Veik mí öp bífor jú gó gó

"Vert þú ekkert að stugga við mínum hundi" sagði ég hryssingslega við fulltrúa þvagleggsins, þegar ég þurfti að erindast þangað vegna vsk. í dag. "Viltu kannski að ég stuggi við þínum hundi?" sagði ég svo, ekki minna hran(n)a(r)leg, þegar ég sá að þau voru að æfa leitarhundinn á almenningstúninu við hliðina á skrifstofu þvagleggsins. Það var fátt um svör en Stúfur ætlaði að rjúka í að finna það sem þau voru búin að fela á túninu, meðan leitarhundurinn tvísteig fremur áttavillt.

Fyrir utan það er ég búin að vera hrikalega dugleg í dag. Kláraði vsk. var fremur strekkt yfir því að það tækist ekki - enda hellingsvinna að klára það og mín bara að fokka í Danaveldi  Sá svo fram á það í hádeginu að þetta tækist og fór þá að anda léttar. Búin að vera einhver lurða í mér síðan ég kom heim en það er líka að rjátlast af mér. Var að spá í það öðru hvoru í dag, svona í dauða tímanum  hvernig maður setur tónlistarspilarann upp? Einhver sem getur, kann og skilur það?

Foreldaði - kemur í staðinn fyrir forleik á mínu heimili - áður en ég fór í leikfimi og er núna að bíða eftir að maturinn verði klár. Ilmurinn lofar góðu og brauðið hefast á meðan. Matur á spænskum tíma í kvöld sem minnir mig á það ég ætlaði að hringja í mágkonu mína sem er nýkomin frá Colombiu.

Ég held ég sé ofvirk!! But then again, eru ekki allir snillingar ofvirkir og með athyglisbrest? Spurð´ún hógvær.........Þið kannski vekið mig ef ég sofna ofan í diskinn?

Sofið rótt í hausinn á ykkur 

Athugasemdir

[Kristín Katla Árnadóttir, 5.12.2007 kl. 21:13]

Svakalega ertu dugleg Hrönn mín mér Finns færsla þín fyndin. þú ert ekki með athyglisbrest. umm það er einhver önnur

[Ásdís Sigurðardóttir, 5.12.2007 kl. 21:26]

Fór á sýsló í dag, sá fullt af hundum. Hafðu það gott vina mín.

[Hrönn Sigurðardóttir, 5.12.2007 kl. 21:30]

Í alvöru Ásdís? Varstu þar kannski á meðan ég var þar?

Katla

[SigrúnSveitó, 5.12.2007 kl. 21:42]

[Halldór Egill Guðnason, 6.12.2007 kl. 00:23]

Tekurðu hundinn með þér í vinnuna?"Ever tried doing the book´s without the dog"?   Lurða!

[Heiða Þórðar, 6.12.2007 kl. 00:48]

Var ég búin að segja þér hversu frábær mér finnst þú vera?

[Jenný Anna Baldursdóttir, 6.12.2007 kl. 09:11]

Góðan dag, hér eru konur í fyrra fallinu.  Farðu nú að láta þér batna elskið mitt og njóttu dagsins.  Bið að heilsa vóffa.

[Steingerður Steinarsdóttir, 6.12.2007 kl. 09:30]

Ég verð bara að taka undir orð Heiðu Þórðar.

[Ásthildur Cesil Þórðardóttir, 6.12.2007 kl. 13:25]

Þú ert frábær eins og hinar segj tek undir það. 

En það hefur þá ekki verið slys eða slíkt, þar sem þvagleggurinn hefur getað spígsporað fyrir framan myndarvélarnar, meðan björgunarmenn eru að kanna aðstæður, og fórnarlamb nýdáið.  Aldrei hef ég séð svo ósmekklega umfjöllun eins og í sjónvarpinu það kvöldið, og það ógeðfeldasta var að sá þennan litla mann spígspora framan við myndavélarnar eins og ekkert væri.  Í öllum tilvikum hefðu sýslumenn beðið fréttamennina að fjarlægja myndavélarnar, og sýna smá virðingu fyrir slíkum sorgaratburði eins og þar átti sér stað.

[Marta B Helgadóttir, 7.12.2007 kl. 00:36]

Fær voffi að fara með í vinnuna?