Erlent berg....

"Blaðburðardrengurinn" minn er af erlendu bergi brotinn. Fyrst þegar hann var að byrja að bera út blaðið til mín brosti hann alltaf blíðlega og sagði: "good morning to you" með verulega austur-evrópskum hreim! Hann sagði líka alltaf: " one for you..... and one for you......" þegar hann rétti mér blaðið og aukaauglýsingabæklinginn sem fylgir leiðinlega oft með. Ég þakkaði honum alltaf fyrir með dassi af kulda í rómnum og sendi honum eitt af mínum "hold your distance" brosum. Hann var ekkert obbosslega næmur fyrir þeim - hefur líklega ekki skilið þau - enda, eins og áður sagði, af erlendu bergi brotinn.......

Hann setur alltaf blaðið mjög varlega í bréfalúguna, ef Ljónshjartað er ekki úti á tröppum - áttar sig líklega á því að þá er ég mjög líklega sofandi......... Núna býður hann mér góðan daginn á íslenzku en brosið er alltaf jafnblíðlegt!

Í morgun vaknaði ég mjöööööög snemma. Við Ljónshjartað fórum í okkar venjubundna göngutúr og vorum komin mjööööööög snemma heim aftur. Ég var ennþá hálfsofandi þegar við komum til baka. Sá á klukkunni að ég hafði mjög freistandi einn og hálfan tíma til að leggja mig aftur áður en ég mætti til vinnu og lét það alveg hrikalega eftir mér. Skreið upp í rúm og steinsofnaði. Þegar ég vaknaði aftur sá ég að "drengurinn" hafði tekið til á tröppunum hjá mér. Raðað sópum, sem ég þarf að henda, snyrtilega í eitt hornið. Hann hafði líka tekið blómapottana sem þeyttust til og frá í látunum um daginn og raðað þeim álíka snyrtilega í annað horn. Hann hafði hins vegar alveg látið lykilinn sem ég skildi eftir í skránni eiga sig

Reyniði svo ekki að segja mér að hann sé að teikna kort með hugsanlegum gróðavænlegum húsum til innbrota...........

Ég allavega sendi honum ósvikið bros í hádeginu í dag, þegar ég mætti honum úti á gangstétt og svaraði honum eins blíðlega og ég er fær um þegar hann bauð mér góðan daginn

Lét skrá mig í kvennahlaup á morgun. Magga æsti mig upp í það............ Enda ég meina til hvers að eiga alla þessa hlaupaskó ef ég er bara heima all the time að taka til? Það kostar bara tuð fra Halldóri..........

..... og þarna kom jarðskjálfti - ég skýt á ca. 3.2.......? Viljiði skjóta?

 ....en hey! Vissuð þið að Bubbi Morthens á afmæli í dag?

Athugasemdir

[Marta B Helgadóttir, 6.6.2008 kl. 21:58]

Skráði mig líka í kvennahlaupið  

[Jóna Á. Gísladóttir, 6.6.2008 kl. 22:11]

Ó hvað þetta er krúttlegt. Tek ofan fyrir blaðburðardrengnum.

og reyndar þér og Mörtu líka fyrir kvennahlaupsskráningu. Hvarflar ekki að mér í sannleika sagt að feta í fótspor ykkar

[Hrönn Sigurðardóttir, 6.6.2008 kl. 22:35]

Eigum við að keppa Marta? Og skora á Jónu að taka þátt?

[Jenný Anna Baldursdóttir, 7.6.2008 kl. 00:45]

Ég ætti ekki annað eftir en að fara hlaupa eins og vitleysingur og það án þess að fá greitt fyrir það eða alveg að verða of sein.

Mun reykja og drekka kaffi og hugsa til þín og Mörtu.

[Tína, 7.6.2008 kl. 06:21]

Hvernig er annað hægt en að elska og brosa framan í lífið þegar svona fólk eins og blaðburðadrengurinn verður á vegi manns. Það þarf nefnilega ótrúlega lítið til í rauninni til að bjarga heilum degi.

Varðandi kvennahlaupið þá er ég að hugsa um að taka hana Jenný Önnu til fyrirmyndar með því að reykja, drekka kaffi og hugsa til ykkar allra sem nennið þessu. Því til viðbótar mun ég fylgjast með í fréttatímunum hvort ég sjái ekki til ykkar. Sýna ykkur s.s stuðning í verki skiljiði

[Steinunn Helga Sigurðardóttir, 7.6.2008 kl. 06:35]

ég verð sjálf svo glöð þegar fólk brosir til mín sem ég þekki ekki, og ég get hugsað um það lengi. Brosi þess vegna til annarra þegar færi gefst. stundum er þungan frammi og þá hef ég fyrir því að borsa.

knús í krús

steina 

[Einar Indriðason, 7.6.2008 kl. 08:46]

Mætti kalla svona... "Handahófskennt góðverk dagsins" :-)

[www.zordis.com, 7.6.2008 kl. 09:26]

Duglegust ertu að skella þér í hlaupið !!!  Ég ætla að reyna að hlaupa í laugardagsþvottinum því ég á bara sandala!

Bros getur dimmu í dagsljós breytt, ó já!

[Marinó Már Marinósson, 7.6.2008 kl. 11:54]

Þú hlýtur að vera rosaleg úr því að hann tók til hjá þér á tröppunum, kannski færðu kauða bara taka til inni líka?      Ég kann vel við þennan húmor hjá þér.  Bros gefur svo mikið og segir margt sem er jákvætt.   Endilega haltu áfram að brosa út í annað hið minnsta ef ekki hringinn.   

[Halldór Egill Guðnason, 7.6.2008 kl. 13:06]

Tuðarinn hefði algerlega misst sig, ef hann hefði frétt af því að Hrönnslan hefði ekki dregið svona eins og eitt par af hlaupaskóm fram í dag og skellt sér í kvennahlaupið. Nýbúinn að horfa hér á fríðan hóp kvenna þeytast undan vindinum í Álafosskvosinni og hrein unun að virða fyrir sér skóúrvalið. Var reyndar dulítið að velta fyrir mér hvað ætti að kalla litinn á treyjunum sem þær voru allar í. Einhver með það á hreinu?

[Ólöf Anna , 7.6.2008 kl. 14:26]

liturinn er er fallegur það er nóg Halldór.

Við mútta ætluðum að hlaupa í dag en Nei fröken flensa bankaði uppá svo við erum bara í fallegum bolunum okkar uppí sófa að keppast við hvor okkar verður á undan að losna við flensuna.

En ekki hlaupa á ljósastaur.

[Helga Guðrún Eiríksdóttir, 7.6.2008 kl. 15:05]

Gleðilegan hlaupadag elskan!  

[Hrönn Sigurðardóttir, 7.6.2008 kl. 15:23]

Halldór! Liturinn heitir ömurlegur - ég strengdi þess einhvern tíma heit að láta ekki sjá mig dauða í svona lit........

....var samt í honum í dag - enda sprelllifandi

Einar! .....og ég sem ætlaði með honum í kvöldskóla og allt!

Ólöf Anna! Ég stillti mig....

Marinó! Ég lofa -og ég er rosaleg

Jenný Anna og Tína! Vona að þið hafið reykt almennilega á meðan

Zordís!

Hallgerður og Steina! Blessjútú

Helga Guðrún! Takk

[Brattur, 7.6.2008 kl. 16:20]

Jæja, og hvernig gekk svo hlaupið svo fyrir sig... eða getur maður notað "gekk" fyrir sig þegar talað er um hlaup?

[Ásdís Sigurðardóttir, 7.6.2008 kl. 17:51]

Hæ skvís. Var ekki stuð???  ég var út í Hóteli í gærkvöldi þegar hann kom þessi rétt fyrir 10 og sat svo í stofusófanum í nótt.  Þetta er pínu þreytandi, nú bíð ég bara eftir næsta sem finnst.  Dugleg varstu að hlaupa, kallinn minn sá bolina úti í Nóatúni í gær og sagði að ég mætti aldrei láta sjá mig í svona flík.  Tók hann á orðinu og tók ekki þátt, enda get ég ekki hlaupið.  Knús á þig elskan og vona að þér líði þokkalega.

[Guðný Anna Arnþórsdóttir, 7.6.2008 kl. 18:21]

Geturðu ekki bara fengið blaðburðardrenginn til að hjálpa þér að taka til?

Já, og vissirðu að Bubbi Morthens er að gifta sig í dag? Nú er úti veður vott, ekki á hann Bubbi gott að gifta sig í þessu... (Hef alltaf verið svo einkar orðheppin og snögg með gullaldarljóðin ...)

[Birna Dis Vilbertsdóttir (IP-tala skráð) 7.6.2008 kl. 18:34]

ég kannski hjóla í sund

[Sigrún Jónsdóttir, 7.6.2008 kl. 18:54]

Það hristist hressilega "bergið" okkar þessa dagana, við ættum kannski að huga að innflutningi "erlends bergs" til að fylla í skörðin sem myndast hafa.

Ég hef reyndar verið að bíða eftir viðtölum við útlendinga á jarðskjálftasvæðinu og heyra þeirra upplifun af þessum hamförum en ekki séð neitt.  Kannski sá brosmildi geti svarað því, þótt síðar verði.

[Halldór Egill Guðnason, 8.6.2008 kl. 01:32]

"Af erlendu bergi brotinn" Merkir það að einhver hefur fengið stein í sig í útlöndum og brotnað á einum stað eða öðrum?.....ha Ég hlýt þá að vera af innlendu bergi brotinn, því ég fékk eitt sinn steinfjanda beint í hausinn á mér í gaggó.