Ástarsaga úr daglega lífinu.....

Til mín, í vinnuna í dag, kom eldri maður, gráhærður með grá leiftrandi augu, sem bjuggu yfir hyldjúpri reynslu en höfðu ákveðið að lifa hana af...... Minntu mig svolítið á augun hennar Ásthildar, augun hans.......

Hann spurði mig um gróðurhús, verð og stærðir. Þegar við höfðum komist að samkomulagi um verð og afslátt - ég skal viðurkenna að ég gaf honum smá aukastaðgreiðsluafslátt, vegna þess að hann bauð af sér svo góðan þokka -  og ég var að ganga frá reikningnum sagði hann mér að hann hefði nú oft komið á Selfoss starfs síns vegna, hérna í denn, þegar Selfyssingar og Laugvetningar misstu sig í hasar. Hann nafngreindi menn sem ég kannast við og ég gerðist svolítið forvitin. Ég spurði hann hvort hann væri gefinn fyrir hasar.....  og brosti til að milda það..... Þá sagði hann mér að hann hefði verið í Kópavogslögreglunni "í gamla daga" og oft verið kallaður hingað á þrettándanum, þegar Selfosslöggan þurfti liðsauka!

Ég sagði honum að ef ég hefði vitað þetta fyrr hefði ég aldrei gefið honum aukaafsláttinn!! Hann hefði örugglega keyrt mig einhvern tíma heim kolbrjálaða á þessum tíma..... Þá hló hann og sagði mér að það hefðu nú oft verið skemmtilegustu krakkarnir........

Hann kyssti mig á vangann þegar hann kvaddi..........

Athugasemdir

[Kristín Katla Árnadóttir, 31.7.2007 kl. 20:24]

En sæt saga Hrönn mín.

[Hugarfluga, 31.7.2007 kl. 20:49]

Og eruð þið ástfangin og að fara að búa saman og gifta ykkur og elda hafragraut handa hvort öðru á morgnana og lesa fyrir hvort annað dánartilkynningarnar í Mogganum og hlýja kaldar tásur á mallanum á hvort öðru eða kannski ekki? Ha?

[SigrúnSveitó, 31.7.2007 kl. 21:27]

úllalla...

[Hrönn Sigurðardóttir, 31.7.2007 kl. 21:38]

Lásuð þið ekki söguna? Ég sagði ELDRI maður......

.....ég er ekki eldri kona..... humprfffffff

[Hugarfluga, 31.7.2007 kl. 22:07]

Hva!! Geta ungar konur ekki fallið fyrir eldri mönnum?? Ég fór sjálf í hina áttina og fann mér yngri manni. Að vísu bara tveimur mánuðum yngri ... en honum finnst ég áreiðanlega rosalega veraldarvön og þroskuð. Eþaggi?

[Hrönn Sigurðardóttir, 31.7.2007 kl. 22:15]

Yngri menn endast betur......

[SigrúnSveitó, 31.7.2007 kl. 22:40]

Einu sinni 'átti' ég yngri mann...hann var 18, ég 25.  Hann var draumur í dós svo kom Einar og stal mér frá honum...og hefur Einar átt mig síðan...og hann er sko næstum 2 árum eldri en ég (samt bara skólaárinu eldri).  Mín skoðun er að aldur er afstæður!!

[Hrönn Sigurðardóttir, 31.7.2007 kl. 22:49]

stelpur kommon..... hann var með konuna sína með sér! Það myndaðist bara svona eitthvað samband eitt augnablik........

[Jenný Anna Baldursdóttir, 31.7.2007 kl. 23:46]

Djísús Hrönnsla hvað sumar þessar kjéddlingar eru dirty minded.  Ég veit nákvæmlega um hvað þú ert að tala (skilningskall)

[Hrönn Sigurðardóttir, 1.8.2007 kl. 00:01]

Loksins!!!! Einhver sem skilur mig.....

[Fanney Björg Karlsdóttir, 1.8.2007 kl. 00:12]

omg.... ég sensaði svona smá rómantík í textanum.... ég meina eldri menn geta verið allveg ómótstæðilegir.... líttu t.d.á Richard Gere, Clint Estwood ofl......"eldri maður, gráhærður með grá leiftrandi augu" ... I rest my case

[Kristín Katla Árnadóttir, 1.8.2007 kl. 00:29]

Æi þú ert  yndisleg elsku dúlla mín.

[Ásthildur Cesil Þórðardóttir, 1.8.2007 kl. 07:50]

Falleg saga Hrönn mín.  Og takk fyrir kommentið um augun

[Hugarfluga, 1.8.2007 kl. 19:45]

Skildi þig alveg .. to begin with .. það eru hins vegar einhverjar kjellingar sem skilja ekki að ég var að grínast!! *fliss*

[Rebbý, 1.8.2007 kl. 21:33]

alltaf yndislegt að "kynnast" fólki sem býr yfir svona sjarma

[Guðný Anna Arnþórsdóttir, 1.8.2007 kl. 23:19]

Svona lífskúnstnerar eins og þú draga til sín svona karaktera....!  Mér bara datt ekki einu sinni í hug sex eða stuna.   til þín!

[Hrönn Sigurðardóttir, 1.8.2007 kl. 23:29]

Nefnilega!! Þetta var svona moment........ óútskýranlegt - þegar sálir hittast og uppgötva að þær þekkjast......

Takk dúllurnar mínar fyrir að skilja mig - það er ekki öllum gefið

[Jóna Á. Gísladóttir, 2.8.2007 kl. 01:11]

Æðisleg saga. og sönn sé ég. Það er yndislegt hvað svona atvik í lífinu geta gert tilveruna skemmtilega.