Aðalfundur kristilegu bifhjólasamtakanna!

Úti standa cirka 30 mótorhjól! Hér væri hægt að halda aðalfund Fáfnis og úthluta góðgerðarsamtökum veglegum hlut af árgjaldi félagsmanna í anda Brad og Angelinu.......... Það er svo inn að vera góður við þá sem minna mega sín! Ég segi nú fyrir mig að ef ég ætti aur afgangs mundi ég eyða honum í sjálfa mig - og vera snögg að því........ Það vantar líklega í mig aumingjaleguna! Nenni hreinlega ekki að vorkenna fólki og hlusta á hvað það hefur átt bágt í gegnum tíðina! Mér er bara alveg sama...... Þá vitiði það - ef þið finnið hjá ykkur þörf fyrir að trúa mér fyrir hvað þið eigið bágt og ég horfi á ykkur, kinka kolli, og virðist vera að hlusta - þá er ég mjööööög líklega að skipuleggja kvöldmatinn - eða velta því fyrir mér hvernig sambúð Mjallhvítar og dverganna sjö hafi gengið fyrir sig! Spáðu í að búa með sjö dvergum!! Sök sér ef það hefði verið á hinn veginn.....  Sjö ævintýrapersónur með einum dverg! Ég tek það fram að ég hef enga fordóma gagnvart dvergum - sumir af mínum beztu dvergum eru vinir.

En.... aftur að hjólunum! Áttaði mig á því þegar ég horfði á endurkast sólargeislanna af hjólunum að mig langar að hjóla á Þingvöllum bjarta sumarnótt - taka hlykkina á þröngum veginum á góðri siglingu - alein í heiminum........ Snúa svo við og fara til baka á jafnvel aðeins meiri ferð......

Jamm - stutt í glæpagenið - veit samt ekki alveg hvaðan - enda er ég ábyggilega, eins og ég hef svo oft vakið máls á í fjölskylduboðum, tökubarn. Þið áttið ykkur á því - ef löggan bíður mín þarna uppfrá - að ég veit hvar þið eigið heima........

Talandi um mótorhjól - undanfarna daga hef ég hef verið að horfa á eitthvað ljótasta hjól sem ég hef á ævi minni séð! Þvílíkur samtíningur af hinum ótrúlegustu hlutum, allt soðið saman með mjög grófri suðu og viðurstyggilegt á að líta - eða eins og einn orðaði það svo pent - eins og berklasjúklingur hafi ælt yfir það!

Þakka þeim sem hlýddu

Athugasemdir

[Anna Einarsdóttir, 15.7.2008 kl. 22:55]

Hahahaha .  Eru sumir af þínum bestu dvergum vinir ? 

Kjánaprik ertu kona.

[Jenný Anna Baldursdóttir, 15.7.2008 kl. 22:57]

Það er loksins farið að glitta í innrætið eftir ár og hálft á blogginu.  Það tók tímann sinn.

[Hrönn Sigurðardóttir, 15.7.2008 kl. 23:01]

Jamm Anna! Égetsvosvariðþa....... ;)

Jenný! Maður er nú ekkert að fleygja sér útflöttum ;) 

[Ólöf Anna , 15.7.2008 kl. 23:02]

haha berklasjúklingur hafi ælt yfir það. Jedúda mía!!!!!!

[Brynja skordal, 15.7.2008 kl. 23:58]

 Enn eitt kvöldið skemmtiru mér með þínum snildar færslum kona þú ert yndi hafðu góða nótt

[alva (IP-tala skráð) 16.7.2008 kl. 00:09]

sniLLi

[Bergljót Hreinsdóttir, 16.7.2008 kl. 04:11]

Ég skal ekki segja löggunni....en þá verður þú að keyra almennilegt hjól...ekki útælda berklasjúkilingadruslu.....

Knús á dvergana....

[Tína, 16.7.2008 kl. 07:22]

Úfffffff sko ég fyrir mína parta er enn að velta fyrir mér málinu hans Tinna. Þannig að Mjallhvít og dvergarnir verða eiginlega að bíða enn sem komið er. En það kemur að þeim !!

Hafðu það gott í dag darling sem og alla aðra daga 

[Marta B Helgadóttir, 16.7.2008 kl. 08:52]

...sumir af þínum bestu dvergum ..jamms

[Ragnheiður , 16.7.2008 kl. 08:56]

Mér hefur alltaf fundist þetta dvergadæmi ja....ehemm...spes...mér skilst nebblega að ekki sé allt eintóm "smáatriði"

Innrætið er dásamlega heiðarlegt og hreint og beint, það er gott mál enda hver má vera að því að eiga bágt ? Ekki ég amk....

[Hrönn Sigurðardóttir, 16.7.2008 kl. 09:23]

tjah.... það sagði eitt sinn við mig maður - "innrætið er útlitinu verra og er hún þó með ófríðari konum".......... en hann var nú bara að grínast! ..........Held ég

[Ásthildur Cesil Þórðardóttir, 16.7.2008 kl. 10:32]

Hrönn þú ert ÆÐI

[Helga Magnúsdóttir, 16.7.2008 kl. 11:15]

Þú ert algjör skrýtla.

[Kristín Katla Árnadóttir, 16.7.2008 kl. 11:37]

Þú ert nú meiri .............. ætla ekki segja það.

[Halldór Egill Guðnason, 16.7.2008 kl. 13:37]

Þessi færsla verður prentuð út og römmuð inn.

[Fanney Björg Karlsdóttir, 16.7.2008 kl. 13:47]

Þú ert nú meiri Hobbitinn.......

[Hrönn Sigurðardóttir, 16.7.2008 kl. 13:50]

Ég veit Fanney....... ;) En er ekki stundum gott að búa í Hobbitalandi?

[Marinó Már Marinósson, 16.7.2008 kl. 14:00]

Það er fullt af Mjallhvítum út um allt nú til dags.  

[Hrönn Sigurðardóttir, 16.7.2008 kl. 14:22]

Tjah Marinó! Þegar þú segir það........ ;)

[www.zordis.com, 16.7.2008 kl. 17:03]

Ekki gleyma Þyrnirós!

Annars væri ég til í að taka rúnt á þessu forkastanlega ljóta og útælda hjóli!  Hlýt að vera gordjos á því! 

Tökum svo þingvallarúnntin saman, getum farið í kapp og sungið lag!

[Birna Dis Vilbertsdóttir (IP-tala skráð) 16.7.2008 kl. 19:27]

ég á flott mótorhjól svo ekki þarf að æla á það

[Einar Indriðason, 16.7.2008 kl. 22:03]

Hmm... Sagan af Mjallhvíti, segirðu... nú fer ég skyndilega að spekúlera... Ætli Mjallhvít (í sögunni) hafi verið ljóska?

(Ég veit ekki alveg afhverju mér datt í hug að spyrja um þetta... þetta bara datt svona í hausinn á mér.....)

Svo kemur spurningin... Skyldi Mjallhvít hafa þurft að segja oft:  "Æi, ég er með höfuðverk"?

Nei, bara spekúlera.....

[Einar Indriðason, 16.7.2008 kl. 22:04]

Og, alls ekki gleyma að taka Rauðhettu fyrir, þegar þú kafar dýpra ofan í teiknimyndapersónurnar, og ævintýrapersónurnar.......

[Ásdís Sigurðardóttir, 16.7.2008 kl. 22:43]

Þú varst mega skvísa út á hlaði í dag með hundana, þorði ekki að flauta, hélt þú hrykkir yfirum.  Knús

[Hrönn Sigurðardóttir, 16.7.2008 kl. 23:07]

Ásdís! Þú hefðir bara átt að láta slag standa.... Ég hefði örugglega ekki fattað að það væri verið að flauta á mig hvort sem er.....

Einar! Ég skal ekki gleyma Rauðhettu! Spáðu í hlutverkið sem skógarvörðurinn gæti verið í........ En Mjallhvít - Einar - var með kolbikasvart hár, blá augu og mjallhvíta húð... Er langt síðan þú last söguna um hana? Þetta með hausverkinn kemur hinsvegar hvergi fram - ekki fremur en annað sem ég hef áhuga á í þessum bókmenntum

Þórdís! Góður punktur! Maður náttúrulega hlýtur að lúkka vel á svona ljótu hjóli... Annað er ekki hægt! Líst vel á að taka þig með á Þingvallaspan - við gætum sönglað hamingjusamar sitthvora lagleysuna

[Gunnar Páll Gunnarsson, 17.7.2008 kl. 05:41]

Mjallhvít var pjúra ljóska. Ég sá einu sinni teiknimynd (í litum) og þar var hún ljóshærð á hinum staðnum. HA! Þar komst upp um kellu. Bara með litað hár.

[Ólöf Anna , 17.7.2008 kl. 10:57]

heyrðu ef þú kirkir strump hvernig verður hann á litin

[Fanney Björg Karlsdóttir, 17.7.2008 kl. 12:50]

"ef þú kirkir strump....!!!!!  ".... hvurslags eiginlega áhugamál er það...... en ætli hann yrði ekki svona grænblár.............

[Hrönn Sigurðardóttir, 17.7.2008 kl. 13:49]

Gunni Palli! ..... liturinn hefur bara verið búinn...

Ólöf Anna! Ef ég kyrki strump?? Af hverju ætti ég að vilja það??? Gvöð hvað ég er hneyksluð.......... Ætli hann yrði ekki bleikur?

[Ólöf Anna , 17.7.2008 kl. 14:19]

well það kom upp umræða um þetta hérna í vinnunni þar sem flestar teiknimyndarpersónur verða bláar þegar þær eru að kafna en strumparnir eru bláir að upplagi.

Ég mundi aldrei kyrkja strump ekki viljandi  alla vegana.

biðst afsökunar á hneyksluninni var ekki ætlunin að særa blygðunarkinnd þína

[Hrönn Sigurðardóttir, 17.7.2008 kl. 15:09]

[Rebbý, 17.7.2008 kl. 17:44]

strumparnir eru alveg heilagir - fátt skemmtilegra en hlusta á þá upp á dönskuna syngja topp 10 lögin frá 1996 ... á það á geisladisk og fæ kast í hvert sinn sem hann fer á fóninn.

[Einar Indriðason, 17.7.2008 kl. 23:18]

Ætli strumpar verði grænir, ef það er reynt að kyrkja þá?

Rebby... spilaðu þetta síðan afturábak, og gáðu hvort þetta meiki meiri sens svoleiðis?