Í dag...

....hef ég afrekað ýmislegt!

Ég endurritaði bréf til ákveðinnar stofnunar hér á landi. Minn nýji yfirmaður kallar það sjö klúta bréfið ........... Ég er ekki frá því að hann hafi rétt fyrir sér!! Kona er nú einu sinni þaulreyndur rithöfundur - allavega bloggari.  Nú er bara að bíða og sjá, ef vel tekst til skal ég gefa ykkur uppskriftina - annars ekki............

Var mætt út í rokið um sexleytið í morgun, já já - Stubbalingur svaf út, þegar síminn minn hringdi. Ég var spurð óþægilega nærgöngulla spurninga um veðrið............

Tók svo til við þá iðju sem mér lætur bezt - að slíta peninga af fólki í desembermánuði!! Hringdi m.a. í einn sem spurði mig þeirrar frómu spuringar hvort ég væri sú eina sanna Hrönn!! Ég játti því að sjálfsögðu, án þess að blikka auga - enda er ég hún. Ég er ekki frá því að hann hafi verið glaður að heyra í mér

Enn ein lægðin nálgast landið, ég hef verið að reyna að rifja upp í dag hvað það heitir á fagmáli þegar fólk er orðið svo þreytt á veðurofsa að það verður alsljótt...... einhver?

Ég er búin að troða upp í bréfalúguna aftur, binda niður allt lauslegt - þar á meðal hundinn og bíð nú spennt að sjá hvaða hring innkaupakerrurnar taka á Bónusplaninu í nótt.

Þar til næst.....

Athugasemdir

[Heiða Þórðar, 15.12.2007 kl. 00:14]

Elsku rófan mín, hver fer að labba úti klukkan sex að morgni...nema kannski þú...get ekki ýmindað mér að þú hittir sálu á ferli...

[Marta B Helgadóttir, 15.12.2007 kl. 01:12]

......kl 6 að morgni í þessu veðri! 

Fyrir alla muni farðu varlega

Ég er orðin geðvond og langþreytt á öllum þessum veðurofsa, ég urra á saklaust fólk sem verður á vegi mínum, myndi líklega gelta ef það hreyfði sig e-ð torkennilega í átt til mín.

[Ásthildur Cesil Þórðardóttir, 15.12.2007 kl. 13:27]

Þessi síðasta lægð varði nú bara augnablik hér, fór eiginlega að mestu framhjá sem betur fer.  En þetta fer að verða alveg nóg.  Ég bíð auðvitað spennt eftir því hvort 7 klútabréfið virki .  Enda er hér um að ræða hina einu sönnu Hrönn.

[Kristín Katla Árnadóttir, 15.12.2007 kl. 16:24]

Dugleg ertu að vakna kl 6 og fara út ég er líka orði þreytt á þessu veðri svo kemur önnur lægð á morgunn.

[SigrúnSveitó, 15.12.2007 kl. 17:59]

[Ásdís Sigurðardóttir, 15.12.2007 kl. 21:34]

Ég vakna mjög oft klukkan 6....................  fer að pissa og sofna svo aftur hehehe