Ég fékk mér rúsínur...

...í kaffitímanum - sem væri nú kannski ekki í frásögur færandi - nema fyrir það að ein rúsínan stóð í mér. Þar sem ég stóð, blá í framan og hóstaði um leið og ég reyndi að ná andanum, velti ég tvennu fyrir mér; annars vegar því hvort ég ætti að hringja í Sigrúnu, bekkjarsystur mína úr Keili frá því í vetur, en hún er þekkt fyrir að láta það sem vind um eyrun þjóta þegar fólk er að kafna í návist hennar - allavega þegar hún er í prófi  Við hlógum ekki lítið að því í vetur þegar ein af okkur, ég nefni engin nöfn en fyrsti stafurinn er Svava  mætti með Bananakúlur í próf og svelgdist svo á einni - sat nálægt Sigrúnu og hún tók ekki eftir því þegar hin blá í framan reyndi að vekja athygli einhvers á því að hún væri nánast að kafna.....

Hitt sem ég var að spá þarna sem ég stóð og velti fyrir mér möguleikunum á að Sigrún áttaði sig ef ég hringdi í hana blá í framan var hvort það hefði kannski verið betra fyrir mig að fá mér klaka. Í alvöru - hvort haldiði að gerist fyrr - maður kafni af klaka eða hann bráðni - og þá er ég að tala um svona venjulega hómmeid ísbakka klaka.

Ætli það hafi verið gerð einhver rannsókn á þessu? 

Athugasemdir

[Hrönn Sigurðardóttir, 3.7.2012 kl. 18:46]

...og ég gleymdi að taka það fram að nöfnin eru að sjálfsögu uppdiktuð....

....eða hvað? :P

[Ásthildur Cesil Þórðardóttir, 3.7.2012 kl. 18:55]

Hahahaha elsku kerlingin mín, er mig að misminna eða hefurðu eitthvað talað um rúsínur áður?  En sennilega myndi klaki bráðna áður en þú kafnar.... eða vonandi... myndi ekki vilja testa þessa kenningu, því eftir því sem maður kafnar meira, því kaldari verður maður... eða þannig En Guði og öllum ásum sé lof að þú ert hér ennþá ofar moldu óköfnuð og allt það. Á þessum síðustu og verstu væri slæmt að missa bloggin þín sem kæta mann alltaf.

[Ásthildur Cesil Þórðardóttir, 3.7.2012 kl. 18:56]

Fólst ekki ákveðin sjálfselska í þessu innleggi

[Hrönn Sigurðardóttir, 3.7.2012 kl. 19:27]

hahha jú - mér fannst algjörlega skorta þarna vorkunnsemi með meintu fórnarlambi rúsínanna - sumsé mér ;)

[Ásthildur Cesil Þórðardóttir, 3.7.2012 kl. 19:31]

Jamm biðst velvirðingar á því, ég var auðvitað bara að hugsa um sjálfa mig.... þannig sko

[Hrönn Sigurðardóttir, 3.7.2012 kl. 19:36]

...og ef ég er farin að endurtaka sjálfa mig með rúsínubloggum þá er það alfarið aldurinn :)

[Ásthildur Cesil Þórðardóttir, 3.7.2012 kl. 19:40]

Jamm sona alsheimir eitthvað... eða þannig Annars finnst mér rúsínur góðar, en held samt sem áður að ég myndi aldrei kafna af því að glomma þær í mig... eða þannig.

[Hrönn Sigurðardóttir, 3.7.2012 kl. 19:52]

Nei - ég hélt líka að það væri ekki hægt - ég meina rúsínur eru ekkert rosa stórar.....

[Ásthildur Cesil Þórðardóttir, 3.7.2012 kl. 19:57]

Jamm ef við værum að tala um sveskjur... með steini og alles, myndi ég skilja þetta

[Halldór Egill Guðnason, 12.7.2012 kl. 20:29]

Það toppar enginn  þínar færslur. Klaki eða rúsína. Hvers vegna í köpunum hefur enginn tjékkað á þessu fyrr?

[Halldór Egill Guðnason, 12.7.2012 kl. 20:32]

Sleppti óviljandi ós, í ósköpunum.

Ég meina, að blogga eða "kommenta"héðan af hinum endanum af kúlunni getur verið býsna "töff".

Hvernig hafa jarðarberin það annars?

[Hrönn Sigurðardóttir, 13.7.2012 kl. 17:12]

Mér varð einmitt hugsað til þín úti í garði í dag þar sem ég horfði á jarðarberin á meðan hundurinn meig á rifsið. Jarðarberin eru græn allan hringinn en ég skal svo sannarlega borða eitt eða tvö þér til heiðurs um leið og þau eru orðin rauð að ofan ;)

[Ásthildur Cesil Þórðardóttir, 13.7.2012 kl. 17:20]

Mín eru orðin eldrauð allan hringinn risastór og gómsæt, en ég gef mér ekki tíma til að týna þau.  Er samt búin að kaupa mér rjóma til að borða með þeim.

[Hrönn Sigurðardóttir, 13.7.2012 kl. 17:23]

Nammi namm! Eru þau í gróðurhúsi hjá þér? Þú verður að gefa þér tíma í þau áður en rjóminn klárast.... annars verð ég bara að koma og borða þau ;)

[Ásthildur Cesil Þórðardóttir, 13.7.2012 kl. 17:25]

Jamm komdu bara Hrönn min, já þau eru inn í gróðurhúsi, og risastór og girnileg. 

[Hrönn Sigurðardóttir, 13.7.2012 kl. 17:27]

Það munar því... mín eru að berjast þetta í vermireitnum mínum. Fæ mér gróðurhús þegar ég verð stór :) Þú hugsar til mín í kvöld þegar þú þeytir rjómann og borðar berin :) Og kannski Tuðs líka því hann er svo langt í Burtistan.

[Ásthildur Cesil Þórðardóttir, 13.7.2012 kl. 18:57]

Jamm geri það