Dúllerí og drukknuð mús!

Ég var eins og drukknuð mús þegar ég loks komst heim aftur í morgun klukkan rúmlega átta. Þá vorum við Lokharður Ljónshjarta búin að ganga út að kirkju, fá syndaaflausn og ganga til baka í svo miklu roki að ég stóð varla enda hálkan ekki smánarleg á svæðinu. Stúfurinn gekk hlésmegin....

Fór svo í leikfimi og komst að því að þakið á sundlauginni lekur!! How convenient is that?? Var í afspyrnulélegu skapi alveg fram í miðja leikfimi. Þá fann ég endorfínkippina kikka inn. Mæli með sundleikfimi hjá Betu! Svíkur engan - ótrúlega erfitt á köflum og þú kemur alltaf betri manneskja "uppúr"

Það fyrsta sem ég gerði þegar ég kom heim var að kíkja á netið og sjá: "Óveður á Hellisheiði" hringdi strax í alla mína drengi og bannaði þeim að fara yfir Heiðina fyrr en ég segði: "má". Hringdi svo í minn nýja vinnuveitanda, sem er staddur erlendis, og sagði honum að ég hefði fyrirskipað að drengirnir dúlluðu sér  í smiðjunni fram að hádegi. Hann var samþykkur því að þeir færu ekki yfir Heiðina en vildi að þeir ynnu í stað þess að dúlla sér. Leggur líklega einhverja aðra merkingu í það en ég.........

Þegar ég svo hringdi til að gefa grænt ljós á Heiðina síðar í morgun var mér sagt að það væru allir löööngu farnir sem hefðu á annað borð ætlað yfir............ Það ynnu sko engar kjéddlingar þarna...

Ég var afskaplega þakklát skelkuðu drengjunum tveimur, í gærkveldi, því þegar við Stúfur Stubbalings laumuðum okkur út í kvöldpissið ákvað hengjan sem eftir var, að falla - á mig!!! Það var hvorki þægilegt né notalegt svo maður snúi nú frasanum hans Binga við - sem einhverntíma um daginn sagðist vera bæði hryggur og leiður, ætti kannski að kíkja í samheitabók drengurinn sá - en sumsé ég var afskaplega þakklát fyrir að ég fékk bara afgangsjökul í hálsmál og höfuð.

Næst liggur fyrir að vinna Þjóðverja í Noregi. Heyrði Adolf Inga tala við Loga í hádeginu. Leikurinn leggst vel í mig! Hvað haldiði að við töpum stórt?

pís

Athugasemdir

[Bryndís R (IP-tala skráð) 22.1.2008 kl. 13:21]

Töpum? Af hverju helduru að við töpum?

[Hrönn Sigurðardóttir, 22.1.2008 kl. 13:27]

skilþaggi........... ;)

[Kristín Katla Árnadóttir, 22.1.2008 kl. 13:55]

Neiiiiiiiii ekki svona svartsýni nú vinnum við.

[Hrönn Sigurðardóttir, 22.1.2008 kl. 14:11]

hehehehe Katla mín

[Fanney Björg Karlsdóttir, 22.1.2008 kl. 14:31]

hvaða hvaða..... ég fór yfir heiðina í morgun...... og það var sko pís of keik...... skil ekki þetta stress.......og Hrönnslan mín...auðvitað vinnum við í kvöld.... ekkert væl   vinnum þetta með léttum...

[Ásthildur Cesil Þórðardóttir, 22.1.2008 kl. 15:25]

þú átt að bera meira traust til drengjanna þinna Hrönn mín.

[Jóna Á. Gísladóttir, 22.1.2008 kl. 15:27]

pís Hrönnsla

[www.zordis.com, 22.1.2008 kl. 15:50]

Bara hremmingar á Kjéddlingunni ... meiri starfsfélagarnir sem þú hefur  alltaf gott að hafa þá undir hælnum þ.e. starfsfélagana!  Vona að þú skriðjökullinn hafi ekki gert mikið mein.

[Hrönn Sigurðardóttir, 22.1.2008 kl. 16:19]

Jú jú Fanney - það hefur verið þér léttur leikur.....

Cesil! Þetta er spurning um að þeir hlýði!!

Nei skriðjökullinn var orðinn næsta meinlaus en kaldur var hann

Hallgerður og Jóna

[Dísa Dóra, 22.1.2008 kl. 17:18]

Isssss enga svartsýni kella - við vinnum

[Hrönn Sigurðardóttir, 22.1.2008 kl. 17:36]

Dísa mín - sagði konan hunangssætri röddu - við erum búin að tapa......

[Hugarfluga, 22.1.2008 kl. 18:19]

Ég er alvarlega að íhuga að flytja austur fyrir fjall bara til að upplifa þessa orku frá þér og myndi þá kannski drattast í leikfimi!! Vona að hengjan hafi ekki skaðað þig mikið. Hún hefur allavega ekki skert hnittnigenið í þér, kella mín. 

[Rebbý, 22.1.2008 kl. 20:52]

skelfing að heyra með skriðjökulinn en voðalega ertu sæt við vinnufélagana, mínir komu allir í bæinn (þ.e. bæði þeir sem búa fyrir austan og á öðrum undarlegum stöðum)

[Ásdís Sigurðardóttir, 22.1.2008 kl. 21:16]

Þú átt alltaf að stökkva eldsnöggt út þegar von er á ísjaka ofanfrá.  Við töpuðum helv. leiknum, ekki okkur að kenna. Farðu varlega í hláku og hálku elskið mitt.

[Marta B Helgadóttir, 22.1.2008 kl. 21:53]

.."Þá fann ég endorfínkippina kikka inn"  

Það er góð styrking fyrir magavöðvana að lesa pistlana þín Hrönnslan mín, ég hlæ og hristist öll og hlæ svo enn meira

[Gunnar Páll Gunnarsson, 22.1.2008 kl. 22:02]

Stundum saknar maður veðurfarsins á Íslandi og þá sérsaklega þegar stendur á ofan frá fjalli eins og Einar afi sagði í den. Og átti þá við norðanáttina.  Hér er von á stórblíðu og næstm því 9 stiga hita um helgina. Maður ætti bara að bregða sér niður á strönd! Ha! Með kippu og handklæði. Sé til. Sendi tvær gráður til ykkar á Selfoss.

[Hrönn Sigurðardóttir, 23.1.2008 kl. 08:06]

smjúts á ykkur og Gunni Palli kokkur - ég skal senda þér norðannæðing í poka

[Steinunn Helga Sigurðardóttir, 23.1.2008 kl. 17:37]

knúsí til þín og ljónshjarta

Bless

steina