ert frábær að vanda

[SigrúnSveitó, 15.10.2007 kl. 19:19]

ooooohhh, mig langar í svona Laugarvegsdag í góðum selskap.

[Ásdís Sigurðardóttir, 16.10.2007 kl. 00:18]

Greinilega miklu betra að vera í borginni um miðjan dag heldur en miðja nótt, (sjá færslu hjá mér)  hlakka til þegar við hittumst á förnum vegi, kannski í Nóatúni. :)