Brot úr degi

Síðan ég opnaði mín eiturgrænu augu eftir góðan, en kannski of stuttan, nætursvefn hef ég afrekað; að hraðbanki át debetkortið mitt fyrir klukkan sjö í morgun!! Eftir að hafa hamast á cancel takkanum og sparkað í fargins hraðbankann, að við tölum nú ekki um hvað kom út úr mínum munni á meðan - það snyrtilegasta, og það EINA sem er prenthæft, var: "kallast þetta HRAÐbanki? Búin að standa hér í f...... fimm mínútur...." Þá vaknaði "hrað"bankinn og gerði allt fyrir mig. Eins gott að ég yfirgaf ekki svæðið og kortið!!

Læsa mig úti í 10 stiga gaddi!! Má þakka fyrir að hafa verið í hreindýrinu sem ég skaut þegar ég flaug yfir Finnland hér um árið. Eftir að hafa gengið úr skugga um að enginn aukalykill var geymdur neins staðar, var mér skutlað á vinnustað nágrannans sem lánaði mér sinn lykil og eftir japl og jaml tókst mér að skrúfa millihurðina úr í kjallaranum og brjótast þannig inn til mín. Hins vegar nenni ég ekki að skrúfa hurðina í aftur...... Á meðan að á þessu stóð uppgötvaði ég að ég er ekki efni í innbrotsþjóf. Það er líklega ekki vænlegt til árangurs í þeirra starfi að sótbölva eins og gamall sjóraftur og sparka í hluti......

Niðurstaðan só far: Ég er ekki líklegur kandidat í innbrot. Ég á góða skó. Ég kann ótrúlega mörg ljót orð

Farin að finna Lása Smið eða kannski bara út í BYKO........ 

Athugasemdir

[Ásdís Sigurðardóttir, 7.12.2007 kl. 15:26]

Hvoru megin fórstu fram úr darling??  vona að dagurinn endi vel.  Passaðu þig á ljósastaurum ef þú ferð ut að labba.     

[Jenný Anna Baldursdóttir, 7.12.2007 kl. 18:17]

"Má þakka fyrir að hafa verið í hreindýrinu sem ég skaut þegar ég flaug yfir Finnland hér um árið" ég er í kasti.

[Hugarfluga, 7.12.2007 kl. 22:02]

Hahahahaha!!! Þú ert svo fyndin, kona!! 

[Hrönn Sigurðardóttir, 7.12.2007 kl. 22:07]

  þeinkjú - ég get hins vegar sagt ykkur, svona í trúnaði, að mér fannst þetta ekki fyndið á meðan á því stóð.......

[Ásthildur Cesil Þórðardóttir, 8.12.2007 kl. 11:10]

Nú lá við að þú dræpir mig úr hlátri Hrönn Sigurðardóttir, svoleiðis á ekki að koma fram við gamlar konur

[Kristín Katla Árnadóttir, 8.12.2007 kl. 11:38]

Þú er skemmtileg  ég fór að hlæja þú orðar allt svo vel.

[Huld S. Ringsted, 8.12.2007 kl. 13:08]

Skil vel að þetta hafi ekki verið skemmtilegt meðan á því stóð en..............................................

[Marta B Helgadóttir, 8.12.2007 kl. 22:15]

Ha ha ha ha ha óborganleg alveg hreint !

[SigrúnSveitó, 8.12.2007 kl. 22:34]

Þú ert náttúrlega bara snillingur!! Og ekki bara snillingur heldur DREPfyndinn snillingur!

Takk darling