Hví?

Las á netinu að Cliff Richards (hér ætlaði ég að setja inn mynd af Cliff)  og vinir hans hefðu fengið sér að borða á Fjöruborðinu á Stokkseyri í gær – allt í lagi með það sossum en það sem stakk mig var að veitingamaðurinn sá ástæðu til að fjölyrða um það hversu yndislegir og yfirvegaðir þeir hefðu verið á meðan á heimsókn þeirra stóð. Nú hef ég nokkrum sinnum lagt leið mína á Fjöruborðið og aldrei hefur þessi maður haft ástæðu til að kvarta yfir einu né neinu í mínu fari, hef ég jafnan greitt reikninginn áður en ég hef yfirgefið svæðið! Samt hef ég aldrei lesið neitt um mínar heimsóknir þangað á netinu. Aldrei hef ég lesið neitt um um að t.d. Hrönn hafi verið óvenju yndisleg á meðan á heimsókn hennar stóð..... hef kannski drukkið fullmarga bjóra til þess?

Ekki hef ég heldur lesið neitt um það að Hrönn hafi verið í fullkomnu jafnvægi þegar hún hjólaði heim, þrátt fyrir rauðvínsdrykkju.........

(hér átti að koma mynd af brennivínsdraugnum)

Athugasemdir

[SigrúnSveitó, 28.3.2007 kl. 11:09]

Góð spurning.  Skrítið að þurfa að fjölyrða um yndisleika og yfirvegun þessara manna.  Eru þeir þekktir fyrir að vera með uppsteit og læti?  Ja, spyr sú sem ekki veit.

[Hrönn Sigurðardóttir, 28.3.2007 kl. 11:13]

segðu.... eða ég?

[Jenný Anna Baldursdóttir, 28.3.2007 kl. 12:27]

Leiðindakarl þarna sem hefur látið hjá líða að rapportera um góða hegðun þína á veitingahúsinu.  Hehe ég ráðlegg þér að vera með attitjúd næst þegar þú ferð á staðinn, þú gætir tam hent forrétsdisknum í þjóninn, sparkað í hann, borgað reikninginn með tíköllum beint upp úr Georg bauk (og verið lengi að því) og drukkið þig ofurövli og ælt á veitingamanninn.  Ég held að þetta myndi nægja til umfjöllunar þeir eru svo neikvæðir í fréttamati þessir veitingamenn nema nottla þegar Cliffarinn hegðar sér eins og maður.  Það er nefnilega saga til næsta bæjar

[Ásthildur Cesil Þórðardóttir, 28.3.2007 kl. 20:02]

Þetta er hin dæmigerða saga um Jón og Séra Jón Hrönn mín.  Og svo ertu örugglega alltaf svo yndisleg að það er venjan en ekki undantekningin