Flokkum og skilum.....

Mér var boðið í teiti í gær - sem ég að sjálfsögðu mætti í! Þangað var boðið þeim sem vissu póstnúmerið á Króksfjarðarnesi - án þess að gúggla það og svo einum sem er hvorki á facebook né blogginu!

Jamm - það er Dúa sem á svona undarlegan vin

Það var þrusugaman. Dúa dansað á ræmunni og allir sögðu neyðarlega sögu af sjálfum sér. Ég var svo að hugsa þegar ég keyrði heim yfir fjöllin sjö - maður leggur ýmislegt á sig, sjáðu til, til að mæta í partý - að ég hafði alls ekki sagt neyðarlegustu söguna mína. Enda var hún vitlaust flokkuð......

Þannig var að ég átti einu sinni vinkonu, áherzlan er á einu sinni, hvers vinkona hafði keypt sér sundbol í gegnum svona..... hvað heitir það nú aftur.... pöntunarlista! Hún fór aldrei í sund þannig að hún gaf vinkonu sinni bolinn, sem fór heldur aldrei í sund og fannst upplagt að gefa mér bolinn - því ég er jú hafmeyja og alltaf í sundi.

Ég tók við bolnum, þakkaði fyrir mig og fór í sund og synti nokkrar ferðir. Það var hinsvegar ekki fyrr en ég var á leiðinni í heita pottinn að ég tók eftir því að bolurinn var búinn þeim fágæta eiginleika að verða ósýnilegur þegar hann blotnaði!

Ég skannaði í hendingskasti möguleikana sem ég hafði í stöðunni og gerði svo það eina sem hægt var að gera. 

Ég lét eins og ekkert væri eðlilegra en vera í ósýnilegum sundbol í sundi! Ekkert........ Ég er náttúrulega heimskona og svo þurfa hafmeyjar ekkert endilega að vera í sundbol

Ég á sundbolinn ennþá ef ykkur vantar einhvern tíma sönnun á því að þið séuð heimskonur.....

Athugasemdir

[Þröstur Unnar, 22.2.2009 kl. 16:36]

Heimta myndir úr partíinu, áður en þú flokkar og skilur.

[Vilma Kristín , 22.2.2009 kl. 16:36]

Leiðinlegt að komast ekki í partýið... það er svona að vera með of mikið skipulagt.

[Birna Dis Vilbertsdóttir (IP-tala skráð) 22.2.2009 kl. 16:47]

 og mynd af þér í sundbolnum ósýnilega.Ég á sundbol sem sést og er með plastbrjóstum.Skipta??????????

[Rebbý, 22.2.2009 kl. 17:28]

úbs partý-ið
æj - vona að það hafi verið geggjað gaman ... fæ vonandi boð aftur frá Dúu síðar

[Huld S. Ringsted, 22.2.2009 kl. 19:52]

Sama og þegið...............................með sundbolinn, langar ekkert til að sanna það fyrir mér og öðrum að ég sé heimskona

[Jenný Anna Baldursdóttir, 22.2.2009 kl. 22:53]

Gat verið, auðvitað vissir þú alveg að bolurinn var see through.

Skamm.

Flottar myndir úr partíinu.

[Hrönn Sigurðardóttir, 22.2.2009 kl. 22:55]

Vitaskuld vissi ég það......

ógó skemmtilegt partý líka! Enda almost eingöngu nördar þar.

[Hrönn Sigurðardóttir, 22.2.2009 kl. 22:56]

Þröstur! Ég skil aldrei neitt....

Birna! Held ekki...... en þú mátt fá minn lánaðan enítæm ;)

[Sigrún Jónsdóttir, 22.2.2009 kl. 23:14]

Þetta hefur verið svona Pamelu Anderson sundbolur....hefur örugglega farið þér mikið betur en henni

[alva (IP-tala skráð) 23.2.2009 kl. 01:26]

[www.zordis.com, 23.2.2009 kl. 08:56]

Takkk .... koddu með hann í næstu sólarferð og við munum syngja í blautbolakarokí! (alveg nýtt trend hérna megin) ....

Góð saga og gott partý! (var með ykkur í anda, er boðflenna sko)

[Einar Indriðason, 23.2.2009 kl. 10:16]

Hmm... Hvert er svo aftur póstnúmerið á Króksfjarðarnesi?

[Hrönn Sigurðardóttir, 23.2.2009 kl. 10:40]

Einar! Varstu þarna á fölskum forsendum?

Kem með hann Zordis - en fer ekki í sjóinn í honum..... tíhí......

[M, 23.2.2009 kl. 12:24]

[Einar Indriðason, 23.2.2009 kl. 22:32]

Óh!  Hmm... sko... nefndu tölu á bilinu 0 og upp í 5000?  Það er nánast örugglega ekki póstnúmerið á Króksfjarðarnesi!

Hmm.....

Nýju fötin keisarans hvað?

[Dísa Dóra, 23.2.2009 kl. 22:34]

hahaha ég hef alveg misst af því að sjá boð í slíkt nördapartý - aldrei að vita hvort ég hefði staðist inngönguprófið

Væri nú gaman að sjá myndir af þessum nördum og ég tala nú ekki um af sundbolnum