Leyndarmál.....

Ég ætla að trúa ykkur fyrir leyndarmáli.

Í fréttunum, var sagt af konu sem var niðri í fjöru með hundinn sinn þegar þau hittu sel á sundi þar úti fyrir. Samkvæmt fréttinni synti hundurinn út til selsins, þeir horfðust hugfangnir í augu í dágóða stund og léku sér síðan saman eins og geitungar í bakaríi...........

Fyrst hélt ég að einhver væri að atast í mér! Ég var nefnilega, eitt sinn, niðri í Óseyrarfjöru með hundinn minn og við rákumst á sel. Bæ þe vei, selir í návígi eru engin smásmíði, vissuð þið það? Þeir eru ekki beinlínis þessar litlu sætu verur sem dorma á heitum steinum í teiknimyndum ættuðum frá Disney. Þarna urðu heldur ekki þessir fagnaðarfundir sem listaðir voru upp að ofan, heldur gelti snáðinn minn viti sínu fjær á selinn, sem varð ekki haggað, sama hvað við reyndum að reka hann

Það endaði með því að ég hringdi á lögguna og heimtaði að þeir kæmu UMSVIFALAUST og sendu Snorra til síns heima. Það næði bara ekki nokkurri átt að hann lægi þarna..............

Það var eins og við manninn mælt. Þær mættu, þvagleggslausir að vísu og ráku selinn harðri hendi út í sjó. Selurinn veit ekki ennþá hvaðan á hann stóð vindurinn, hann hafði verið í mesta sakleysi að taka hádegislúrinn sinn í sólinni.

Já, mikill er máttur minn!!

Seinna í vikunni kom svo frétt um þetta í héraðsblöðunum og ég man að ég var frekar skömmustuleg yfir þessu í ca. þrjátíu mínútur.............

Seinna orti ég ljóð til að vinna mig út úr krísunni, það hljóðar svo:

Sá ég í fjarzka synda sel.

Synt´ann úr fjarzka fjári vel.

En er hann kom nær,

hann varð mér svo kær,

við giftumst í landi baska.

Athugasemdir

[Ásdís Sigurðardóttir, 4.10.2007 kl. 19:27]

Flott vísa, en hvernig gastu sigað pólitíinu á Snorra greyið, hann hefði örugglega dáið úr hlátri ef sýsli hefði mætt í uniforminu.

[Hrönn Sigurðardóttir, 4.10.2007 kl. 19:39]

...ég var nú mest hissa að það hefði verið "bíll inni"....

[Fanney Björg Karlsdóttir, 4.10.2007 kl. 19:46]

Það er engin eins og þú........

[Hrönn Sigurðardóttir, 4.10.2007 kl. 19:50]

Sem betur fer segja nú sumir.......

[Hugarfluga, 4.10.2007 kl. 21:03]

[Kristín Katla Árnadóttir, 4.10.2007 kl. 23:25]

Þú ert svo yndisleg Hrönn mín, þú ert mjög gáfuð og vitur. Mér þykir vænt um þig.

[Huld S. Ringsted, 5.10.2007 kl. 07:50]

[Katrín Snæhólm Baldursdóttir, 5.10.2007 kl. 08:17]

Ha ha ha...frábærlega skemmtilegt allltaf að lesa bloggið þitt.

Skilaðu kveðju til geitunganna næst þegar þú ferð í bakaríið!!

[Jenný Anna Baldursdóttir, 5.10.2007 kl. 08:27]

Hahahaha, þú gerir út um mig einhvern daginn Hrönn.  Þú ert lika zetulegur zérfræðingur í íslenskum braghætti.

Þú ert fjarzkalega mikið krútt.

Get ekki látið Þvaggleggsmennina sleppa, ertu viss um að þeir hafi ekki haft atvinnutækið meðferðis djöst in keis ef að selurinn hefði verið ósamvinnuþýður?

[Steinunn Helga Sigurðardóttir, 5.10.2007 kl. 08:50]

skemmtilegt blogg eins og alltaf, þú hefur besta húmorinn, vonandi hefur þú það best.

AlheimsLjós til þín og fallega helgi 

steina

[Heiða Þórðar, 5.10.2007 kl. 11:17]

Þú ert algjört rassgat Hrönn!

[Unnur R. H., 5.10.2007 kl. 18:41]

HA HA HA þú ert bara frábær

[Jóna Á. Gísladóttir, 5.10.2007 kl. 18:58]

 þú ert kostuleg þaddna keddling

[Marta B Helgadóttir, 5.10.2007 kl. 21:56]

frábær

[Hrönn Sigurðardóttir, 5.10.2007 kl. 22:34]

takk stelpur mínar............