Bling og bang

Ég keypti mér, um daginn, forláta hitakönnu í Fríðu frænku. Féll algjörlega fyrir því hvernig sólarljósið glitraði á henni. Já, já ég er ekkert nema hégóminn, jú og nízkan tími ekki að hella kaffinu sem verður afgangs....

Hellti svo uppá kaffi áðan og lögunin varð aðeins of stór fyrir minn vinnustað Ég kippti mér ekkert upp við það og hellti umfram kaffinu, sigri hrósandi, í hitakönnuna og hugsaði mér gott til glóðarinnar. Ætlaði svo að fá mér sopann sem eftir varð núna rétt í þessu.

Mér er lífsins ómögulegt að opna könnuna!! Tappinn sogar sig fastan þegar heitu er hellt í könnuna. Ég geri mér enga grein fyrir því hvort kannan heldur kaffinu heitu eður ei - en hún heldur og það glampar á hana á meðan.

Hvað þarf meira? Gleðilegan þriðja í páskum.

 

Athugasemdir

[Ásdís Sigurðardóttir, 25.3.2008 kl. 16:23]

Ef þetta verður viðvarandi vandamál þá verðum við að kíkja í kaffi til þín og reyna að brjóta könnuna upp 

[Kristín Katla Árnadóttir, 25.3.2008 kl. 16:25]

Eins og  vanalega fór ég að hlæja fyndið með kaffi könnuna

Þú er frábær

[Ásthildur Cesil Þórðardóttir, 25.3.2008 kl. 16:41]

Fliss

[Markús frá Djúpalæk, 25.3.2008 kl. 18:08]

Mér sýndist þú fyrst vera að monta þig af því að hafa keypt forljóta kaffikönnu. Samt forljótt af henni að sitja ein að kaffinu.

[Hugarfluga, 25.3.2008 kl. 18:11]

Tí hí Mynd af könnuskömminni, takk!

[Ragnheiður , 25.3.2008 kl. 18:53]

Ó en er ekki sparnaður í því ? átt kaffið voða lengi og svona

[Hrönn Sigurðardóttir, 25.3.2008 kl. 19:06]

Jú Ragga Það er ákveðinn sparnaður fólginn þar!

Halla! Þar grættir þú mig!!  Afsakið mig á meðan ég skæli......

Markús! Hér er ekkert og ég endurtek og legg áherzlu á ekkert forljótt ;)

[Dísa Dóra, 25.3.2008 kl. 20:07]

híhíhí sé þig fyrir mér að rembast við að ná tappanum af þessari eðalfornkönnu

[Solla Guðjóns, 25.3.2008 kl. 20:26]

OOOOOO ég var óvart að setja saman bullmálshátt um könnuskömmina í færslunni hér fyrir neðan.....

[Birna Dis Vilbertsdóttir (IP-tala skráð) 25.3.2008 kl. 21:08]

hahahahahahahahaha hefði getað verið ég

[Huld S. Ringsted, 25.3.2008 kl. 21:22]

Hahaha Kaffið ætti þá ekki að kólna á meðan! Ég mundi fara með hana fulla af kaffi í þessa skranbúð og skila henni

[Rebbý, 25.3.2008 kl. 21:31]

æj - seinheppnin
en ... satt - kannan er flott og speglast í henni falleg ljós - þarf maður svo mikið meira

[Jenný Anna Baldursdóttir, 25.3.2008 kl. 23:06]

Gamli nirfillinn, mátulegt á þig

Nú er bara að hætta í kaffinu og horfa á könnuna

[Guðný Anna Arnþórsdóttir, 25.3.2008 kl. 23:07]

Það er einhver sérstakur kraftur í kaffinu þínu. Aðdráttarkraftur.

Nú er bara að fá sér Steltonkönnu. Það er málið.

Þetta ráð var í boði einnar sem elskar köflótta hitabrúsa með málinu skrúfuðu oná. 

[www.zordis.com, 25.3.2008 kl. 23:20]

Ég held að þú eigir að taka Alladin strokurnar því guð geislar í könnunni!  Þú hefur gert reyfarakaup og næst þegar ég keyri framhjá þá læt ég það ógert að aka framhjá!

Gott að hafa knúsað þig í alvörunni og geta sent þér ekta sæberknús!

[Marta B Helgadóttir, 25.3.2008 kl. 23:41]

æ það er svo gott að hlæja svona innilega fyrir svefninn, takk!

[Halldór Egill Guðnason, 26.3.2008 kl. 10:40]

Hefurðu prófað að snúa tappanum................................................rangsælis?

[Unnur R. H., 26.3.2008 kl. 10:45]

HAHA já svona getur þetta verið, hefði kannski verið betra að taka generalprufu, svona þegar kaffiþörfin var ekki mikil, kannski;)

[Steingerður Steinarsdóttir, 26.3.2008 kl. 16:20]

Það verður indælt að koma í kaffi til þín. Sannkölluð sparkanna þetta.

[Steinunn Helga Sigurðardóttir, 26.3.2008 kl. 16:50]

skemmtileg eins og vanalega, líka þegar þú skrifar um kaffikönnur.

Blessi þig

steina 

[Róbert Tómasson, 26.3.2008 kl. 22:17]

Ég hef heyrt að arkitektar segi að þegar fagurfræðilegt og hagnýtt gildi stangist á, þá skuli fagurfræðilega gildið ráða... spurning hvort það hafi verið arkitekt sem hannaði þessa könnu .

En endilega ekki hafa áhyggjur, hún skilar nebbnilega kaffinu þegar það er orðið kalt.

[Anna Einarsdóttir, 26.3.2008 kl. 22:32]

Þú ert flott húsmóðir.  Alltaf kaffi á könnunni hjá þér !

[Brynja skordal, 26.3.2008 kl. 23:36]

Skál í kaffi

[Heiða Þórðar, 27.3.2008 kl. 00:36]

óborganleg

[SigrúnSveitó, 27.3.2008 kl. 12:31]

Tek undir með hugarflugunni; MYND takk!!!

Verð að viðurkenna að ég yrði mjög örvæntingarfull ef ég gæti ekki opnað kaffikönnuna...ég er kaffifíkill og ætla ekkert að gera við þeirri fíkn!!!

Knús yfir fjöllin bláu. 

[Kristín Katla Árnadóttir, 27.3.2008 kl. 21:51]

Knús á þig inn í nóttina