Haustfílingur

Fór í göngu með stúf í morgun. Haustlitirnir skarta sínu fegursta. Hvert sem ég leit voru rauðir, gulir og gullnir litir og ég sem var að hafa áhyggjur af að allt laufið yrði fokið á haf út þegar þessi tími rynni upp. Haustið finnst mér indælasti tími ársins! Ljónshjarta var svo stálheppinn að við hittum tvær tíkur á leiðinni þannig að samtals vorum við orðnar þrjár.......

Á meðan ég teygaði í mig litina gengum við fram hjá manni sem stóð á tröppunum sínum með sitt íþróttablys og naut haustsins allavega jafn mikið og ég, ef ekki meira - eða kannski var það blysið sem hann naut svo vel 

Í dag ætla ég að baka eplapæjuna hennar Mörtu - hrikalega góð og fljótleg - bæði að búa pæið til og borða það. Allavega stoppar það aldrei lengur en daginn á borðinu hjá mér og einkasonurinn verður alltaf svo glaður þegar hann sér að ég er að baka. Ekki þarf nú mikið til að gleðja ungs manns hjarta.

Er að spá í að kaupa mér garn og prjóna peysu. Bezt ég hafi hana í haustlitunum.......

Ást og biti

Athugasemdir

[Heiða Þórðar, 30.9.2007 kl. 13:12]

Hrönn mín, það var blysið! Gleðilegt haust. Haustin eru æðisleg!

[Huld S. Ringsted, 30.9.2007 kl. 13:20]

Segi það sama, það var örrugglega blysið!  Ég þarf að prófa þetta eplapæ, fínt fyrir mig ef hún er svona fljótleg, nenni ekki að eyða of löngum tíma í bakstur!!

Eigðu góðan sunnudag!

[Jenný Anna Baldursdóttir, 30.9.2007 kl. 14:04]

Hvað er íþróttablys?

[Hrönn Sigurðardóttir, 30.9.2007 kl. 14:07]

Sígaretta Jenný!

[Hugarfluga, 30.9.2007 kl. 16:51]

Nú, er ÞAÐ blysið? Ég hélt að hann hefði verið með girt niðr'um sig. Fannst það dáldið spes.

[Ásthildur Cesil Þórðardóttir, 30.9.2007 kl. 17:54]

Hehehe ég held að ég þufi að fara að tékka á þér kona mín,  bara alltaf að baka eitthvað sérlega gott

[Marta B Helgadóttir, 30.9.2007 kl. 19:07]

Ég var með afmæliskaffi heima hjá mér í dag, sonurinn 25 ára og skrapp í örskotsferð heim í helgarfrí.  Eplakakan sígilda var bökuð í stórri skúffu - hún hvarf eins og dögg fyrir sólu!  Það er svo gaman þegar fólk fellur svona fyrir einhverju sem maður eldar eða bakar

[Hrönn Sigurðardóttir, 30.9.2007 kl. 19:50]

Fluga!!!!

Vertu ávallt velkomin Cesil......

Já Marta, hún er líka mjög góð. Til hamingju með soninn.

[Kristín Katla Árnadóttir, 1.10.2007 kl. 11:42]

Gott hjá þér að gleðja soninn Hrönn mín knús til þín.