Þeir hringdu í morgun.....

Ég vaknaði í nótt og var algjörlega sannfærð um að ég væri orðin háð verkjatöflum! Sá fram á að ég þyrfti í framtíðinni að dvelja langtímum saman á stofnunum í köflóttum sloppi og á hræðilegu fæði, til að reyna að venja mig af þessum óþverra! Smátt og smátt tækist mér að vinna bug á fíkninni og myndi í framtíðinni blogga um litlu sigrana.............og þátt köflóttu sloppanna

Ég hef það mér til afsökunar að ég er búin að vera fárveik. Svo veik að ég hef gengið með veggjum og ekki verið rólfær! Þó náði ég ekki svo miklu óráði að ég skrifaði bók, þýddi hana og staðfærði bæði yfir á dönsku og ensku........... eins og hér um árið þegar ég fékk lungnabólguna og þegar ég loksins fékk mátt til að hringja í lækni þá sagði hann: Jáááá komdu eftir þrjá daga ef þú verður ekki orðin betri.....!!

Ég kem ekki upp orði og hef hvorki getað sett ofan í mig vott né þurrt síðan á sunnudag! Þetta endar með því að ég verð há og grönn........ Ég hef lært það í þessum veikindum að ég er efnilegt Bíafrabarn - þau borða ekki nema einu sinni í viku - eða það var mér allavega sagt hér á árum áður og þau borða víst allan fjáran líka - eða svo var manni sagt......... ég væri hins vegar minna efnileg vændiskona - eða gleðikona eins og ég kýs að kalla þær! Get nefnilega ekki kyngt

En - það sem ég ætla að fá einkaleyfi á núna eru verkjatöflur sem innihalda næringu! Sjáiði fyrir ykkur apótekin full af Panódil, Parkodin, Panodil Brus og Magnyl með alls bragðlýsingum? Svo þegar maður kemur, fárveikur og segist ætla að fá verkjatöflur - þá spyr afgreiðsludaman: Já viltu, panodil, parkodin, panodil brus eða magnyl? Og maður stynur upp: Bara Parkodin!  Þá spyr hún áfram: Já viltu með spaghetti bolougnes, tómatsúpu, hamborgara eða súkkulaði? Og ég vel spaghetti. Þá spyr hún: viltu með eða án parmasen?

Spáið í það að vera veikur í apótekinu með valkvíða í ofanálag? Þetta getur þjálfað upp svo margt hjá manni í leiðinni! Þolinmæði til dæmis...........

Hvernig verkjatöflubragð mætti bjóða þér? 

 

Athugasemdir

[Jenný Anna Baldursdóttir, 2.7.2008 kl. 13:19]

Það er ekki það versta sem getur hent fólk að fara á slopp.  Hinsvegar eru þeir meira einlitir og röndóttir.  Vinna heimildavinnunna kona.

Láttu þér svo batna aulinn þinn.

[Hrönn Sigurðardóttir, 2.7.2008 kl. 13:23]

Ég veit.... ég veit! Bætti þessu bara við til að ná þér upp! Hvað þarf eiginlega?

[Fanney Björg Karlsdóttir, 2.7.2008 kl. 13:24]

Æ grey kellingin...... búin að vera lasin..... vissi ekki að það væri svoooona hættulegt að eyða degi með mér....... mesta furða hvað Bóndinn er......... farðu vel með þig rýjan mín.....

[Einar Indriðason, 2.7.2008 kl. 13:52]

Dæmi um valkvíða (fyrir nokkrum árum):

"Ég ætla að fá appelsín"

"Egils eða Sanitas?"

"Egils"

"Plast eða gler?"

"eh... gler"

"lítra eða litla?"

"eh... litla?"

"Taka hana upp?"

"Nei, annars, ætla að fá Kók hjá þér"

"plast eða gler?"

"ARGH!!!!!!" 

[Hrönn Sigurðardóttir, 2.7.2008 kl. 14:14]

Snökkt! Já Fanney.......... ekkert smá hættulegt.... en alveg þess virði

Einar! Þú ert nú eins og bezta verkjalyf

[Steingerður Steinarsdóttir, 2.7.2008 kl. 15:10]

Æ, blessuð kerlingin mín. Megi þér batna sem fyrst.

[Birna Dis Vilbertsdóttir (IP-tala skráð) 2.7.2008 kl. 15:13]

Ég var nú í einlitum bleikum slopp og svo í gulum í denn.Kallarnir í röndóttum.Núna þarf víst hver að mæta með sín náttföt og sinn slopp.Einar góður.Svo núna er hægt að vera eins og tískudrós á slopp

[Sigrún Jónsdóttir, 2.7.2008 kl. 15:36]

Farðu vel með þig skemmtilega kona.  Annars varð ég andvaka í nótt og lagðist yfir "gamlar" færslur frá þér.......þær svæfðu mig ekki, nema síður væri.  Húmor þinn er ómetanlegur.

[Tína, 2.7.2008 kl. 15:56]

 Ég er í hláturskasti hérna! En að sjálfsögðu með dassi af alvarleika þar sem það er ekkert grín að vera svona lasin. Skulum sko ekki gera lítið úr því. Láttu þér nú batna kona góð.

Knús í daginn og komandi nóttu.

[Rebbý, 2.7.2008 kl. 18:32]

farðu vel með þig kona verður að geta kyngt í framtíðinni  annars fara uppáhellingarnar í vaskinn

[Sigga (IP-tala skráð) 2.7.2008 kl. 19:46]

Hahaha fyndin ertu , ég vona að þér batni fljótt.

[Ásdís Sigurðardóttir, 2.7.2008 kl. 20:37]

Þurfa gleðikonur að kyngja meiru en við hinar???  annars ertu dásamleg, frísk sem ófrísk.  Vantar þig aðstoð? ég get verið sjálfvirki heimsækjarinn (Gerfahverfi) og kíkt inn og verið fyndin, allavega reynt það.  Farðu vel með þig dúllan mín og sofðu vel.

[Hrönn Sigurðardóttir, 2.7.2008 kl. 20:43]

Jááááá er þakki Ásdís?

Takk fyrir það Sigga! Hvenær ætlarðu að koma og sækja verðlaunin þín?

Segðu Rebbý!

Knús til baka Tína!

Sigrún!

Birna! Ef það er þannig þá get ég víst ekki mætt.........

Takk Steingerður. 

[Guðný Anna Arnþórsdóttir, 2.7.2008 kl. 21:15]

Dósin mín dásamlega = fáðu þér bara Valerian og rósarunnate, smá konjak og horfðu svo á danska mynd, t.d. Blindende lykter (frekar en lyser) - og allt verður gott. Svoooooooo gott. Miklu betra en Panodil.

[Bergljót Hreinsdóttir, 2.7.2008 kl. 23:39]

...bíddu...getur maður ekki bara pantað á netinu????....haft laaaangan tíma til að ákveða tegund, bragð...lit og lögun...og svo kemur sjálfvirki apotekarinn með góssið og málið er dautt?????...obbobobbobobbobobb...ekki málið....

Batakveðjur þarna austur í sveitina til þín...var í VeraHvergi í dag í blíðunni....með smá hellidembum inn á milli...en það hreyfðist varla jörð.....

[Bergljót Hreinsdóttir, 2.7.2008 kl. 23:40]

..bíddu...getur maður ekki bara pantað á netinu????....haft laaaangan tíma til að ákveða tegund, bragð...lit og lögun...og svo kemur sjálfvirki apotekarinn með góssið og málið er dautt?????...obbobobbobobbobobb...ekki málið....Batakveðjur þarna austur í sveitina til þín...var í VeraHvergi í dag í blíðunni....með smá hellidembum inn á milli...en það hreyfðist varla jörð.....

[Hrönn Sigurðardóttir, 2.7.2008 kl. 23:43]

Nei Bergljót! Ákveða á staðnum hratt og örugglega!! Nei varla en þó....... mér fannst ég finna óvenju marga bæði í dag og í gær - hef samt ekki nennt að fletta þeim upp. Á meðan allt er á sínum stað er ég hamingjusöm - meira þarf nú ekki

[Bergljót Hreinsdóttir, 2.7.2008 kl. 23:46]

...ef ég á að játa sannleikann eins og hann er þá stóð ég nú lengst af í hurðaropinu á eldhúsinu...tilbúin að rýma húsið....er hægt að vera meiri skræfa en það????

[Hrönn Sigurðardóttir, 2.7.2008 kl. 23:48]

hmmmmmmmmmmmmm.....

....nei - held ekki!

[Brynja skordal, 3.7.2008 kl. 01:39]

þú ert nú meiri kellan búinn að vekja alla í húsinu af hlátri eftir þennan lestur En öllu gríni fylgir einhver alvara svooo láttu þér batna

[Steinunn Helga Sigurðardóttir, 3.7.2008 kl. 12:15]

vonandi er þér batnað kæra hrönn !

ég vil helst hafa þær bragðlausar !

knús í krús

steina 

[Helga Magnúsdóttir, 3.7.2008 kl. 14:32]

Fáðu þér heita mjólk með hunangi og koníaki. Er alveg þrælgott og svínvirkar.

[Brynja skordal, 4.7.2008 kl. 12:38]

Hafðu ljúfa helgi mín kæra

[www.zordis.com, 4.7.2008 kl. 16:54]

mínar pillur eiga ad vera sykurhúdadar og oggulitlar!  Kódýmagnýl er svona efnilegasta pillubragd sem ég hef sogid en svoleidis gerir kona bara einu sinni á aevinni.

Knús og kossar og ég maeli med heilli koníak vid upphaf veikinda svo nú er bara ad zrauka mín kaera frauka ..... *hjartakossogknúskallar*