Stirður dagur

Það var smá óhugur í mér þegar ég gekk með ljónshjartað upp með á í morgun. Ég setti símann í vasann, djöst in ceis. Hræðilegt þetta slys í ánni. Hér hafa flugvélar sveimað yfir ánni í allan dag og björgunarsveitir unnið mikið og óeigingjarnt starf. Ég vona svo sannarlega að maðurinn finnist.

Er búin að vera frekar stirð í allan dag, bæði á líkama og sál. Takk Magga fyrir að hringja og hringja svo aftur.  Það er alltaf svo gott að ryðja sig. Það er alveg einstakt að geta talað við einhvern sem þekkir mann svona vel. Ég held að systur og bræður séu með því dýrmætasta sem við eigum og án þess að ég vilji neitt gera lítið úr ykkar systkinum þá tel ég að ég eigi miklu betri systkini en þið......

Annars er allt klárt í Húsvitjun hjá mér. Kann svo miklu betur við dr. House með staf, hann gerir svo mikið fyrir hann.

Hey kannski ég ætti að athuga hvort hann getur liðkað mig aðeins upp.........

 

 

Athugasemdir

[Fanney Björg Karlsdóttir, 20.9.2007 kl. 22:21]

  puss och kram til þín ljúfust.....hef alltaf saknað þess að eiga ekki systur.... auglýsi hér með eftir einni slíkri....

[Hrönn Sigurðardóttir, 20.9.2007 kl. 22:36]

Það er rétt Jóna. Óvissan er oftast það versta.

Fanney  Ég gef kost á mér

[Huld S. Ringsted, 20.9.2007 kl. 23:15]

ÆJá vonandi finnst maðurinn!!

Segi það sama gæti þegið eina svona systir, ég á reyndar eina en við erum ekki nánar. Sakna þess oft.

[Jóna Á. Gísladóttir, 20.9.2007 kl. 23:15]

þetta slys er alveg hræðilegt. Ég finn svo til með syni mannsins.

Annars langar mig að þakka þér Hrönnslan mín fyrir komment mín megin. Takk fyrir sæta kveðju í tilefni af bloggafmælinu mínu

[SigrúnSveitó, 20.9.2007 kl. 23:40]

ég er ein af teim lánsömu sem eiga mörg systkini, á 4 systur og 2 brædur. Og er nokkud viss um ad einmitt MÍN systkin séu tau LANG-BESTU!!!

Knús&kærleikur...

[Jenný Anna Baldursdóttir, 20.9.2007 kl. 23:59]

Á sex systur og þær eru þyngdar sinnar virði í gulli.  Og hananú.

[Ásthildur Cesil Þórðardóttir, 21.9.2007 kl. 08:21]

Ég á fjóra bræður og þrjár systur.  Minnsti bróðir minn  dó að vísu aðeins 7. mánaða, en ég á hann samt.  Og þau eru öll yndisleg.

En elsku Hrönn mín en hvað ég skil þig, það setur að manni óhug þegar svona gerist.  Fyrir nokkrum árum hrapaði maður til bana í fjallinu beint á móti mér.  Ég fylgdist með björgunarsveitarmönnunum, þegar þeir voru að príla í snarbrattri fjallshlíðinni til að koma líkinu niður.  Í margar vikur á eftir, reyndi ég að sjá ekki fjallið, því ég fékk alltaf sting í hjartað.  Þegar nálægðin er svona mikil þá tekur maður hlutina meira inn á sig. 

Góð hugmynd að fá Doktor House til að líta á stirða limi. 

[Kristín Katla Árnadóttir, 21.9.2007 kl. 10:43]

Vonandi finnst maðurinn þetta mjög sorglegt. ég á bara eina systir og hún er mjög góð systir.

[Marta B Helgadóttir, 21.9.2007 kl. 21:17]

Æ slysin eru alltaf svo hræðilega sorgleg.