Ég vaknaði í morgun...

...sem betur fer  og ákvað að fara í göngu með Ljónshjartað og Hrekkjusvínið áður en sprengjubrjálæðið hæfist fyrir alvöru. Klæddi mig í öll útifötin mín opnaði hurðina - og framan í mig dinglaði sjónvarpsloftnetið sem hafði fleygst fram úr festingum sínum þegar skriðjökullinn á þakinu lagði land undir skafl. Jökullinn sjálfur hafði síðan endað för sína á pallinum hjá mér og í tröppunum. Ég yppti öxlum, svona með sjálfri mér, og hugsaði - den tid, den sorg - og lagði af stað í myrkrinu. Gekk sæmilegan hring með vitleysingana ýmist fyrir framan mig eða aftan. Lét nánast keyra mig niður þegar ég fór yfir götu, aumingja bílstjórinn ætlaði að stoppa fyrir mér en hálkan var svo gríðarleg að hann sveiflaðist bara fram og til baka á meðan hann nálgaðist mig óðfluga þar sem ég stóð nánast á miðri götunni. Ég sá mitt óvænna og skautaði þrjú skref afturábak og bílstjórinn náði að beygja áður en bíllinn stoppaði. Bílstjórinn skrúfaði niður rúðuna og ég hugsaði: oó... nú ætlar hann að skamma mig fyrir að vera nánast endurskinslaus úti á miðri götu í svarta myrkri og fljúgjandi hálku - og setti mig í bardagaham ;) en hann gólaði bara: Góðan daginn og fyrirgefðu  ....eins og þetta hefði verið honum að kenna.

Ég komst síðan heim aftur blaut og köld, datt upp tröppurnar... já, já það er hægt.... og uppgötvaði þegar ég var komin inn að ég hafi týnt báðum keðjunum undan skónum. Þá settist ég niður og hló, þrátt fyrir að mig langaði mest til að grenja,  en eins og alþjóð veit þá grenja ég bara úr frekju, en ég meina hvernig átti ég að komast í sturtu með hálfmálað baðherbergið, jamm ég nefnilega keypti meiri málningu og byrjaði að mála baðherbergið í gær, svo sá ég fram á að geta ekki horft á skaupið með loftnetið ullandi á mig fyrir framan stofugluggann. Ég grenjaði að vísu seinna í morgun - en það var út af allt öðru og mér dettur ekki í hug að segja ykkur hvers vegna 

Já, dagurinn byrjaði brösuglega - en nú er mömmusinnardúlludúskur búinn að moka tröppurnar, mála baðherbergið og er að ná í skrúfur til að festa loftnetið.  

Allt horfir nú til betri vegar. Ég komin í sparifötin og er á leið að syngja nokkra jesúslagara og kalkúnninn ætlar að elda sig í ofninum á meðan.

Ég þakka ykkur fyrir árið sem er að líða og óska ykkur friðar og fögnuðar á nýju ári  

Athugasemdir

[Ásthildur Cesil Þórðardóttir, 31.12.2011 kl. 20:55]

Heyrðu mig nú kella mín, nú er ég orðin svo forvitinn að ekki einu sinni skaupið getur aflétt þeirri forvitni.  AF HVERJU VARSTU AÐ GRENJA!!!

Knús á þig elskuleg og gleðilegt ár og takk fyrir yndisleg kynni.  OG ÞÚ BLOGGAR ALLT OF SJALDAN ÞÚ ADDNA skemmtilega skvísa

[Hrönn Sigurðardóttir, 31.12.2011 kl. 21:52]

Það er ríkisleyndarmál og ég er bundin trúnaði ;)

Knús á þig tilbage ♥

[Ásthildur Cesil Þórðardóttir, 31.12.2011 kl. 21:56]

Úff sem sagt allt undir borðinu  

[Hrönn Sigurðardóttir, 31.12.2011 kl. 22:05]

hahha allt undir borði :P

[Ásthildur Cesil Þórðardóttir, 31.12.2011 kl. 22:29]

Eða jafnvel undir teppinu

[Birna Dis Vilbertsdóttir (IP-tala skráð) 1.1.2012 kl. 17:20]

Það er ekkert erfitt bara vont að detta upp tröppur Ég var eitt sinn í heimsókn í útlensku fangelsi þegar kona ein (voru reyndar 3 ) vildu ólmar selja mér jesúmyndir ,dvd undir borðið.Það breytti engu þótt ég bennti þeim á að myndirnar væru eign fangelsisins sem þær dvöldu í .Dösent matter sagði sú sem fór fyrir flokknum .Allt undir borði sagði konan.

Gott og blessað nýtt ár kæra Hrönn. og haltu áfram að skrifa þínar frábæru færslur .

[Ásthildur Cesil Þórðardóttir, 1.1.2012 kl. 18:33]

Jamm Birna Dís hún gerir allof lítið af því undanfarið, vonandi var áramótaheitið hennar að skrifa meira á næsta ári.

[Ragnheiður , 1.1.2012 kl. 19:42]

Já vonandi miklu meira blogg !

En það er ekki til siðs að hafa allt undir borði - það má ekkert :)

Gleðilegt ár Hrönn mín og ég vil miklu fleiri blogg !

[Ásthildur Cesil Þórðardóttir, 1.1.2012 kl. 20:25]

Já já... en það má hafa kisur og hunda undir borðum Ragnheiður

[Hrönn Sigurðardóttir, 2.1.2012 kl. 12:13]

hahah þið eruð ágætar :)

[Marta B Helgadóttir, 3.1.2012 kl. 14:22]

Það er svo margt þversum á gamlársdag, (ekki hundi út sigandi...), sem tekur svo sína stefnu yfirleitt til betri vegar þegar þessi guðsvolaði dagur er liðinn hverju sinni.  Ég hata gamlársdaga.

Gleðilegt ár Hrönnslan kær  og takk fyrir þau liðnu.

[Halldór Egill Guðnason, 4.1.2012 kl. 04:52]

Að detta keðjulaus UPP tröppurnar.....ég bara kaupi þetta ekki. ;-)

[Halldór Egill Guðnason, 4.1.2012 kl. 04:59]

Gleðilegt ár Hrönnslan mín(ef mér ég má segja sem svo) og takk fyrir yndislegar lýsingar af einföldum, en á stundum líka flóknum göngutúrum, Bónusferðum, læknisferðum, höfuðborgarferðum, gleði, sorg og jafnvel sturluðum sýslumönnum. Með einum hundi, fleirum, eður ei....

Er reyndar ekki alveg búinn að átta míg á dýragarðinum hjá þér, en það skiptir náttúrulega engu máli. Þú stendur ávallt fyrir þínu án nokkura annara dýra.............;-)

[Hrönn Sigurðardóttir, 4.1.2012 kl. 16:20]

Gleðilegt ár Marta mín og takk tilbaka. Yndislegt að kynnast þér ♥

Jú jú Halldór - ég sver það - það var eiginlega ekkert mál að detta upp tröppurnar keðjulaus ;) það var hinsvegar meira mál að reyna að standa upp aftur....

Þér leyfist nánast allt enda ekki til nema einn og sannur tuðari af þinni stærðargráðu :P Gleðilegt ár rúsinan mín.