Ég á mér draum!

Ég ætlaði út í búð og í bókasafnið eftir vinnu!

Áður en ég vissi af var ég hinsvegar komin í Englavíkina og búin að fylla alla vasa af grjóti........Svona getur lífið nú verið fullt af óvæntum uppákomum - enda veit maður aldrei  hvenær maður lendir í fellibyl og þarf á öllum sínum grömmum að halda Úr því að ég var komin alla þessa leið - eftir svo ógreiðfærum vegum að þegar ég kom að skilti þar sem stóð að hámarkshraði væri 50 km/pr. klst hefði ég auðveldlega getað bætt 100% við hröðunina og samt verið lögleg........

Ég stóð heillengi og hugsaði um..... fólk á meðan ég starði á brimið sem var svo stórkostlegt að ég var gjörsamlega bergnumin! Ég tæmdi algerlega hugann - og áður en ég vissi af var hjartað farið að slá í takt við ölduna. Þungt og markvisst og það eina sem ég heyrði var brimaldan sem fyllti hugann! 

Ljónshjartað var ekki lítið ánægður með breytta ferðatilhögun og vissi ekki í hvaða fót hann átti að stíga! Þarna var fé á fæti sem hann telur sig eiga eins og það leggur sig síðan Bóndinn hennar Fanneyjar leyfi honum að reka úr túnfætinum í sveitinni! Hann velti því fyrir sér drykklanga stund hvort hann ætti að þeysast af stað á eftir sauðunum en ákvað svo að fylgja mér frekar! Enda er ég miklu skemmtilegri en hver meðalkind

I believe in angel............ söng Abba á fullum styrk þegar ég lagði af stað áleiðis heim! Ég get enn séð fyrir mér brimið og öldurótið..... þegar ég kom heim sá ég hinsvegar að brimið var enn á gleraugunum! Ekki að furða þótt ég hafi verið í svona miklum tengslum

Athugasemdir

[Jenný Anna Baldursdóttir, 18.9.2008 kl. 22:04]

Þú ert náttúruskáld kjéddling.

En rosalega geturðu verið furðuleg í ferðum.

Ferð eitthvað út í brjálað brim.

Úff.

[Hrönn Sigurðardóttir, 18.9.2008 kl. 22:13]

Svandís! Ég hugsaði til þín þegar ég beygði í átt að Englavík og datt í hug - en ekki fyrr en þá að ég hefði átt að bjóða þér með!

Tek þig með næst!

Jenný! Ég veit! Ég get ekki einu sinni stólað á sjálfa mig! Nú sit ég svöng og hrakin með ekkert að lesa - en sátt!

[Anna Einarsdóttir, 18.9.2008 kl. 22:35]

Náttúrubarn. 

[Vilma Kristín , 18.9.2008 kl. 22:47]

Gaman þegar maður leyfir lífinu að leiða mann svona áfram, þá getur maður dottið í lukkupottinn eins og þú hefur klárlega gert í dag með þessari gæðastund!

[Linda litla, 18.9.2008 kl. 22:48]

Elska brimið og ´sjávarniðinn. Það er svo gott að sitja, slaka á og hlusta á sjóinn. Best ef að maður er bara einn.

Góða nótt mín kæra.

[Fanney Björg Karlsdóttir, 18.9.2008 kl. 22:50]

Ég þarf endilega að húkka far með þér næst þegar þú ferð í Englavíkina.... mig bráðvantar nebbla steina.....er að léttast þessa dagana......muuuhahahah.....

[www.zordis.com, 19.9.2008 kl. 00:04]

Og ég sem ætlaði að blöffa þig í vaðferð þangað á morgun....

Það er ekkert betra en góð tenging við náttúru og hennar vætti. 

[Birna Dis Vilbertsdóttir (IP-tala skráð) 19.9.2008 kl. 00:30]

Góð tengsl  og djúp

[Brynja skordal, 19.9.2008 kl. 00:39]

þarf ekki að labba langt hef brimið nánast við gluggan en verst að ég sé ekkert út um þá lengur fyrir seltu  hafðu ljúfa helgi Elskuleg

[Katrín Snæhólm Baldursdóttir, 19.9.2008 kl. 18:10]

Það er svo sem auðvitað að þú haldir afram að fjúka yfir heiðar og út á haf kona góð....það er alltaf svo gott að láta sig fljóta eitthvert sem hjartað býður. Góðar gjafir sem bíða manns þar.

kærleikskveðja og takk fyrir síðast. 

[Ragnheiður , 19.9.2008 kl. 20:40]

Þú ert sérfræðingur og mestasta uppáhaldið mitt...

Mér tekst líka að vera meira og minna steinblind þegar ég er að gá ofan í pottana með lesgleraugun á nefinu.

[Heiða Þórðar, 19.9.2008 kl. 23:17]

[Bergljót Hreinsdóttir, 19.9.2008 kl. 23:21]

[alva (IP-tala skráð) 20.9.2008 kl. 01:12]

Sjórinn er rosalegur!!

[Hrönn Sigurðardóttir, 20.9.2008 kl. 10:03]

Ragga þú ert líka uppáhaldið mitt!

Takk Katrín og sömuleiðis

Fanney! Vertu með marga vasa! Það eru flottir steinar þarna!!

Svana geri það!

Smjúts á ykkur allar