Verzlunarmannahelgin...

Ég hef haft það gott um helgina! Farið út að labba með hundana... glott að uppátækjum kattarins,  sem heitir því frumlega nafni Grámann Kaktus - kallaður Mjási... Já, já... það var annaðhvort það eða Kisi...... farið út að skokka með Ljónshjartað og borðað og drukkið þess á milli

Mömmusinnardúlludúskur lagði upp á Akureyri á fimmtudagskvöld en var ekki alveg nógu hress með ABBA fílinginn þar og fór til Eyja ásamt fleirum. Hann hefur dvalið þar í góðu yfirlæti og ég vænti þess að spariskyrtan sé vandlega pökkuð, samanbrotin og straujuð ofan í tösku ásamt öllu hinu dótinu sem maður fer ekki með á útihátíðir - því eins og hann sagði: Ég er að fara á Akureyri downtown.... Þau voru svo stálheppin að fá flug til Reykjavíkur í kvöld - en ég veit ekki aaaalveg hvort þau verða í standi til að mæta í vinnu í fyrramálið... hin sko! Vitaskuld verður Dúskurinn mættur á slaginu... eða ég á ekki von á öðru

Það er samt alltaf gott, finnst mér, þegar þessi helgi er liðin stórtíðindalaust.

Næst er það brúðkaup! Sama dag og Reykjavíkurmarþon og Menningarnótt. Ég hef verið vakin og sofin að pússla saman þessum degi, því vitaskuld er ég ekki tilbúin að sleppa neinu. Kona hefur nú komið sér upp hefð á þessum degi sjáðu til....

Þetta er allt að smella hjá mér - ég á bara eftir að útvega mér skræpóttan glyðrulegan kjól og húsnæði til að baka brúpkaupsbrauð eftir maraþon! Kjólinn þarf ég vitaskuld í brúðkaupið því ég get bakað brauð í hvaða sveitta galla sem er.... Svörtu skóna á ég

Spurning hvort ég þarf að skippa sýningunni í Ráðhúsinu þar sem sem jarðskjálftasagan mín verður birt.....? En ég treysti því að þið farið þá þangað og lesið hana fyrir mig

Athugasemdir

[Steingrímur Helgason, 4.8.2009 kl. 02:10]

Getraun:

Í hvaða lagi var textinn á þá leið;

"En vantar brúðgumann.." ?

[Birna Dis Vilbertsdóttir (IP-tala skráð) 4.8.2009 kl. 11:08]

Hrönn ertu að fara að gifta þig?Á menningarnótt? Ég verð með vöfflur á Kirkjustræti 2 allan þann dag sem menningarnótt er.Ókeypis svo þú getur sent gestina í vöfflurÁ meðan þú hleypur maraþon

[Ásthildur Cesil Þórðardóttir, 4.8.2009 kl. 11:53]

Þú ert óborganleg elsku Hrönn mín.  geturðu ekki fengið einhvern glyðrukjól lánaðan hjá ungfrú Hilton.   Ég er viss um að hún má missa svo sem einn eða jafnvel tvo svo þú hafir til skiptanna. 

[Hrönn Sigurðardóttir, 5.8.2009 kl. 00:01]

Nei.... almáttugur - ekki ég!! Ég á enn eftir að finna mann.

Hilton á náttúrulega nóg af þannig kjólum... það er rétt....

[Gudrún Hauksdótttir, 5.8.2009 kl. 07:54]

Tú ert yndi ad lesa kona.

Takk fyrir hressandi pistil.

kvedja frá Hyggestuen

[Sigrún Jónsdóttir, 5.8.2009 kl. 18:13]

Ég var svo mikið að pæla í því að líta við hjá þér um helgina....en Ljótu hálfvitarnir héldu mér hugfanginni í Laugardalnum, svo ég fór hvergi

Ég ætla að skoða jarðskjálftasöguna þína í Ráðhúsinu

[Hrönn Sigurðardóttir, 5.8.2009 kl. 18:37]

Gott á meðan það voru ekki Stuðmenn sem héldu þér..... Þú hefðir samt átt að koma - ég get verið ansi mikill hálfviti.........

takk Guðrún

[Bergljót Hreinsdóttir, 6.8.2009 kl. 11:15]

Ég skal skella mér í jarðskjálftasöguna þína...nota þú bara tímann í að baka og gera þig fína og sæta....

Annars hanga þessar sýningar svosem oftaðeins lengur en einn dag....

...og...til hamingju með kisulinginn...þetta er óttalegt krútt....með mikið nafn....ég átti einu sinni kisu sem hét Grettir Alexander Möller...en ég var alltaf hrædd við hann....!!!

[Hrönn Sigurðardóttir, 6.8.2009 kl. 11:35]

hahah Bergljót! Ég skil vel að þú hafir verið smeyk við köttinn með svona mikið nafn!

[www.zordis.com, 7.8.2009 kl. 14:29]

Elsklingurinn minn ... ég á kjól handa þér enda eðal glitrandi glyðra. semelíusteinaskó og slæðu í stíl. Appelsínugulu blúndu-undirnærhaldsgræjuna þarf ég að senda þér fljótlega og takk fyrir lánið svo þú verðir óaðfinnanleg á þessum merkisdegi, e. hlaup, e. bökun og í brúðkaup.

Lovjú görl.

[Lilja Guðrún Þorvaldsdóttir, 9.8.2009 kl. 00:37]

Elskan mín ég skal fara niðrí Ráðhús og lesa jarðskjálftasöguna þína, á meðan þú hleypur maraþonið, og skellir þér svo í brúðkaup, og ég næri mig á vöfflum hjá Birnu Dís fyrir mig og þig.

Annars átti ég einusinni kött sem hét Grámann, annan sem hét Séra Gulur Kafbátur, og systir mín átti kött sem hét, Jósef Jakob Nikulás en var alltaf kallaður Jobbi Kobbi Nikki.

[Guðný Anna Arnþórsdóttir, 11.8.2009 kl. 20:16]

Alltaf stuð á minni ....