Röð og regla!

Ég var að velta því fyrir mér áðan í röðinni í Bónus af hverju ég þurfi endilega að fara eftir sömu reglum og allir hinir? Af hverju er mér ekki hleypt fram fyrir alla og afgreidd fyrst? Veit ekki þetta fólk hvað minn tími er dýrmætur? Miklu dýrmætari en þeirra tími?

Svo þegar ég var á leiðinni heim - á bílnum -  ég kom sko við í Bónus á leiðinni heim úr vinnunni...... Þá fór ég aftur að velta því fyrir mér af hverju ég þyrfti að fara eftir sömu umferðarreglum og allir hinir í umferðinni! Af hverju mátti ég ekki bara keyra eftir gangstéttinni þennan spöl heim? Það var hvort sem er enginn þar.......

Mikilmennskubrjálæði? Ég gæti verið frænka margra fyrrum borgarstjóra í Reykjavík og hefði bara hreint ekkert fyrir því Það rennur enda blátt blóð um æðar mér síðan Kong Christian stórafi minn reið hér um fyrir margt löngu! Svo blossar það svona upp öðru hvoru - með þessum afleiðingum

Á morgun þarf ég að vakna eldsnemma og bruna í bæinn til að hlaupa í Reykjavíkurmaraþoni Glitnis - Hlakka ótrúlega mikið til! Að hlaupa alltsvo - ég vakna hvort sem er alltaf.......

Fílgúd

Athugasemdir

[Heiða Þórðar, 22.8.2008 kl. 19:06]

Dísess þú ert orðin einsog sumir -ofvirk á blogginu!

Ég hef ekki undan að kíkja hér við!

Veistu annars ekki hvað þetta fer illa með puttana ha? Og við sem ætluðum að prjóna.

Þú ert æði og hraun og njóttu þín í botn í kvöld dúllukerlingin mín

[Hrönn Sigurðardóttir, 22.8.2008 kl. 19:14]

heheheh verð að skrifa það um leið og mér dettur það í hug! Annars gleymi ég....

....aldurinn - sjáðu til

[Ragnheiður , 22.8.2008 kl. 19:15]

Vaknar hvort sem er alltaf ? Það er líka eins fallegt !!

[Jenný Anna Baldursdóttir, 22.8.2008 kl. 19:32]

Sumum finnst þú svakalega skemmtileg

Ég held að ég sé að elliglöp á byrjunarstigi séu að hrjá mig.

Ég er orðin gleymin.

Djöfull fær ég appelsínuguluna þegar ég lít hérna við.

[Hrönn Sigurðardóttir, 22.8.2008 kl. 20:25]

Ég veit Jenný! Ég skal breyta aftur bráðum........ ;)

Já Ragga! Segðu!! 

[Þröstur Unnar, 22.8.2008 kl. 21:23]

Halló..............var ég ekki búinn að kvarta yfir þessari gulu slikju hjá þér, og af hverju hlýðirðu mér ekki........en bara Jenný sinni.

Þoli ekki óþekka krakka.......

Ætlarðu að hlaupa í bæinn ef þú vaknar hvort sem er.

[Hrönn Sigurðardóttir, 22.8.2008 kl. 22:11]

Já.... smá upphitun

[Steingrímur Helgason, 22.8.2008 kl. 22:57]

Ég er minna fyrir umbúðir en meira fyrir innihald.

Nema náttla hjá jenfólinu ....

[Marta B Helgadóttir, 22.8.2008 kl. 23:03]

Þú ert audda mikilmenni, ættir alltaf að vera afgreidd fyrst. 

[Huld S. Ringsted, 22.8.2008 kl. 23:31]

Viltu þá ekki líka vera fyrst í maraþoninu?? þú ert bara skemmtileg yðar hátign

[Einar Indriðason, 22.8.2008 kl. 23:42]

Ah.... gamla góða útlitið......

Gott.  Halda því svona.  Ekki breyta.   

[M, 22.8.2008 kl. 23:43]

Hlaupi þér vel á morgun

[Sigrún Jónsdóttir, 23.8.2008 kl. 00:02]

Fá ekki allir "GULL" sem hlaupa í Glitnismaraþoni Reykjavíkurborgar

[Tína, 23.8.2008 kl. 06:51]

Ég vissi að ég hefði eignast merkilega vinkonu þegar við fengum okkur kaffi fyrst...... en að vinkonan væri SVONA merkileg datt mér aldrei í hug. Það er mér heiður að þekkja þig yðar hátign. Sé þig vonandi fljótlega yndislegust.

[Hrönn Sigurðardóttir, 23.8.2008 kl. 06:52]

Já Mér þætti vænt um ef þið þéruðuð mig héðan í frá......

[Bergljót Hreinsdóttir, 23.8.2008 kl. 10:20]

Að sjálfsögðu ættuð þér að fá flýtimeðferð á öllum vígstöðvum...og aka um gangstéttir eins og þér óskið....í lögreglufylgd eins og hefðarkona...því það ertu!!!!