Menningarferð með verzlunarlegu ívafi

Fór í bæinn með Möggu í gær. Þessar ferðir okkar eru frábærar!!

Við vourm snemma á ferðinni og byrjuðum á að rölta upp Skólavörðustíginn. Fórum inn til Eggerts Feldskera og þukluðum loðfeldi. Þar var einn úr kengúruskinni, fisléttur og algjörlega guðdómlegur. Kostaði "bara" rúmlega 400 þúsund kall....... Við vorum sammála um að sá sem keypti hann fengi ekki mikið fyrir peninginn. Afgreiðslumaðurinn sagðist eiga blý til að setja í vasana til að þyngja hann niður  Fórum líka inn í Keramik Kolbrúnar, þar var okkur gefið heitt súkkulaði á meðan við skoðuðum okkur um. Frábært!

Fengum okkur kaffi á Hótel Reykjavík Centrum á meðan við skoðuðum málverkasýningu Katrínar Snæhólm. Mæli með því að þið farið þangað og skoðið myndirnar hennar.

Áleiðis upp Laugaveginn héldum við svo og var þá heldur farið að fjölga í bænum. Hápunkti ferðarinnar var svo náð með viðkomu í Flash þar sem beið mín, á slá, sítt svart tjull- og blúndupils. Ég mátaði það, snéri mér í hringi og pilsið hvíslaði að mér að það væri mitt........ Ég hef ekki farið úr því síðan og er harðákveðin í að í þessu pilsi ætla ég að gifta mig 

Takk - enn og aftur Magga - fyrir frábæran dag

Athugasemdir

[Kristín Katla Árnadóttir, 9.12.2007 kl. 14:18]

Þetta hefur verið mjög skemmtilegur dagur hjá ykkur. Já mér langar að fara á málverkasýnungu. Katrínar bloggvinkonu. Eigðu góða dag Hrönn mín.

[Kristín Katla Árnadóttir, 9.12.2007 kl. 14:19]

Ætlaði að sega mig langar.

[Guðný Anna Arnþórsdóttir, 9.12.2007 kl. 22:10]

Frábær dagur hjá ykkur systrum. Fátt jafnast á við Skólavörðustíginn og heitt kakó.

[Jenný Anna Baldursdóttir, 9.12.2007 kl. 22:20]

Ég elska Skólavörðustíginn, hann er heimur út af fyrir sig.

[Huld S. Ringsted, 9.12.2007 kl. 22:56]

Mig langar svo á sýninguna hjá Katrínu

[Jóna Á. Gísladóttir, 9.12.2007 kl. 23:24]

Góður dagur hjá þér. Verður mér boðið í brúðkaupið?

[Marta B Helgadóttir, 9.12.2007 kl. 23:54]

Góður dagur hjá ykkur. Vil gjarnan koma líka í brúðkaupið  

[Hrönn Sigurðardóttir, 10.12.2007 kl. 07:02]

Stelpur mínar. Auðvitað verður ykkur öllum boðið í brúðkaupið! Um leið og ég er búin að leysa þetta ööööörlitla vandamál að finna mann...............

[Ásthildur Cesil Þórðardóttir, 10.12.2007 kl. 17:47]

ég vona að sýningin verði ennþá í gangi, þegar ég legg leið mína suður reyndar fyrir áramót.  En þetta hljómar eins og fullkomin dagur Hrönn mín.

[Gunnlaugur B Ólafsson, 10.12.2007 kl. 18:00]

Varla að maður þori að kíkja inn og kvitta á eftir þessum fjölda kvenna - margar þar að auki í giftingarhugleiðingum!  Njóttu dagana!

[Ólafur fannberg, 10.12.2007 kl. 18:51]

annar i röðinni af karlpeninginum.Kvitt fyrir innliti og lestri

[Hugarfluga, 10.12.2007 kl. 21:45]

Ohhhh elska svona daga! Pant verða brúðarmær!!!!

[Steinunn Helga Sigurðardóttir, 10.12.2007 kl. 22:04]

ljós til þín

steina 

[Gunnar Páll Gunnarsson, 10.12.2007 kl. 22:16]

Ég skal svo elda matinn. Málið dautt!

Gunni Palli kokkur 

[Hrönn Sigurðardóttir, 10.12.2007 kl. 22:25]

Gunni Palli kokkur - tek þig á orðinu  Hver þarf að hafa áhyggjur af smámáli eins og brúðguma þegar kokkurinn er kominn í kabyssuna?

Steina

Fluva! Hver önnur? Og aftur segi ég: Hver þarf að hafa áhyggjur.........

Gulli minn, þetta er allt í lagi - ég skal passa þig

Allir hinir: