Fyrsti vetrardagur liðinn....

.....og nístandi kuldinn sem fylgdi honum kom á óvart

Helgin hefur þó verið góð enda bý ég svo vel að eiga kuldagalla frá 66 gráðum norður - sem ég hika ekki við að nota þegar aðstæður sem þessar myndast Ég meina bjútí is pain - en ekki svona mikið........ Það verður bara að hafa það þó ég virki minna þokkafull úti að ganga með Ljónshjartað - enda má ég alveg við því að missa nokkrar gráður á þokkaskalanum svona yfir háskaðræðistímann.....

Kíkti í heimahús í gærkvöldi og sötraði þar rauðvín í góðum en þó vafasömum félagsskap við heimspekilegar umræður. Í nótt gnauðaði vindurinn á glugga en ég svaf svefni hinna réttlátu fyrir innan, í hlýjunni......

Ég las heila bók á einni aðfaranótt laugardagsins! Ég hreinlega man ekki eftir því að ég hafi afrekað það áður. Fanney! Ég er ready í bókmennta umræður. Svakalega góð bók - ég sveiflaðist allan tilfinningaskalan, varð reið, hló og grét allt á einni nóttu takið eftir því - ég held að það hafi ekki skeð síðan......... tjah bara aldrei! Löggunni fannst ég enda fremur grunsamleg klukkan hálffimm um morguninn þar sem ég stóð í algjöru uppnámi og starði inn um mína eigin glugga, þegar við Ljónshjartað brugðum okkur út að míga við þjóðveginn og enn tortryggnari urðu þeir þegar ég mætti skömmu síðar með Hlín Hrekkjusvín út við sama staur Það skal þó fúslega viðurkennt að útlitið var ekki upp á marga fiska þegar Tína mína fína mætti í "morgunkaffi" eins og ég kaus að kalla það - hún vildi hinsvegar meina að það væri miður dagur  

Nú mallar kjúklingurinn í Indíánapottinum mínum við hægan hita í ofninum, þar sem við Mömmusinnardúlludúskur komumst að samkomulagi um það að hafa matinn seint að hætti þeirra Evrópubúa sem búa þó þetta sunnar í álfunni - eða eftir Dagvaktina, því ég neita staðfastlega að borga áskrift að stöð2 og held því fram að það sé ekkert áhugavert efni þar að finna og því þarf hann að leita út fyrir öryggi heimilisins til að horfa á þá þætti. Ég verð bara að vona að þetta hafi ekki langvarandi djúpstæð áhrif á hann....... 

Þakkið fyrir að ykkur sé hlýtt

Athugasemdir

[Dísa Dóra, 26.10.2008 kl. 20:31]

ahhh ég á líka svona 66° N galla en hann kemur nú ekki að gagni núna - eða allavega stæði nú hluti af mér langt út fyrir gallann

[Helga Magnúsdóttir, 26.10.2008 kl. 20:35]

Hvaða bók varstu að lesa eiginlega? Prófaði að kalla son minn mömmusinnardúlludúsk um daginn og uppskar mjög kuldalegt augnaráð og eindregin tilmæli um að slíkt yrði ekki endurtekið.

[Hrönn Sigurðardóttir, 26.10.2008 kl. 20:44]

Helga! Það þarf að byrja strax..... Bókin heitir: Kona fer til læknis.

Dísa Dóra! Það stendur nú til bóta - ekki satt?

[Jenný Anna Baldursdóttir, 26.10.2008 kl. 21:22]

Er það krabbabók?

Annars ertu örugglega svakalega sexí í gallanum.

[Þröstur Unnar, 26.10.2008 kl. 21:38]

Er að byrja að fatta þetta með hundana og barnið.

En fatta ekki lögguna. Varstu á skíðum?

[Hrönn Sigurðardóttir, 26.10.2008 kl. 22:06]

Krabbabók jamm...... meðal annars ;)

Þröstur! Skíðum? Sérðu hvað ég er hissa?? Þarna slóstu mér alveg við! Þarf að prófa að fara á skíðum út einhverja nóttina við tækifæri ;)

....hvað ætli löggan segi þá? 

[Brattur, 26.10.2008 kl. 22:08]

... það er gott að sofa réttlátum svefni... og vera hlýtt... ömurlegt hlutskipti að sofa svefni hinna ranglátu... í skítakulda...

[Hrönn Sigurðardóttir, 26.10.2008 kl. 22:10]

Já Brattur! Og enginn hlýðir manni...... :Þ

[Sigrún Jónsdóttir, 26.10.2008 kl. 22:13]

Ég þakka pent fyrir hlýjuna og hef notið hennar í dag

[Róbert Tómasson, 26.10.2008 kl. 22:40]

Þakka þér fyrir færsluna Hrönn hún yljar manni ekki síður en kuldagalli frá 66 gráðum Norður sem er að ég tel einhver mesta snilld í Íslenskri hönnunarsögu.

[Steingrímur Helgason, 26.10.2008 kl. 23:48]

Mikið á dúlludúzkur þinn þó gott með að vera bara 'einmæðra' frekar en sammæðra í þeirri afneitun lífsgæða sem þú ázkapar í hanz tilveru...

Fólk sem að sefur í dag réttlátum 'zwebbni' er án vizku sama ...

[Vilma Kristín , 26.10.2008 kl. 23:51]

Ohhh, vildi að ég ætti svona kuldagalla!

Heyrðu, ertu búin að lesa bókina "Marley og ég"? Frábær fólk fyrir "dýrafólk" :) Ég grét og hló...

[Sigurlín (IP-tala skráð) 27.10.2008 kl. 00:03]

Takk takk fyrir heimsóknina í gær..... En hurðu dúkurinn er klár. En í sambandi við það sem við vorum að tala um í gær þá vil ein vera með okkur og þá í svona vafasömu tjatti.

[alva (IP-tala skráð) 27.10.2008 kl. 00:38]

dugleg alltaf í göngutúrunum...göngufélaginn minn datt um daginn í hálkunni og slasaði sig á fætinum...ég þarf að fara að beita mig hörku og fara ein í göngur aftur...mér finnst það svolítið óþægilegt..en oft var þörf á hreyfingu en nú er NAUÐSYN...ég hætti að reykja í sumar...

knús

[Tína, 27.10.2008 kl. 08:02]

Það var sko ekki dónalegt að koma á ókristilegum tíma um miðjan dag í kaffi, spjall og truflaðslega góð muffins. Þetta góða uppeldi sem ég tel mig þó hafa fengið fauk út um veður og vind eftir að hafa smakkað á herlegheitin. Og ekki var laugardagskvöldið neitt leiðinlegt.

Hlakka klikkaðslega mikið til að sjá þig aftur vinkona

[Solla Guðjóns, 27.10.2008 kl. 08:54]

Ég er ekki hissa að löggan hafi orðið eitthvað undrandi "þegar þið Ljónshjarta fóruð út að míg við þjóðveginn"

[Fanney Björg Karlsdóttir, 27.10.2008 kl. 09:04]

Jibbý.... get ekki beðið eftir krassandi bókaspjall.... þar sem allur tilfinningaskalinn verður með í ráðum.... verum í bandi...

[Solla Guðjóns, 27.10.2008 kl. 09:32]

mígA

[M, 27.10.2008 kl. 10:00]

Á kraftgalla síðan 1991. Viss um að hann passi enn, þori bara ekki að gá

[Kristín Katla Árnadóttir, 27.10.2008 kl. 11:29]

Gott að lesa bloggið þitt það vær mann til að brosa.

[Jóna Á. Gísladóttir, 27.10.2008 kl. 11:33]

Ég þakka sko fyrir að vera hlýtt.... þegar mér er hlýtt. Var t.d. ekki mjög hlýtt í gærkvöldi. En svo kveikti ég á fullt af kertum og þá hlýnaði í kofanum.

Ég dáist endalaust að því hvað þú ert dugleg í labbitúrunum.

[Birna Dis Vilbertsdóttir (IP-tala skráð) 27.10.2008 kl. 11:40]

Kona fer til læknis ,ég fæ kast.Held að hann mömmusinnadúlludúskur jafni sig á "harðræðinu",yfir að þurfa að sjá dagvaktina að heiman.Annars kostar tíminn hjá góðum sálfræðing 9000 krónur

[Hrönn Sigurðardóttir, 27.10.2008 kl. 13:09]

Jæks! 9000 þús kall?? Á hvaða gengi er það? 

Jamm Fanney! Við höfum snýtuklútana með - þeir virka við allar aðstæður :)

Spáðu samt í það Solla ef ég hefði verið á skíðum.....

Sömuleiðis Tína ;)

Vilma! Hef ekki lesið þessa bók en heyrt að hún sé frábær! Verð að tékka á henni í bókasafninu.....

Alva! Bara drífa sig af stað ;)

Já Steingrímur! Ég get bent honum á þá staðreynd ef hann ætlar að vera með uppisteyt! ;)

[Steinunn Helga Sigurðardóttir, 27.10.2008 kl. 15:04]

það er alltaf gaman að lesa skrifin þín, ég sé tekstan eins og bíómynd.

Kærleikskveðjur til þín

steina

[Hrönn Sigurðardóttir, 27.10.2008 kl. 18:41]

Takk Steina mín og kærleikskveðjur til baka til þín.

Sigurlín! Þú ert ótrúleg!! Þá geta jólin komið til mín.....

[Fanney Björg Karlsdóttir, 27.10.2008 kl. 19:54]

Hrönnslan mín... ég á bókina um Marley... ég lána þér hana með glöðu....

[Hrönn Sigurðardóttir, 27.10.2008 kl. 20:14]

Takk fyrir það Fanney! Ég man þú varst líka að tala um hana.... ;)

[Linda litla, 27.10.2008 kl. 23:24]

Ég sé það að ég verð að taka mig á í göngutúrum og lestri..... á einhvers staðar kuldagalla og meira að segja bókina "Marley og ég". Ætlaði reyndar að gefa hana, en hef ekki ennþá komið mér til þess.

Bestu kveðjur á þig Hrönn.

[Einar Indriðason, 28.10.2008 kl. 08:11]

Hrönn... með þessu áframhaldi... þá verðurðu farin að fá meiri hluta íbúa á suðurlandinu til að:

   - Grafa upp gamla Max/66 kuldagallann sinn úr geymslunni.

   - Stofna gönguhóp.

   - Orðin góðkunningi löggunnar, þegar þú ert með ljónshjartað úti að ganga

   - Búin að snúa sólarhringnum alveg við

   - Og eitthvað fleira.

[www.zordis.com, 28.10.2008 kl. 09:04]

HVAR ER KOMMENTIÐ MITT .... æj djók, ég var ekki búin að finna ryðið í mér eftir rauðvínsþambið í þér.  hahhahaha

Nú er kuldakast á spáni og væri lag að vera svona sexý sex í arkið.  Annars á ég að vera komin í íþróttagallann en sit enn í náttkjólnum sem er mun þægilegri klæðnaður

Lov2jú girl!

[Hrönn Sigurðardóttir, 28.10.2008 kl. 10:51]

Einar! Þú segir það eins og það sé eitthvað slæmt.......?

Bestu kveðju til baka á þig Linda

Zordis! Farðu í fleiri náttkjóla og arkaðu svo af stað. Pís2jú

[Ásthildur Cesil Þórðardóttir, 28.10.2008 kl. 14:40]

MMM indíjánaeldaður kjúlli hlýtur að vera rosalega góður.  Vonandi er löggan búin að jafna sig eftir hundafárið Hrönn mín  Hér er heldur engin stöð tvo, en ég get horft á Frost, Vallender og jafnvel Columbo í danska sjónvarpinu, og breska þáttinn með löggunni í sveitinni, ferlega góður þáttur, man ekki hvað hann heitir.

[Helga Magnúsdóttir, 28.10.2008 kl. 19:26]

Mátti til með að láta þig vita að sonur minn kom til mín í gær og spurði hvað ég hefði aftur kallað hann um daginn. Mömmusinnardúlludúskur, svaraði ég. Þá sagði hann "Það er nú dálítið smart þegar maður fer að hugsa um það."

[Hrönn Sigurðardóttir, 28.10.2008 kl. 21:00]

heheheh skoh! Það venst ótrúlega...