Björn Bjarnason

Það er svo gaman í nýju vinnunni að ég gleymi að hætta, það er nefnilega ótrúlega skemmtilegt að gleyma sér innan um tölur. Hafiði ekki prófað það? Verðið að prufa....... Svo gengur allt upp, allar tölur rúlla á sinn stað og ég krullast upp af hamingju inni í mér - um stund allavega.  Spurning hvort ég láti klukkur hringja á hættutíma, fái kannski gamla KÁ smiðju lúðurinn til að þeyta mér inn í hversdaginn, eftir vinnutíma. Man einhver eftir þeim lúðri? Ég man ég fylltist spenningi, það þýddi að pabbi var búnn að vinna. Þá annað hvort skoppaði maður heim í mat, því þá var mamma alltaf tilbúin með matinn  eða faldi sig, fór eftir hvað ég hafði aðhafst þann daginn...... 

Sofnaði klukkan sjö í gærkvöldi, ég held ég sé verri en gamla fólkið, það vakir þó yfirleitt fram yfir fréttir...... Mér var kalt, ég var þreytt, önug og örg, þannig að ég ákvað að halla mér aðeins undir kodda Vaknaði klukkan fjögur í nótt við að Stubbalingi var orðið mál að míga - og skyldi engan undra. Fór svo aftur upp í rúm og las þar til ég sofnaði - aftur

Er núna á leiðinni í leikfimi - hver sagði að sundleikfimi væri bara fyrir gamalt fólk?  Ég er eldri en gamla fólkið - allavega í gær  Í dag liggur betur á mér, ég hringdi nokkur símtöl svona prívat og persónulega, var dónaleg við þá sem voru ókurteisir við mig og kurteis við hina..... og sjá; Ég boða yður frið og fögnuð, stundum þarf að vera "ákveðinn" 

Á meðan ég man og er vakandi  Vitiði um einhvern sem á hornsófa með tauáklæði og vill losna við hann?

Bígúd doktor fílgúd

Athugasemdir

[www.zordis.com, 23.1.2008 kl. 20:28]

Er einhver purrka í þér ????  Mér finst þú bara ógeðslega dugleg að skella þér í leikfimina .....

Mættu fleiri vera eins og þú, dugleg og hreinskilin!  Kostir sem eru aðdáunarverðir!

[Hrönn Sigurðardóttir, 23.1.2008 kl. 20:31]

 Takk Þórdís! Geturðu mætt fyrir mig í næsta launaviðtal?

[Rebbý, 23.1.2008 kl. 20:41]

hallar þú þér UNDIR koddann kona?  ég sef alltaf á mínum

[Hrönn Sigurðardóttir, 23.1.2008 kl. 20:52]

Það fer soldið eftir hvað er undir koddanum

[Huld S. Ringsted, 23.1.2008 kl. 21:36]

Ég segi enn og aftur, þú mátt koma og kljást við mínar tölur, ég er farin að fá martraðir af tilhugsuninni um þær!  En ertu ennþá vakandi?

[Kristín Katla Árnadóttir, 23.1.2008 kl. 21:46]

Þú er yndisleg Hrönn mín þú ert góð bloggvinkona.

[Hrönn Sigurðardóttir, 23.1.2008 kl. 21:46]

Já Huld! Ótrúlegt hvað maður lafir á þrjózkunni einni saman......

[Hrönn Sigurðardóttir, 23.1.2008 kl. 21:47]

Takk Katla mín

[Ásdís Sigurðardóttir, 23.1.2008 kl. 21:47]

Ég er eins og þú, elska tölur sem stemma ekki en svo skyndilega eins og fyrir kraftaverk tekst manni að láta allt falla saman.  Elska bókhald og vildi helst af öllu geta unnið við slíkt.  Hvað er annars undir koddanum hjá þér þarna í austurbænum?  ég hef aldrei búið nálægt svona lúðrum, nema þá brunalúðrinum heima á Húsavík og ég hataði hann þegar ég var  barn.

[Hrönn Sigurðardóttir, 23.1.2008 kl. 21:48]

Já Ásdís og maður hreinlega krullast upp af hrifningu yfir sjálfum sér og tilverunni

[Ólafur fannberg, 23.1.2008 kl. 22:19]

[Ágúst H Bjarnason, 23.1.2008 kl. 22:25]

Stundum fæ ég alveg nóg af tölum í vinnunni minni... Og svo eru það allar tölurnar á skyrtunni

[www.zordis.com, 23.1.2008 kl. 23:19]

Nefndu stað og stund!  Æll bí ðer!    þarf bara peysuna þína og málið dautt!

[Marta B Helgadóttir, 23.1.2008 kl. 23:19]

Skoppa heim eða fela sig...var búin að gleyma þessari stemningu úr uppeldinu  Takk Hrönnslan að rifja þetta upp.

Þrekið hjá flestu fólki er e-ð minna á þessum árstíma Hrönn mín þegar myrkrið ætlar mann lifandi að drepa. Það er bara allt í lagi að fara að sofa bara þegar maður er þreyttur, fyrir eða eftir fréttir  - eins og hver þarf. Við búum á mörkum hins byggilega heims. Eftir ca 3 vikur er dagurinn orðinn miklu lengri og allir orðnir léttstígari.

[Marta B Helgadóttir, 23.1.2008 kl. 23:21]

...já tölur eru stórskemmtilegar, myndrænar og lifa einhvernveginn sínu eigin lífi líka.

[Jenný Anna Baldursdóttir, 24.1.2008 kl. 10:37]

Tölur og ég: Olía og vatn.  En ég óska þér til hamingju með að ráða við þær.

Ætla að prufa að fara að sofa fyrir fréttir, þessa dagana örgla gott fyrir blóðþrýsinginn.

[SigrúnSveitó, 24.1.2008 kl. 10:45]

Ég segi bara; það er gott að einhver hefur áhuga á þessum tölum...eins og tengdó segir við mig; það er gott að einhver hefur áhuga á að vinna við umönnun... 

Knús yfir fjöll og heiðar. 

[Steingerður Steinarsdóttir, 24.1.2008 kl. 11:27]

Ég hef aldrei getað glaðst yfir tölum en þegar orð raðast fallega saman birtir í sinni mínu.

[Jóna Á. Gísladóttir, 24.1.2008 kl. 20:08]

Takk fyrir að útskýra fyrir mér hvernig fólk meikar að vinna við bókhald

[Halldór Egill Guðnason, 25.1.2008 kl. 09:58]

Á hornsófa, en hann er úr leðri, brúnn. Fæst fyrir ekki neitt annað en að sækja hann. Má ekki bara yfirdekkja?