Föstudagskvöld.......

....rauðvín í glasi, afgangar í matinn og afslöppun í gangi! Stefnir í dásamlega helgi!

Búin að fara út að skokka og stóð mig bara nokkuð vel í þetta sinn. Já - Eydís, ég skokkaði miklu meira núna en um daginn Lengri spöla eða segir maður speli? Gosh nú þarf ég að gúggla þetta - hér er spölur um spöl frá speli til spalar? Hér eru spölar um speli frá spölum til spala? Erfitt orð......... Spurning um að nota bara eitthvað annað..........? Ég fór allavega hraðar yfir núna en þegar ég mætti Eydísi um daginn og nennti þessu engan veginn! Sáuð þið hvað ég fór smúþþ út úr þessu?

Ég ætla að hitta Gunna Palla kokk í sundi - ætli það flokkist undir playdate? Vitaskuld er ég að djóka Steina...... Vona að hann verði með Sólina með sér Svo ætlar Sigrún að reyna að koma við hjá mér - jafnvel þótt henni sé sagt að ég sé ávanabindandi! Ætli það sé þá svona þríhyrningur á mér einhversstaðar? Þið vitið.... bannað að keyra ökutæki og önnur tæki sem krefjast fullrar athygli eftir neyslu....... Síðast en ekki síst ætlum við Magga að reyna að komast í göngu um helgina og ef ég þekki okkur rétt þá tekst það! Svo ætlaði ég að reyna að slá heimatúnið, klippa hekkið á Suðurtúninu og taka til heima hjá mér.... Spurning um að aflýsa afslöppuninni sem ég talaði um í upphafi og byrja á einhverju af þessu......... eða ekki!! Aflýsi frekar einhverju öðru - til dæmis tiltekt og slætti!

Muniði eftir laginu.... "Ég hlakka svo til. Ég hlakka alltaf svo til......." Ég er að söngla það núna.....

Athugasemdir

[Guðný Anna Arnþórsdóttir, 27.6.2008 kl. 20:25]

Andskotans jákvæðni erðetta alltaf. Ég mæli með lúr í sófa og að  horfa á eastenders # 3 hvarsemþaðer. Svo eftir það: brómberjasafi með vodka í hlutöllunum þrír vodka og 1 sólberja ..... og hafðu það svo geggjæðislegt. Segi nú bara sisona.

[Anna Einarsdóttir, 27.6.2008 kl. 20:50]

Hvað er rauðvínsglasið eiginlega stórt ? 

[Fanney Björg Karlsdóttir, 27.6.2008 kl. 21:04]

Hvað erum við að tala um margra daga helgi eiginlega.....

[Dísa Dóra, 27.6.2008 kl. 21:26]

hmmmm þarf maður að fara í sund um helgina semsagt?    Hefði nú ekki verið leiðinlegt reyndar að hitta ykkur

[Jenný Anna Baldursdóttir, 27.6.2008 kl. 21:51]

Ég hef þig grunaða um að vera með GLASIÐ frá IKEA sem á að vera vasi en er eins og rauðvínsglas í laginu.  Gott fyrir þá sem vilja drekka eins og mófóar en vilja geta sagst hafa drukkið eitt glas.  Ætti að vita það.

Ég er spölur - spilda - akur -spotti.

Skál og gleðileg jól í tilefni lagsins.

[Huld S. Ringsted, 27.6.2008 kl. 21:56]

Ég myndi aflýsa tiltekt og slætti og halda mig við afslöppun og rauðvínsglas, enda varð ég bara þreytt af öllu sem þú taldir upp

[www.zordis.com, 27.6.2008 kl. 22:57]

Þú ert s.s. Red Hot núna ..... Skrítið orð, það er víst mikið rétt .... speli

[Hrönn Sigurðardóttir, 27.6.2008 kl. 23:04]

Þórdís! Fjólublá er liturinn sem lýsir því bezt.....

Huld! Ég gerði það

Jenný! Eru til svoleiðis glös?? Og gleðileg jól.......

Dísa Dóra! Komdu - það væri gaman að hafa þig með!!

Fanney! Við erum að tala um..... svona laaaanga helgi

Anna! Það er bara lítið og svo er komið grape í það núna Ég er svo mikið fyrir ávextina!!

Hallgerður! Það var eitthvað

Guðný Anna! Þrír á móti tveimur?? Er alveg að leggjast í lúrinn...... 

[Brattur, 27.6.2008 kl. 23:22]

... klipptu hekkið á Suðurtúninu og láttu það duga þessa helgina...