Rútínan

...tekin við! Sem er gott

Það var svartamyrkur og álfarnir sváfu englasvefni þegar ég gekk um skóginn með vitleysingana á heimilinu. Ég setti þau bæði í endurskinsvesti - þannig að þau litu út eins og lögregluhundar á vakt- á meðan ég þræddi stíginn í myrkrinu algjörlega varnarlaus! Eins gott að það var enginn á ferðinni Enda er nú fyrir mestu að þau álpist ekki fyrir bíl - það er nefnilega frekar þannig að bílar álpist fyrir mig.....

Svo tók sundleikfimin við, þar sem ég hamaðist eins og veðurviti í norðaustangarra og flissaði  frekar ódömulega þegar Ásdís ítrekaði að við ættum að passa okkur á því að hafa rassinn fyrir aftan bak... Bætir - hressir - kætir! Var það ekki slagorðið fyrir opal? Passar vel fyrir sundleikfimina líka - gæti komið í staðinn fyrir bláan opal

Nú sofa hundar eins og hráviði um víðan völl - annar undir ofni og hinn út við hurð! Allt er í dúnalogni og ég er farin að vinna. 

Þakka þeim sem hlýddu

Athugasemdir

[Jenný Anna Baldursdóttir, 11.9.2008 kl. 09:24]

Er ekkert verið að skríða undir rúm á vinnutíma?

Þetta hlýtur að vera eitthvað form að sjálfspyntingu að rjúka út í bítið með hundana.

Burrrrrrrrrrrrrrr

[Hrönn Sigurðardóttir, 11.9.2008 kl. 09:29]

Ja sko Jenný ef svo væri þá hefði ég vit á að tala ekki um það

Hallgerður! Skemmtileg minning

[www.zordis.com, 11.9.2008 kl. 10:03]

Meiri dugnaður í þér hversdagskona!

Mætti ég biðja um eitt stk. bláan Opal

[Dísa Dóra, 11.9.2008 kl. 10:33]

hehe rassinn fyrir aftan bak já - hmmmm verður maður að fara að laumast til að kíkja á ykkur í vatnsleikfiminni??!!

[Sigrún Jónsdóttir, 11.9.2008 kl. 10:36]

Þetta ættu að vera einkunnarorð síðunnar þinnar; 

Hrönn Sigurðardóttir, Bætir, hressir og kætir

[Helga Guðrún Eiríksdóttir, 11.9.2008 kl. 10:58]

-Er ekki hundurinn undir ofninum eins og ensk pylsa? Hlýlegt.  

[Vilma Kristín , 11.9.2008 kl. 11:32]

Hmm, þessi sundleikfimi hljómar spennandi...

[Linda litla, 11.9.2008 kl. 12:07]

Blár opal..... myndi ekki neita honum.

[Helga Magnúsdóttir, 11.9.2008 kl. 12:47]

Um að gera að hafa rassinn fyrir aftan bak. Hann fer svo illa á bringunni.

[Hrönn Sigurðardóttir, 11.9.2008 kl. 13:25]

Já Helga það er voða notalegt að hafa hlutina á sínum stað...... rassinn fyrir aftan bak, munninn fyrir neðan nefið....

Linda! Blár opal var góður!

Vilma! Sundleikfimi er allra meina bót!

Helga Guðrún! Ekki nóg með það að ég sé hot - heldur er ég með hot dog!!

Takk Sigrún

Dísa Dóra! taktu þá með þér myndavél

Zordís! Blár opal? Coming up... Hvað gerir maður ekki fyrir vini sína?

[Brynja skordal, 11.9.2008 kl. 16:14]

það er svo mikill dugnaður í þér kona að þú snýrð þér hægri/vinstri á myndinni ja hérna geri aðrir betur En blár ópal dí svo góður en nú drekk ég hann bara í vökvaformi sem snaffs jammí

[Anna Ragna Alexandersdóttir, 11.9.2008 kl. 16:50]

Átt þú góðan dag.

[Hrönn Sigurðardóttir, 11.9.2008 kl. 17:07]

hehehe hvernig finnst ykkur þessi prófíll?

[Bergljót Hreinsdóttir, 11.9.2008 kl. 18:06]

Þú ert einhvern veginn öðruvísi...kannski sundleikfimin spili þar inní...og þetta með rassinn...hmmm...en af hverju fær maður ekki lengur Bláan Ópal...hann bætti mig mest...hressti og kætti....

[Hrönn Sigurðardóttir, 11.9.2008 kl. 18:35]

Hann grætti mig nú...

[Anna Einarsdóttir, 11.9.2008 kl. 20:06]

Fín mynd. 

Og takk fyrir að þakka mér....... ég hlýddi. 

[Hrönn Sigurðardóttir, 11.9.2008 kl. 20:43]

Loksins!! Einhver sem sagði að ég væri fín!! Takk - ég er búin að vera að bíða eftir þessu í allan dag.

Og loksins einhver sem hlýddi mér líka....... Jiii hvað ég er ánægð með þig! Spurning hvort þú verður ekki valin heiðursbloggari dagsins? 

[Brynja skordal, 11.9.2008 kl. 21:48]

Hélt nú að það væri augljóst mál og ekki þyrfti að taka fram hversu flott myndin er af þér kona flottur prófíll þar hefuru það hafðu ljúfa nótt Elskuleg

[Hrönn Sigurðardóttir, 11.9.2008 kl. 21:58]

Þakka þér Brynja Auðvitað vissi ég það............

[Brattur, 11.9.2008 kl. 22:10]

... er þessi sundleikfimi fyrir alla aldurshópa?... og er það ekki Maltið sem gefur hraustlegt og gott útliti og bætir meltinguna...? Malt og Opal saman... hvernig lítur maður út eftir slíka máltíð?

Og varðandi hann Axel Thorsteinsson sem las Lundúnarfréttir kl. 7 á morgnanna... þá var ég alltaf viss um það í den að hann vaknaði fyrstu allra landsmanna... og mikið rosalega var hann syfjulegur í röddinni... ég bara sofna á staðnum þegar ég hugsa um þessa rödd...

[Guðný Anna Arnþórsdóttir, 11.9.2008 kl. 22:21]

(mér finnast broskallar ekkert plebbalegir .... eða þannig)

[Hrönn Sigurðardóttir, 11.9.2008 kl. 22:24]

Sundleikfimi er fyrir alla! Konur og kalla. Krakka með hár og kalla með skalla!! Malt og opal............ afar varasamt mundi ég telja.......... Ég man ekki eftir þessum Axel - enda er ég þetta yngri en þið mér fannst bara minningin góð hjá Hallgerði!

Ég veit Guðný Anna! 

[Einar Indriðason, 11.9.2008 kl. 22:26]

Malt, appelsín, og blár ópal.  Nú, eða tópas.  Og sundleikfimi.  Hljómar sem bannvæn blanda.... full af ... loftbólum.... Þá þarf sko ekkert að æfa sundið... bara láta þrýstingstúðurnar knýja sig áfram....

Jammí!

[Hrönn Sigurðardóttir, 11.9.2008 kl. 22:29]

Algjörlega Einar

[Steingrímur Helgason, 11.9.2008 kl. 22:40]

Ég vil fá bláann ÓPAL !

*hágrátzbrozkall*

[Hrönn Sigurðardóttir, 11.9.2008 kl. 22:42]

Zteingrímur! Komdu bara í sundleikfimi - jafngildir einum pakka af bláum..... eða tveim ;)

[Heiða Þórðar, 11.9.2008 kl. 23:15]

EYDDIRÐU ÚT COMMENTINU MÍNU!!!!!!!!!!!!!!!!!!?

[Tína, 12.9.2008 kl. 06:16]

Mér finnst þessi mynd mikið betri en hin og bara virkilega góð. Gaman að hitta þig á krúsinni í gær dúllurassinn minn. Enda með skemmtilegri konum sem ég þekki. Eins og ein sagði hér örlítið ofar að þá kætir þú, hressir og bætir.

Þú ert bara einfaldlega ÆÐI. Höfum ekki fleiri orð um það.

Þrusukram á þig.

[Hugarfluga, 12.9.2008 kl. 18:08]

Ég er ekki frá því að þú bætir mig, hressir mig og kætir mig. Ég er heldur ekki frá því að rautt klæði þig.

[Fanney Björg Karlsdóttir, 12.9.2008 kl. 20:34]

Ég hef aldrei vitað annað eins.... hvernig er hægt að fara fram á að maður hafi rassinn fyrir aftan bak..... lærði konan ekki líkamsbyggingu í skólanum..... eða var hún í skóla á Se......  og í þeim töluðu orðum bít ég í tunguna og bið þig vel að lifa....

ps.... flottur kjóllinn sem þú varst í í dag....

[Hrönn Sigurðardóttir, 12.9.2008 kl. 21:29]

Takk

[Huld S. Ringsted, 12.9.2008 kl. 21:45]

Æðisleg nýja myndin af þér

[Hrönn Sigurðardóttir, 12.9.2008 kl. 21:56]

Jii þetta endar með því að ég verð feimin..... Takk