fallegir menn í símum

Var að tala við svo fallegan mann - og svo var hann fyndinn líka!

Hvernig get ég gert hann ástfanginn af mér? Ætti ég að reyna að vera vizkuleg, segja spök orð og láta sem ég hafi vit á stjórnmálum?  Prófa að mála mig? Verst að það sést ekki í gegnum símann......

Eða bara halda áfram að vera skvetta og hlæja hjartanlega og flissa heimskulega? Þetta er að verða eins og í norsku bókunum sem ég las í gamla daga, þegar stúlkurnar gengu með hatta niður Karl Johan og reyndu að tæla drengina til fylgilags við sig með tælandi augnaráði og eldrauðum varalit.

Smjúts

Athugasemdir

[Ásthildur Cesil Þórðardóttir, 16.5.2007 kl. 21:36]

Best er nákvæmlega bara að vera þú sjálf ljósið mitt.  Það gefst alltaf best þegar tímar líða fram. 

[Guðný Anna Arnþórsdóttir, 16.5.2007 kl. 23:55]

Sko, ég veit: Vinna á appelsínuhúðinni (t.d. krem frá Bio...eittthvað, man ekki...); fara í brúnkuspray; fara í naglasnyrtingu, einkum á tánum; léttast um 12 kg á 2 dögum; hvítta tennurnar þannig að sjáist í gegnum þær; lita hárið og plokka augnabrýrnar; lita augnhárin; láta sprauta Botox í hrukkurnar; baða þig uppúr kanelsykurhúðuðum jarðarberjabaðbombum = það dugar. Þá fellur hann. Svo mælir nútímakonan. Málið er bara: hvað svo? Og væri ekki betra að fara til Ítalíu og njóta lífsins í rauðvíni - með bestu vinkonunum??

[Hrönn Sigurðardóttir, 16.5.2007 kl. 23:58]

hahahahahahah - gott Guðný Anna miklu betra að njóta lífsins í rauðvíni og engir nöldurseggir í nánd

[Sigfús Sigurþórsson., 17.5.2007 kl. 01:22]

Hahaha, ég bara verð að fá að sjá þetta einhverntíman, það sem Guðný anna þylur upp.

[Hrönn Sigurðardóttir, 17.5.2007 kl. 01:31]

Já Guðný Anna er búin að prófa ýmislegt.....