Viðskipti eins og venjulega.....

Ég vaknaði snemma - fór út með hund og kött. Sótti mér Fréttablað dagsins í ferðinni.

Las svo frétt um að Clinton, fyrrum bandaríkjaforseti, væri að jafna sig eftir hjartaþræðingu - um leið og ég borðaði rúnstykki með rækjusalati..... Við verðum bara að vona að ég jafni mig líka

Tók svo persónuleikapróf sem heitir: "Ertu siðblindur?"  á meðan ég borðaði rjómabollu. Kom út með fullt hús stiga enda tók ég prófið sem fyrrum vinnufélagi. Úffffff sá á við vandamál að stríða. Ég er heppin að þurfa ekki að umgangast hann

Ég sendi líka sögur í verkefni sem heitir: Lesið í lauginni. Þannig að ef þið eigið leið á Selfoss um páskana þá getið lesið stórbrotin ritverk eftir undirritaða á meðan þið syndið...... nema ef ske kynni að mínum sögum yrði plantað á botn djúpu laugarinnar. Ef, hinsvegar, þið eigið enga leið hingað þá getið þið bara haldið ykkur við að lesa bloggið mitt!

Nú ætla ég að hjóla í rigningunni til uppáhaldsömmunnar minnar.

Lifið í friði  

Athugasemdir

[Jóna Á. Gísladóttir, 13.2.2010 kl. 10:53]

Lesið í lauginni... interesting. aldrei að vita nema maður taki bíltúr á Selfoss um páskana.

[Brattur, 13.2.2010 kl. 11:23]

Það má nú alveg kafa í dýpið og lesa. Ef sagan er löng þá kemur maður bara upp af og til og blæs eins og hvalur... sem er syndur eins og selur...

[Hrönn Sigurðardóttir, 13.2.2010 kl. 13:08]

Já Jóna þetta er mjög skemmtilegur siður.

Brattur! Góður.

Ég gleymdi líka að ég las í blaðinu að ónefnd lipbjútíkvín þrætir staðfastlega fyrir að eiga viðhald eða höld og segir að enginn taki mark á blöðum þar sem hún býr. Á hinn bóginn þrætir enginn fyrir að maðurinn hennar hafi skipt um lið og sé að flytja. 

Og þá spyr ég: Er einhverjum fjölmiðlum treystandi eða er kannski hægt að trúa helmingnum?  Og síðast en ekki síst velti ég því fyrir mér hvort ég mundi líka þræta ásökunum um framhjáhald.......

[stóra systir (IP-tala skráð) 14.2.2010 kl. 00:06]

Það var yndislegt að fá ferskan andblæ í hús í morgun. Knús til ömmusystur

[Hrönn Sigurðardóttir, 14.2.2010 kl. 07:33]

Takk fyrir það "Stóra" Það var líka yndislegt að fá koss frá litlum skæruliða ;)

[Sigrún Jónsdóttir, 15.2.2010 kl. 07:07]

Ég læt mig hafa það og hætti mér út í djúpu laugina eftir lesefni frá þér mín kæra <3

[Ásthildur Cesil Þórðardóttir, 15.2.2010 kl. 10:33]

Sammála Sigrúnu, myndi örugglega fara alla leið í lauginni til að lesa þig, mér til upplífgunar. 

[Birna Dis Vilbertsdóttir (IP-tala skráð) 15.2.2010 kl. 12:35]

Ég væri líka til í köfun til að lesa sögur eftir þig.Góð þjálfun fyrir lungun,en annars vann húsband vil köfun í sjó við íslandsstrendur (og bryggjur) í "denn"svo ég sendi hann á dýpið í versta falli og hann endursegir mér svo lesninguna. Til hamingju með að vera í rithöfundahópnum

[Guðný Anna Arnþórsdóttir, 16.2.2010 kl. 20:01]

Skal lesa eftir þig, hvar sem er, líka í kafi ......

[Guðný Anna Arnþórsdóttir, 16.2.2010 kl. 20:08]

PS: Búin að lesa þig alla aftur til desember 2009 til að bæta upp gamla og nýjan trassaskap, gaman hvernig allt er að snúast þér í hag, elsku kellingardollan mín. Meira af þér!

[Hrönn Sigurðardóttir, 16.2.2010 kl. 21:44]

Þið eruð krútt!

[Gulli litli, 17.2.2010 kl. 08:51]

Þú ert gersemi...