Hvar varst þú...

....kl. 15:45 þann 29 maí sl.? Er yfirskrift pistils í Héraðsblöðunum í minni sveit. Þar sem Byggðasafn Árnesinga biðlar til fólks um að skila inn reynslusögum um upplifun sína í Suðurlandsskjálftanum!

Ég er að velta því fyrir mér hvort ég eigi ekki að grínast aðeins í sagnfræðingum framtíðarinnar og skila inn eins og einni sögu eða tveimur sem eru alls ekki byggðar á persónulegri upplifun minni af skjálftanum heldur helber skáldskapur út og í gegn? Gæti til dæmis skrifað rómantíker sem á upphaf sitt í skjálftanum og endar illa - svona sem smá frávik við ástarsögur nútímans...... sem fylla allar ungar stúlkur ranghugmyndum um lífið og tilveruna. Svo vakna þær til lífsins bitrar og beiskar um fertugt og skilja ekkert í því hvert líf þeirra fór..... Ganga jafnvel í kvennahreyfingu og kaupa Vikuna til að reyna að finna út hvað eiginlega varð um hamingjuna sem þeim var lofað

Nei!! Þetta er ekki dæmisaga úr mínu lífi! Ég vaknaði miklu fyrr og er löngu komin yfir það

Ég hef líka velt því fyrir hvað fornleifafræðingar framtíðarinnar haldi þegar þeir grafa sig - einhvern tíma í fjarlægri framtíð - niður á beinagrindur nútímans með þráðlausan fjarskiptabúnað á eyranu Það er enginn maður með mönnum nema hann strunsi um götur bæjarins í kvöldgöngu með þennan búnað á höfði, spjallandi hástöfum við mér alls ósýnilega vini og kunningja. Enda stend ég mig oft að því að svara þessu sama fólki fullum hálsi, er jafnvel komin í hávaðasamræður þegar ég uppgötva að yfirleitt - og oftast nær - var ekki verið að tala við mig...... Sem breytir að sjálfsögðu ekki því að ég hef afgerandi rétta skoðun á því sem um er rætt - enda stútfull af skoðunum! Það má ég eiga að ég læt ekki taka mig í landhelgi skoðanalausa Ég er allavega ákveðin í því að láta grafa mig - ekki með hundinum mínum - heldur þráðlausa búnaðinn minn! Kemur líka svo handý inn ef og þegar ég þarf að hafa áríðandi afskipti af ættingjum framtíðarinnar!

Hvað ætli skrefið kosti? Og það sem skiptir kannski meira máli - allavega fyrir mitt bókhaldshjarta - hver borgar?

Friður sé með yður

 

Athugasemdir

[Brattur, 2.10.2008 kl. 21:55]

... og hvernig verður svo grafskriftin; hún átti svo margt eftir ósagt...

[Hrönn Sigurðardóttir, 2.10.2008 kl. 22:01]

Já! ;) Eða.... hún var á leiðinni hingað hvort eð var.....

[Vilma Kristín , 2.10.2008 kl. 23:01]

Hehe, lýst vel á söguna. Ég er sko líka löngu vöknuð og vonandi komin yfir þetta og ekki orðin fertug... en þetta er svo dæmigert!

Hmm, ég var ekki farin að spá í hvað ég ætlaði að láta grafa með mér.. en ég er löngu búin að ákveða að ég vil bleika kistu, enda er ég prinsessa. Og ef ég get ekki fengið bleika kistu þá hvíta með bleikum blómum. Eitthvað svona gleðilegt til að fagna lífinu mínu :)

[Sigrún Jónsdóttir, 2.10.2008 kl. 23:46]

Þeir segja að við þurfum ekki að hafa áhyggjur af reikningum þarna hinu megin.

Þú bregst ekki Hrönn, alltaf jafn gaman að kíkja hér við

[Fanney Björg Karlsdóttir, 2.10.2008 kl. 23:49]

ahahah.... líst vel á hugmyndina.... taka eina "Snjólaugu Braga" á þetta bara.......

[Birna Dis Vilbertsdóttir (IP-tala skráð) 2.10.2008 kl. 23:54]

 hvíl í friði með handfrjálsann

[Ólöf Anna , 3.10.2008 kl. 00:00]

líka rosa gott að vera með handfrjálsan búnað og síma ef maður væri óvart grafin lifandi

[Solla Guðjóns, 3.10.2008 kl. 01:33]

Ég veit hvar ég var.

Ég treysti því að þú komir með þína eigin ástarbrallarsögu úr iðrum jarðar.....  

ég vil helst fá að heyra þig spinna hana núna.......

Ætli þessi háþróuðu kjaftatæki......já ég segi nú bara eins og þú ég hef lennt í hrókasamræðum við mann .....sem var í því að gefa mér bendingar og snú sér frá mér......að lokum sagði hann ." hey Helgi Solla er með munnræpu hérna" og ég þessi græna .."HAA hvar er Helgi......?

[www.zordis.com, 3.10.2008 kl. 07:32]

við verðum komin með samskipta "chip" í heilann og þurfum ekki á þessum skrítnu tækjum að halda.  Þjóðar brotin verða skrítnari og furðulegri eftir því sem líður.

Smelltu í eina úrvalssögu og ekki spara innihaldið!  Hlakka til að lesa þig kona.

[Hrönn Sigurðardóttir, 3.10.2008 kl. 11:08]

Samskipta chip!! Já auðvitað..... Þá get ég líklega hent listanum sem ég var að útbúa um hvað ég þyrfti að taka með yfir

[Dísa Dóra, 3.10.2008 kl. 13:14]

Ætli sé nokkur hætta á að maður gleymi hvar maður var - tja mætti þá allavega skrá mig heilabilaða ef það gerðist

Hmmmm hef nú barasta aldrei spáð í hvað ég vilji hafa með mér í kistuna - enda held ég að ég verði nú að hugsa ehv annað á þeim tímamótum