Verði vor ;)

Ég er að hlusta á Útvarp sögu... já ég veit, ég hélt líka að Útvarp saga væri bara fyrir gamalmenni og vitleysinga - en ég er greinilega annað hvort

Það er góður þáttur núna, hjá Markúsi, um Eurovision keppnina. Ég er svosem engin öfgafullur aðdáandi keppninnar en gestir þáttarins eru Páll Óskar og ég er einlægur aðdáandi hans, alveg síðan ég bjó í sama húsi og hann, endur fyrir löngu þegar Páll Óskar var feiminn ungur drengur, alltaf boðinn og búinn að aðstoða mig með barnavagninn og innkaupapokana. Agalega indæll drengur hann Páll Óskar. Jú, jú líka góður söngvari og hafsjór fróðleiks um eurovision. Sverrir Stormsker er líka gestur í þættinum - en ég hef aldrei búið með honum

Ég stóð í þeirri trú að vorið væri að koma og klæddi mig af því tilefni í fötin sem ég keypti mér þegar ég átti brúðkaupsafmæli um daginn - en ég gefst ekki upp, ég veit það kemur einn daginn.... vorið alltsvo Ég græddi svo mikið á þessum kaupum að ég bauð vinkonu minni út að borða í tilefni dagsins Mæli með þessu, sérstaklega því að halda áfram að fagna brúðkaupsdeginum þótt einhver heltist úr lestinni

Nú nálgast helgin og ég vona að þið komið til með að eiga góðar stundir

 

Athugasemdir

[Kristín Katla Árnadóttir, 22.2.2008 kl. 17:05]

Þetta er svo fallegt lag sem hann palli syngur. Eigðu góða helgi Hrönn mín

[Markús frá Djúpalæk, 22.2.2008 kl. 17:31]

Góðar og gifturíkar stundir ....

[Ásthildur Cesil Þórðardóttir, 22.2.2008 kl. 17:59]

Þú ert frábær.  Og svo er líka Páll Óskar, það nálægasta sem ég hef komið honum er að frænka hans er eitt af mínum ömmubörnum hún litla Ólöf Dagmar.  En hann er rosalega yndæll.

[Marta B Helgadóttir, 22.2.2008 kl. 19:29]

Páll Óskar er flottur

[Ásdís Sigurðardóttir, 22.2.2008 kl. 20:28]

Palli er krútt það er alveg satt. En hefurðu aldrei búið með Sverri?? synd.

Ég fékk mína flís í dag svo nú erum við konur sem sjáum flísina í eigin auga áður en við tökum nótis af helvítis bjálkanum hjá hinum.  Semsagt dæmum engan.  Knús austurúr.  Ég er í ermalausum bol sem ég festi kaup á í gær kr. 990 í hagkaup hvítur og sægrænn og ég er mega sæt.

[www.zordis.com, 22.2.2008 kl. 21:14]

Gleðilegt Vor ... Ég er líka búin að vera á bikiní í dag!  Svoooo

Út að borða með vinkonu hljómar vel, þótt það sé ekki neitt að borða og smella sér bara á barinn

[Fanney Björg Karlsdóttir, 22.2.2008 kl. 22:13]

þessi diskur hjá honum er allveg snilld.,..... allgjör partybomba....... segi ég og skrifa.........

[Hrönn Sigurðardóttir, 22.2.2008 kl. 23:24]

Jamm Fanney! BOBA.....

Þórdís! Ég var nú kannski ekki aaaaaalveg á bikini.....

Ásdís! Finnst þér ég ekkert krútt?

Páll Óskar er flottur Marta

Smjúts á rest

[Huld S. Ringsted, 22.2.2008 kl. 23:48]

Páll Óskar er alltaf flottur en persónulega hef ég aldrei verið hrifin af honum Stormsker, svo það er kannski allt í lagi að þú hefur aldrei búið með honum

Eigðu góða helgi Hrönn

[Guðný Anna Arnþórsdóttir, 22.2.2008 kl. 23:52]

Þú segir það, kona góð. Hvern veðjarðu á í úrslitin í Ev? Hvað segirðu um Buff & Gröndal? (alias Bing & Gröndal ) Snilldin tær, if you ask me.

[Hrönn Sigurðardóttir, 23.2.2008 kl. 08:28]

Ég þori ekki að veðja á neinn! Hef svo lítið fylgst með keppninni.

[Hugarfluga, 23.2.2008 kl. 11:26]

[Markús frá Djúpalæk, 23.2.2008 kl. 11:29]

Ég er skíthræddur um að þjóðin velji Merzedes Club. Sem er kannski allt í lagi, en kannski ekki magnaðasta tónsmíðin í bunkanum.

[Hrönn Sigurðardóttir, 23.2.2008 kl. 11:36]

Ég er næsta viss um að þjóðin velur það lag! Ætli mitt atkvæði hafi eitthvað að segja? Svona hugsa allir! Þess vegna komast ekki lögin áfram sem mér finnst eitthvað varið í!!

[Markús frá Djúpalæk, 23.2.2008 kl. 12:36]

Hvaða lag finnst þér mest varið í af þeim sem núna eru í boði, Hrönn?

[Hrönn Sigurðardóttir, 23.2.2008 kl. 14:15]

Ok - nú er ég búin að hlusta á öll lögin sem taka þátt í kvöld! Í fyrsta sæti hjá mér er "Don´t wake me up" - Ragnheiður Gröndal er fantagóð söngkona! í öðru sæti er Baggalútur með "Hvað var það sem þú sást í honum...." Það er einhver sveifla í laginu sem kemur mér til, fyrir utan hvað textinn er beiskur "Fullkomið líf" er í þriðja sæti. Það er kraftur í því lagi sem gæti hugsanlega skilað því vinningssætinu í kvöld. "In your dreams" kemur í fjórða sæti hjá mér. soldið svona "Eurovisionlegt" lag. "Ho ho ho we say hey hey hey" Einfaldur texti, ég sé það alveg fyrir mér sem sumarsmellinn á sólarströndu. Söngkonan hefur frekar veika rödd en þeir bæta það upp strákarnir í bakröddunum. Ekki lag fyrir minn smekk þó ég gæti hugsanlega séð mig fyrir mér dansandi við það á reykfylltri búllu í skuggahverfi....

[Steinunn Helga Sigurðardóttir, 23.2.2008 kl. 14:26]

já hann syngur vel, engin vafi á því !!!

Bless til þín á fallegum laugardegi.

steina

[Markús frá Djúpalæk, 23.2.2008 kl. 14:27]

...og restin ... ? ekkert spennandi? Ég er alveg sammála með Don´t wake me up. Það vinnur á við hverja hlustun.

[Hrönn Sigurðardóttir, 23.2.2008 kl. 14:29]

restin er einmitt ekkert spennandi. Veikur söngur, enginn taktur, veik spilun.......

[Solla Guðjóns, 24.2.2008 kl. 17:05]