Blómstrandi blómaþörf

Ég fann hjá mér þörf fyrir að fara í blómabúð í gær! Yfirleitt leggst ég nú fyrir þar til svona langanir líða hjá - en í gær ákvað ég að gefa eftir.

 Afgreiðslukonan setti upp pókerfeis þegar ég spurði um lauka!! Þær eru sjálfsagt ýmsu vanar...... hún sagði mér að á þessum árstíma væri enga lauka að fá en ég gæti keypt fræ. Sem ég og gerði. Bíð nú helspennt yfir pottinum eftir að fyrsti græni sprotinn líti dagsins ljós  Þegar ég var á leið út úr blómunum sá ég ótrúlega skorpnað og hrukkótt plastblóm, gott ef það var ekki meira að segja rykugt. Ég hristi hausinn yfir vitleysunni - hver framleiðir plastblóm sem líta út fyrir að vera við dauðans dyr og um leið og ég sleppti hugsuninni hvarflaði að mér að það gerði náttúrulega ekki nokkur maður! Ég þuklaði á blóminu og komst að því að þetta var lifandi blóm! Ótrúlega ljótt!! Verandi áhugamanneskja um það sem er ljótt, ákvað ég að spyrja konuna hvað þetta blóm kostaði og hvort það héti eitthvað! Hún sagði, orðrétt: "Guðminngóður.....!!" lét mig hafa það á niðursettu verði en vissi ekki hvaða tegund þetta er. Nú stendur það fyrir ofan ofninn hjá mér, nývökvað og er smátt og smátt að rétta úr kútnum.

Verður spennandi að sjá hvernig það lítur út þegar það er orðið frískt!  Einhver sem getur sagt mér hvað svona planta heitir?

 Ofan gefur snjó á snjó! Tók þessa mynd í morgun á milli élja. Arkaði fram hjá einum á afskaplega vanbúnum fólksbíl í morgunsárið. Hann spólaði magnvana og komst hvorki afturábak né áfram. Mér fannst nú svo heimskulegt að láta sér detta í hug að hreyfa svona bíl í þessari færð að ég snéri upp á mig og datt ekki í hug að bjóðast til að ýta honum! Enda búin að gefa út yfirlýsingu um að "Æ dónt læk sillí pípól................"

Það hefur ekkert breyst

Hér fáið þið ljóðabrot um vorið. Sem kemur..........

Ljóselfur rauðar hægt um hvolfið flæða,
hamrana strjúka mjóir geislafingur.
Vaknaðu blómþjóð! Bylgjótt dalalæða
brennur og logar! fugl í kjarri syngur!

Eftir hvern er ljóðið?

pís

 

Athugasemdir

[Steingerður Steinarsdóttir, 7.2.2008 kl. 14:39]

Þetta er úr kvæðinu Sumarmorgunn eftir Ólaf Jóhann Sigurðsson

[Bryndís R (IP-tala skráð) 7.2.2008 kl. 15:10]

Býrðu hjá Bónus? Og kannski þá fyrir ofan hana Önnu Sillu?

[Hrönn Sigurðardóttir, 7.2.2008 kl. 15:18]

Og það var rétt - Steingerður

Jamm Bryndís! Þekkirðu hana - þekktirðu húsið?

[Bryndís R (IP-tala skráð) 7.2.2008 kl. 15:20]

Já ég er að vinna með henni. Og já ég kannaðist eitthvað við húsið. Og þar sem ég veit hvar þú átt heima þá er ekkert því til fyrirstöðu að kíkja í kaffi. Það er að segja ef þú vilt fá mig í kaffi

[Hrönn Sigurðardóttir, 7.2.2008 kl. 15:24]

Ekkert því til fyrirstöðu! Ef þú hefur með þér ís

[Hrönn Sigurðardóttir, 7.2.2008 kl. 17:16]

ahahahah já Svandís! Það er spurning hvort það eigi ættingja í Litlu Hryllingsbúðinni......

[Hugarfluga, 7.2.2008 kl. 17:29]

Ertu alveg að hrynja í elliheimilsgírinn með öllu þessu ljóðaflóði, Hrönn Ljóðmundsdóttir??

[Hrönn Sigurðardóttir, 7.2.2008 kl. 17:33]

 Það styttist óðFLUGA

[Fanney Björg Karlsdóttir, 7.2.2008 kl. 19:16]

sko... þetta er "Þykkblöðungur"... hann er kræklóttur..... svei mér ef þetta er ekki "gnina negni rah"..... ... já sko...maður vinnur ekki í blómabúð fyrir ekki neitt....

[Hrönn Sigurðardóttir, 7.2.2008 kl. 19:20]

héðan í frá nefndur hinn ófríði...........

[Guðný Anna Arnþórsdóttir, 7.2.2008 kl. 21:06]

Þetta er cannibal lecterismus floralis

[Kristín Katla Árnadóttir, 7.2.2008 kl. 21:11]

[Marta B Helgadóttir, 7.2.2008 kl. 21:20]

ha haha örugglega einhver cannibal tegund - looks like it

[Ásdís Sigurðardóttir, 7.2.2008 kl. 23:09]

Þið eruð svo mikill draumur allar saman.  Hrönn þú hefur verið að horfa á plöntudýrið í dag þegar ég gekk framhjá í Bónusleiðangri.  Keypti helling fyrir 3.000 og er bara búin með bollurnar (kjöt)  plantan er flott er hún úr Sjafnarblómum?? ég kaupi bara geri þar sem fröken Bóthildur Glódís elskar lifandi jurtir. Kveðja í austurbæinn.

[Jenný Anna Baldursdóttir, 8.2.2008 kl. 13:23]

Mér finnst þetta fallegt blóm, svo mikið krútt, ekki tala ljótt um saklausar blómasálir, þær eru viðkvæmar.  Mæli ég um og legg svo á að þetta blóm eigi eftir að verða fegurst blóma.  Ásthildur veit örgla hvað það heitir.  Knúsaðu það frá mér.

[Hrönn Sigurðardóttir, 8.2.2008 kl. 14:30]

Ég skal vökva það með hlýhug frá þér Jenný ;)

Örugglega hef ég starað dáleidd á blöðunginn Ásdís ;)

Dúa!!!! Sérðu augun?

Án gríns konur - þetta blóm verður, með tímanum umtalað sem hið fagra ;) 

[Guðjón H Finnbogason, 8.2.2008 kl. 14:47]

Þetta er bráðskemtilegur spuni.