Grátandi lömb og jarmandi börn....

....eða var það hinssegin?

Vaknaði í býtið við sms frá Möggu þar sem hún kvaðst mundu verða fyrir utan hjá mér eftir klukkutíma í pollagalla! Ég sippaði mér fram úr og fór í minn pollagalla svo við værum nú í stíl - enda ausandi rigning úti Keyrðum síðan sem leið lá í réttirnar.

Þar var múgur og margmenni og mátti varla á milli sjá hvort var fleira af fólki eða fé. Ég tók gommu af myndum - ég sá svo marga sæta stráka sko..... sá líka nokkrar sætar stelpur en einhverra hluta vegna get ég ekki sett inn myndir núna! Heppin þar Ellen!!

Kom svo heim um hádegi og bakaði súkkulaði croissant a la Nigella. Náði einhvern tíma í endann á einum þætti hjá henni þar sem hún var að leggja lokahönd á þannig bakstur og síðan hefur mig eiginlega svotil óslitið langað í svoleiðis Ég svindlaði nú vitaskuld og keypti smjördeigið tilbúið til notkunar.... veit ekki hvort Nigella gerði það líka en mér þykir það ekkert ótrúlegt! Mér hefur sýnst svona í gegnum tíðina að hún sé - eins og ég - ekkert að flækja hlutina óþarflega mikið...... Enda báðar í fyrsta flokki!! - Þarna er ég ööööörlítið undir réttarfarslegum áhrifum

Sat svo og las blöðin í fyrsta skipti í hálfan mánuð á meðan ég maulaði á góðgætinu og drakk kaffi með allt þar til mér svelgdist allsvakalega á! Ég kom að frétt um manninn þarna sem stakk Pólverjann og stakk svo af úr landi! Þar var talað við Björn Bjarnason og Stefán Eiríksson lögreglustjóra á höfuðborgarsvæðinu sem var verulega önnum kafinn að koma sökinni á einhverja undirmenn sína! Gott að þiggja laun sem yfirmaður en þurfa enga ábyrgð að taka sem slíkur!! 
Þar sannast enn og aftur hið forkveðna að ekki eru allir yfirmenn góðir menn og góðir menn eru ekki allir yfirmenn! Náttúrulega bara mest lýsandi fyrir þeirra eigins karaktera en þeir eru bara svo sorglega margir svona!! Sveiattan Einar Áskell hvað ég var fussandi hneyksluð. Ég jafnaði mig samt fljótlega eftir að ég fékk mér annan bita af croissantinu og fletti blaðinu þar til ég sá mynd og viðtal við "konuna hennar" Gurríar  sem er staðráðin í að aðlagast Skagamönnum - hvernig sem það nú er hægt

Ég hef enga fordóma gagnvart fólki utan af landi! Sumir af mínum beztu landsbyggðamönnum eru vinir

Athugasemdir

[Brattur, 13.9.2008 kl. 16:47]

... heldur þú að það væri ekki ráð að senda BB bita af súkkulaði croissant og sjá hvort hann lagist eitthvað við það... en, nei annars... ég held honum sé ekki viðbjargandi... eigðu bitann bara sjálf...

[Þröstur Unnar, 13.9.2008 kl. 17:13]

Þú Leggur þig fram um að vera réttarfarslegur rugludallur.

Bonjour........

[Þröstur Unnar, 13.9.2008 kl. 17:15]

ps:

I saw this recipe on Nigella Express recently and have been dying to try it. It’s not something for the diet concious but is completely delicious.

 2 stale croissants
100g caster sugar
30ml water
125ml double cream
125ml full cream milk
30ml bourbon
2 eggs, beaten

1. Preheat oven to 180 degrees celsius

2. Tear the croissants into pieces and put in a small gratin dish.

3. Put the caster sugar and water into a saucepan, and swirl around to help dissolve the sugar before putting the saucepan over a medium heat.

4. Caramelise the sugar and water mixture by letting it bubble away, without stirring, until it turns a deep amber colour. 

5. Turn down the hear to low and add the cream and whisk in the milk and bourbon.  Any solid toffee that forms in the pan will dissolve easily if you keep whisking over low heat.  Take off the heat and, still whisking, add the beaten eggs.  Pour over the croissants and leave to steep for 10 minutes before placing in the oven for 20 minutes

[Anna Ragna Alexandersdóttir, 13.9.2008 kl. 17:36]

[www.zordis.com, 13.9.2008 kl. 17:48]

Ég hef alveg sloppið regn í þessari hringför minni um landið.  Ég rétt slapp inn í hús þegar það byrjaði að rigna í borg óttans!

Ætla að kíkja í Perluna á morgun og tjékka á regngalla.

[Kristín Katla Árnadóttir, 13.9.2008 kl. 17:49]

[Hrönn Sigurðardóttir, 13.9.2008 kl. 19:31]

Spurning gisgis..... Held samt að ég tími því ekki

Þröstur!! Þetta er allt of mikið vesen........ Er þetta uppskriftin sem ég sá?

.....Eins og þú vitir það? 

Anna Ragna

Zordis! Tekur því nokkuð úr þessu.......

Katla!

[Jenný Anna Baldursdóttir, 13.9.2008 kl. 19:31]

Þú ert ógissla fyndin stundum túttan þín.  Hahaha.

Ég vil svo minna þig á að þú getur af tæknilegum ástæðum ekki sippað þér fram úr rúminu en þú getur sippað þér UNDAN því.

[www.zordis.com, 13.9.2008 kl. 20:17]

Hot nýja myndin þín!!!!

Sennilega tekur því ekki að næla sér í hlífðargræju en er með stífa dagskrá, Perlan ... Gerðubergið og Ráðhúsið!

[Vilma Kristín , 13.9.2008 kl. 20:38]

Mmmm, súkkulaði croissant, hljómar vel... kannast við svona löngun að apa eitthvað eftir sjónvarpskokkum án þess að hafa alveg uppskriftina ;) enda hver þarf einhverja óþarflega flókna uppskrift þegar er hægt að gera þetta á einfalda mátann?

[Hrönn Sigurðardóttir, 13.9.2008 kl. 21:03]

Bara stundum Jenný?

Þeinkjú Zordis og gangi þér vel! Sé ekki fram á að komast á þessa sýningu!! Eins og mig langaði þó! Bíð helspennt eftir segulómminniskubbum frá þér

Vilma! Segðu!! Algjör óþarfi að vera að gera sömu hlutina oft! Þarna er einhver búinn að baka þetta fína smjördeig!! Eitthvað sem ég get allsekki!! Ég held líka enn að Þröstur hafi skáldað þessa uppskrift! Jafnvel dreymt hana.......

[Birna Dis Vilbertsdóttir (IP-tala skráð) 13.9.2008 kl. 22:13]

UMMMMMMMMMMMMMMM súkkulaðieitthvað

[Unnur R. H., 13.9.2008 kl. 22:37]

jamm sammála Birnu hemmm

[Solla Guðjóns, 13.9.2008 kl. 22:47]

Hittir þú enga svona ekta sveitavarga..?

Það er hægt að losna við allt vesen(nema að sópa(á eftir)) við að baka súkkulaði croissant.....þau fá frosin tilbúin í ofinn.......BINGÓ.

Og takk fyrir síðast

[Solla Guðjóns, 13.9.2008 kl. 22:48]

SkO.....FáSt....

[Fanney Björg Karlsdóttir, 13.9.2008 kl. 23:58]

...og enn bakar hún góðgæti...... mmmmmm

[Anna Einarsdóttir, 14.9.2008 kl. 10:40]

Allar Hrönnslur eru góðar konur og góðar konur eru allar Hrönnslur...... já, eða langflestar.  Þú ert alltaf í svo skemmtilega góðu skapi.   

[Bergljót Hreinsdóttir, 14.9.2008 kl. 11:08]

Uhmmm....laaaangar í svona súkkulaðinammi.....eeeelska súkkulaði....

Mér finnst einmitt snilld að kaupa bara smjördegið...sko...þá veð ég ekkert yfir verksvið smjördeigsgerðarmannsins....smelli bara súkkíinu í...sem súkkulaðikallinn er búinn að fá vinnu við að búa til....rúlla upp í horn og baka....og fæ ilminn um allt hús....namminamm....sem svo utanaðkomandi sem finna lyktina ímynda sér svo að tilheyri verksviði alvöru húsmóður....svona myndarlegri...eins og ég er sko.....

Ég var að spekúlera hvort ég tilheyri svona landsbyggðafólki.....þar sem ég bý ekki í borginni sem aldrei sefur...þá gæti ég nebbla verið vinur þinn....

[Helga Magnúsdóttir, 14.9.2008 kl. 15:44]

Ég þekki ekki kjaft sem býr lengra úti á landi en í Hafnarfirði.