3.6.2009
Samsæri
Ég hugsaði mér sérdeilis gott til glóðarinnar að vera atvinnulaus hálfan daginn nú þegar sólin er hátt á lofti og fuglarnir syngja 24/7. Raunin er sú að ég geng um, þrjózkan uppmáluð, með "after bite" í annarri, sökum heiftarlegs ofnæmis við mýflugnabiti og geitungastungum og sólarvörn númer 30 í hinni vegna sólarexems......
Ég læt það hinsvegar ekkert á mig fá, fer bara í buxur með svo stórum vösum að hvítabjörn á flótta gæti falið sig í þeim.......
Í dag fór ég á listsýninguna 'Ferjustaður' í skóginum.
Sýningin er sett upp þannig að verkin standa vítt og breytt um skóginn, kort eru "afhent við innganginn" og svo leggur maður land undir fót og finnur listina samkvæmt númerum á kortinu. Eins og gengur og gerist var ég mishrifin af því sem fyrir augu bar og sum staðar bjó ég til mína eigin sögu um verkið bara svona til að það meikaði sens............
Að öðrum verkum ólöstuðum fannst mér bezt verk sem kallast Kíkir og er eftir Sirru Sigrúnu Sigurðardóttur. Sjónaukanum er beint yfir ána að Selfossi en þegar maður kíkir í hann sér maður ekki byggðina heldur allt, allt annað......... Sérdeilis óvænt og skemmtilegt.
Ég öslaði þarna um göngustíga og mýri, stundum göngustíga í mýri...... óð yfir læki og flækti mig í kóngurlóarvefjum í rúma tvo tíma og fann öll verkin nema eitt sem ég veit að er staðsett svo langt úti í mýri að aðeins fuglinn fljúgandi kemst að því. Allavega var ég ekki skóuð í það verkefni í dag og ekki með nesti heldur...... Sum verkin eru svo vel falin að tuttugu börn gætu hlaupið um heilan dag án þess að finna þau.
Mæli með þessu, skemmtilegur ratleikur í gegnum skóginn með listaverk í fundarlaun.
Ég sé það svo núna, þegar ég er að skoða kortið nánar að Björgunarfélag Árborgar fær meðal annarra kærar (fyrirfram)? þakkir og það rennur upp fyrir mér ljós. Plottið var náttúrulega að búa til gildrur í skóginum og fækka fólki á atvinnuleysisskrá og hugsanlega kennurum líka - sem eru jú, eins og alþjóð veit komnir í sumarfrí en láta ófriðlega og vilja launahækkanir.
Athugasemdir
Hef saknað þín Hrönnslan, það er kominn tími á hitting og það frir allnokkru síðan sko. Á morgun er spáð dásamlegum 15 stiga hita og sól í garðinum hjá mér með tilheyrandi mýbiti o sollis
en eitthverju sniðugu hljótum við að finna uppá á næstunni. Hef samb. ;-)
Marta B Helgadóttir, 3.6.2009 kl. 22:57
...hef verið í langtiburtistan lengi lengi (í alvöru!) ..er orðin mjög löt við að blogga nema spari.
Marta B Helgadóttir, 3.6.2009 kl. 22:59
Það líst mér vel á Marta ;) Ég er vel birg af móteitrum gegn sól og flugum....
Hrönn Sigurðardóttir, 3.6.2009 kl. 23:06
hei ég er kennari(í MA)....ég er ekki komin í sumarfrí.....en læt yfirleitt ófriðlega!!!;)
Vildi óska þess að ég væri svona dugleg að fara út og labba/skoða listaverk eða bara hreyfa mig aðeins. Nei akkúrat núna vildi ég óska að ég væri ekki á netinu að slóra heldur að klára að fara yfir prófin sem ég ætla að klára fyrir nóttina!!!!!
kv, Valgerður Ósk
Valgerður Ósk (IP-tala skráð) 3.6.2009 kl. 23:08
Sæl Valgerður og vertu ævinlega velkomin ;) Ég steingleymdi því MA er svo seint búinn. Blessuð gefðu bara 8 á línuna og drífðu þig út.
Er Matthildur frænka mín í tímum hjá þér?
Hrönn Sigurðardóttir, 3.6.2009 kl. 23:12
Nákvæmlega ....einkunnir eru svo klikkaðar hvort eðer...gefðu bara 8 á línuna að move on!! En segðu mér Hrönn er þessi sýning enn í gangi?
Garún, 3.6.2009 kl. 23:39
ég kenni bara 4 1. bekkjum og einum 2. bekk og í þeim er engin Matthildur en það eru alveg 500 og eitthvað nemendur sem ég kenni ekki:)
Í 90% tilfella get ég giskað á einkunnina fyrirfram en það eru þessi 10% sem"eyðileggja" aðeins fyrir manni.....en þessu líkur öllu einhvern tíma.
Já einkunnir eru pínu skrítnar og misjafnar - virkar miklu betur að gefa bara leiðsögn í staðinn en það má víst ekki sem lokaeinkunn!
Hætt að hangsa....aftur....Valgerður
Valgerður Ósk (IP-tala skráð) 3.6.2009 kl. 23:51
Ásthildur Cesil Þórðardóttir, 4.6.2009 kl. 00:12
Lilja Guðrún Þorvaldsdóttir, 4.6.2009 kl. 00:59
Þetta hljómar eins og mjög spennandi ratleikur. Mjög spennandi.
Vilma Kristín , 4.6.2009 kl. 01:15
Jamm Garún sýningin er enn í gangi. Ertu með einhverja kennara sem þú þarft að láta hverfa? ;)
Þetta er mjög skemmtilegt Vilma. Ég hafði afskaplega gaman af þessu.
Hrönn Sigurðardóttir, 4.6.2009 kl. 07:28
Birna Dis Vilbertsdóttir (IP-tala skráð) 4.6.2009 kl. 10:54
En þú komst lifandi úr sýningunni.
Helvíts fokking fokk.
En ég elska þig samt.
Jenný Anna Baldursdóttir, 4.6.2009 kl. 11:22
Ég ætla að fara á sunnudaginn! En ég er svo öfug og skrítin að ég ætla mér að finna kennara! Enda með massíft björgunareðli!
Garún, 4.6.2009 kl. 12:01
Sérdeilis skemmtileg Hrönn ... Það hefði nú verið unun að koma með þér og lauma inn einu og einu verki, jafnvel hlaupagjörningi.
Knús til þín og sendu mér adressuna (nánar tiltekið) svo ég geti bankað uppá hjá múttu túttu! (geri það bara óvænt þegar ég á leið um .... minntu mig svo á hvenær hún fer til baka) .
www.zordis.com, 4.6.2009 kl. 17:13
Hefði viljað fara í þennan ratleik/sjá þessa sýningu með þér, það segi ég satt
Sigrún Jónsdóttir, 5.6.2009 kl. 01:57
Það hefði verið gaman að hafa ykkur með :)
Hrönn Sigurðardóttir, 5.6.2009 kl. 19:49
Hey Hrönn! Það er komin nýr dagur! Kem á sunnudaginn, verður þú með heitt á könnunni?
Garún, 5.6.2009 kl. 21:00
Ég er allavega enga stund að skerpa á henni :) Ætlarðu í listaverkaratleik?
Hrönn Sigurðardóttir, 5.6.2009 kl. 21:16
Þokkalega! Mér finnst þetta æðislega spennandi. Ætla að taka með mér blys fyrir björgunarsveitina og maka mig alla í pepperóní til að rugla hundana!
Garún, 5.6.2009 kl. 21:25
hahahhaha veltu þér frekar uppúr köldum grillkolum! Veistu ca. hvenær þú verður á ferðinni?
Hrönn Sigurðardóttir, 5.6.2009 kl. 21:38
arrg...ég kemst ekki á morgun. ömmu dagur! Ég ætla að fjölskyldast á morgun, eða er þetta kannski líka á kvöldin? Má maður fara hvenær sem er? Og Hrönn takk fyrir falleg komment við myndirnar mínar! Mér hlýnaði um hjartað!
Garún, 6.6.2009 kl. 18:38
Þetta er í skóginum - opið allan sólarhringinn :) Og verði þér að góðu.
Hrönn Sigurðardóttir, 6.6.2009 kl. 19:02
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.