Skapandi regn!

Þegar ég vaknaði í morgun rigndi svo mikið að Stúfur Stubbalings vildi ekki sjá að fara út! Þannig að orðatiltækið; ekki hundi út sigandi, á verulega vel við! Svo stendur hann í þeirri trú að hann sé skraut í rúmi eftir að ég fer á fætur.....

Á eftir - þegar ég verð búin að vinna fyrir uppáhaldsmennina mína - ætla ég að baka! Bæði kanelsnúða og súkkulaðicroissant a la Nigella! Sá einhvern tíma þátt með henni þar sem hún átti von á yfirmanni sínum og hristi svona volg súkkulaðicroissant fram handa honum. Ég ætti kannski að gera það líka fyrir mína menn? Þeir eru soddan krútt og eiga það alveg skilið..........

Við Heiðdís lögðumst í sólbað eftir feikifínan tíma hjá Betu í gærmorgun! Ég held að það hafi verið einu fimmtán mínúturnar sem stytti upp þann daginn! Spurning hvort einhver vill borga okkur fyrir að liggja í sólbaði í lauginni?

Einar Indriða var að tala um að hann vildi eiga tímavél og þá gerði ég eins og maðurinn í búðinni hér um árið, muniði eftir honum? "...... og þá fór ég að reikna....." nema ég fór ekki að reikna enda arfaslök í reikningi, ég fór að hugsa. Því það fer mér svo vel..... Ef ég ætti tímavél og gæti flakkað um tímann, mundi ég vilja breyta einhverju? 

Niðurstaðan er já! Ég mundi vilja breyta einhverju en bara einhverju smotteríi. Ég mundi til dæmis skilja fyrr við minn fyrrverandi. Þá væri ég búin að halda upp á miklu fleiri daga án hans.... Ég ætti kannski að skrifa bók - svona eins og Davíð... nema mín mundi vera á frummálinu og heita: Few good days without....!

Ég ætla ekki einu sinni að reyna að spyrja ykkur hvort þið munduð breyta einhverju í ykkar lífi ef ég mundi lána ykkur tímavélina mína - en..... hvert munduð þið vilja fara í framtíðina?

Athugasemdir

[Ásthildur Cesil Þórðardóttir, 22.4.2009 kl. 10:56]

Ég myndi fara upp í himinhvolfið til framtíðarlandsins, þar sem sálirnar bíða eftir að koma niður til jarðarinnar.  'Eg myndi ræða við börnin þar og þá sem þau annast.  Þetta er örugglega fallegasti staður veraldarinnar.  Ég ætla að fá að enda þar þegar ég fer héðan fá að gæta barnanna og passa upp á þau.  Gefa þeim fáein útvalin orð og leiðbeiningar áður en þau hverfa aftur hingað niður í villidýragarðinn.

[Hrönn Sigurðardóttir, 22.4.2009 kl. 11:00]

[Jenný Anna Baldursdóttir, 22.4.2009 kl. 11:58]

Kúba, Kína, Iran, Irak, Tortóla (djók), Grænhöfðaeyja.

And that´s just the beginning.

Núna er ég búin að vera að upplifa "a few terrible days without Hrönn on the blog", velkomin aftur.

[Hrönn Sigurðardóttir, 22.4.2009 kl. 12:00]

þeinkjúdear....

[Hrönn Sigurðardóttir, 22.4.2009 kl. 12:04]

Ég væri alveg til í Tortola... það er svakalega fallegt þar - og ég hef heyrt að þar sé alveg glás af peningum.........

[Einar Indriðason, 22.4.2009 kl. 12:18]

Hmm.... Ég veit hverju ég myndi svara ef ég væri Alráður í einn dag.  (Og gæti gert eitthvað af viti, fyrir utan alla skriffinnskuna....)  (En það er annar handleggur, eins og góði dátinn Svejk sagði stöku sinnum, og efni í miklu lengri pistil.)

(best að beita fyrir sig athyglisbres... HA?  FUGL?  NÚNA?  FYRIR FRAMAN HÚSIÐ?  AÐ BORÐA ÁNAMAÐKA?  *SKOÐI SKOÐ*  Ha... hvað varstu að segja.....?)

[Hrönn Sigurðardóttir, 22.4.2009 kl. 13:35]

Takk Arna

Einar! Hefur þú heyrt talað um Einar áttavillta?

[Einar Indriðason, 22.4.2009 kl. 13:55]

Ég sá einhvern tímann... hvort það var spaugstofan... þar var Einar tvívilti.... hví?  Jú, hann hafði ekki pláss til að vera með ... átta (8) vita.....

[Sigrún Jónsdóttir, 22.4.2009 kl. 15:58]

Jú, tímavélin væri vel þegin og ég myndi nota hana í sama tilgangi og þú.....flýta mínum skilnaði...og svo myndi ég vilja vera uppi á þeim tíma sem bókin þín kæmi út....hvar í heiminum sem er

[www.zordis.com, 22.4.2009 kl. 17:38]

Ég væri til í að fara hvert sem er með þér! Þess vegna sitja bara í Núinu og njóta þess með öskrandi krapa og karokí græjurnar á fullu ....

[Kristín Katla Árnadóttir, 22.4.2009 kl. 19:02]

Krúttið þitt er nú ekki ósvipaður mínum .

[Vilma Kristín , 22.4.2009 kl. 21:29]

Ég held ég myndi kannski bara rétt gægjast á börnin mín eftir svona 15 - 20 ár... bara til að gá hvort ég ætti að breyta einhverju í nútíðinni ;)

[Þröstur Unnar, 22.4.2009 kl. 22:21]

Ég hef heyrt talað um einar olíubuxur.

En hvað um það, er bakkelsið klárt?

[Birna Dis Vilbertsdóttir (IP-tala skráð) 22.4.2009 kl. 23:10]

Þú segir nokkuð, jú skilja fyrr við x, annars flest óbreitt held ég, svo kaupi ég bókina þína

[Hrönn Sigurðardóttir, 22.4.2009 kl. 23:39]

Bakkelsið að klárast........

......verð að fara að byrja á bókinni

[Anna Einarsdóttir, 23.4.2009 kl. 00:10]

Og hvað lærir maður af þessari færslu og athugasemdunum við hana ?

Jú..... að allir eiga að skilja fyrr við X-ið. 

[Hrönn Sigurðardóttir, 23.4.2009 kl. 09:31]

jamm..... enda bloggið mitt einstaklega fræðandi

[Dísa Dóra, 23.4.2009 kl. 10:37]

Segi eins og fleiri að jú  ég mundi skilja fyrr við x-ið

Hvert ég vildi fara í framtíðinni - hmmmmmmmmm það er hins vegar erfiðara því ég er svo fróðleiksfús að ég vil fræðast um svo margt

[Steinunn Helga Sigurðardóttir, 23.4.2009 kl. 10:52]

ég veit ekki kæra hrönn, ætli ég vildi nokkuð breyta neinu, allt hefur orsök og ég myndi ekki nenna að lifa neitt aftur í öðru lífi.

hafðu það ljúft mín kæra

[Helga Magnúsdóttir, 23.4.2009 kl. 21:35]

Ég veit ekki hvort ég vilji nokkru breyta, er allt ekki ástæða og afleiðing þannig að maður getur ekki breytt neinu án þess að öll atburðarásin fari af stað.

[Bergljót Hreinsdóttir, 25.4.2009 kl. 01:08]

Ég myndi vilja fara með henni Ásthildi til ofæddu sálnanna...þar er örugglega yndislegt að vera...og margt hægt að gefa...og þiggja....